Медыкі ў ахоўных касцюмах, архіўнае фота

Мінздароўя: медыкам растлумачаць, як налічваюцца надбаўкі за працу ў пандэмію

9
(абноўлена 09:30 12.05.2020)
Сума штомесячнага ўзнагароджання залежыць ад нагрузкі, узроўню небяспекі, адказнасці і вар'іруецца ад 300 да 4000 рублёў.

МІНСК, 12 мая - Sputnik. Міністэрства аховы здароўя рэкамендуе праводзіць у медустановах пасяджэнні камісій па аплаце працы для тлумачэння пытанняў па налічэнні надбавак урачам у перыяд пандэміі. Пра гэта намеснік начальніка ўпраўлення ведамства Алена Крутава паведаміла ў эфіры тэлеканала "Беларусь 1".

Беларускія ўрачы атрымалі разліковыя дакументы за красавік на днях, сумы ў многіх павялічыліся пасля ўступлення ў сілу прэзідэнцкага ўказа "Аб матэрыяльным стымуляванні работнікаў аховы здароўя". Мэта дакумента - падтрымаць медыкаў падчас пандэміі, яго дзеянне распаўсюджваецца на супрацоўнікаў усіх бюджэтных арганізацый незалежна ад пасады: пад дзеянне патрапілі, у тым ліку, паліклінікі, службы хуткай дапамогі і лабараторыі.

"Мы тлумачым, што гэтыя надбаўкі ўсталёўваюцца загадам кіраўніка. Для таго, каб вызначыць правамернасць прызначэння гэтых надбавак (таму што сумы вельмі вялікія), рэкамендуем праводзіць пасяджэнні камісій па аплаце працы, каб прыцягвалі да гэтай працы кіраўнікоў структурных падраздзяленняў", - патлумачыла Алена Крутава.

Сума штомесячнага ўзнагароджання залежыць ад нагрузкі, узроўню небяспекі, адказнасці і вар'іруецца ад 300 да 4000 рублёў. Надбаўкі пакладзены і тым, каго прыцягнулі для аказання медыцынскай дапамогі пацыентам з інфекцыяй ўсяго аднойчы: такім супрацоўнікам даплацяць за адну змену.

"Тлумачальная праца праводзілася нашымі работнікамі ў планава-эканамічным аддзеле, з бухгалтэрыяй. У прынцыпе, пытанні калі і ўзнікалі, то не ў плане недаплаты, а ў плане нейкіх пераразлікаў (...). Персанал проста хацеў ведаць, што як. Пытанняў на дадзены момант у нас няма", - распавяла галоўная медсястра 3-ці ГКБ Мінска Святлана Кандрацьева.

Міністэрстве аховы здароўя просяць быць цярплівымі ўрачоў, якія пакуль не ўбачылі ўзнагароджанняў і запэўніваюць: абяцаныя сумы дойдуць да ўсіх.

9
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19 (1188)
Аляксандр Лукашэнка ў час наведвання Аршанскага авіярамонтнага завода

І авіярамонтны завод, і аэрадром у Оршы будуць дзяржаўнымі Лукашэнка

23
(абноўлена 14:22 14.06.2021)
Прэзідэнт Беларусі наведаў Аршанскі авіярамонтны завод, дзе азнаёміўся з работай прадпрыемства, узорамі авіятэхнікі, рамонтам якой зараз тут займаюцца.

МІНСК, 14 чэр - Sputnik. Як расказаў кіраўніку дзяржавы генеральны дырэктар прадпрыемства Павел Случак, у 2023 года плануюць увесці ў эксплуатацыю новы цэх па рамонце дэталяў і вузлоў верталётаў і самалётаў.

"Гэта будзе новая сучасная вытворчасць. Гэта дазволіць нам мінімізаваць ўсю закупачную частку і стварыць новыя працоўныя месцы, - адзначыў ён. - Маштаб праекта разам з абсталяваннем - прыкладна 32-35 мільёнаў беларускіх рублёў".

Паводле слоў гендырэктара, праблем з заказамі ў Аршанскага авіярамонтнага завода цяпер няма. "На гэты год мы загружаны. Нашы традыцыйныя рынкі - гэта Цэнтральная Азія, Паўднёва-Усходняя Азія, Афрыка, Паўднёвая Амерыка. Ёсць шэраг краін, кантракты з якімі знаходзяцца ў глыбокай ступені прапрацоўкі, таму мы рухаемся далей", - распавёў Павал Случак.

У час размовы была таксама закранута тэма далейшага развіцця аэрадрома Оршы, частка якога перададзена Нацыянальнаму аэрапорту Мінск.

"Тут усё будзе дзяржаўнае, - падкрэсліў Аляксандр Лукашэнка. - Дзяржаўным завод будзе, ён пашыраецца. Аэрадром - дзяржаўны. Дзяліць тут няма чаго, усё гэта дзяржаўнае".

Два ў адным

Аршанскі авіярамонтны завод - вядучае прадпрыемства Беларусі па капітальным рамонце і мадэрнізацыі верталётаў Мі, абсталявання і сістэм розных тыпаў паветраных судоў, па тэхнічным абслугоўванні самалёта Іл-76.

На думку спецыялістаў, прадпрыемства мае магутнасці і высокакваліфікаваныя кадры, здольныя ў самыя кароткія тэрміны асвоіць і выканаць рамонт сучаснай авіяцыйнай тэхнікі.

Аэрадром Орша (Балбасава) быў пабудаваны для ваенных мэтаў у адпаведнасці з прынятым у 1928 годзе рашэннем Савета народных камісараў СССР. У гэтым раёне размяшчаліся авіячасткі Заходняга фронту. Работы пачаліся ў 1934 годзе, а ў траўні 1939-га тут ужо базіраваліся ваенныя лётчыкі. Аэрадром валодаў адзінай у Беларусі бетоннай узлётна-пасадачнай паласой, таму ў гады Вялікай Айчыннай вайны з'яўляўся стратэгічным аб'ектам.

Пасля вызвалення ад нямецка-фашысцкіх акупантаў не страціў сваёй значнасці - з 1954 года і аж да расфарміравання ў канцы 1993-га тут базіраваўся 402-і цяжкі бамбавальны авіяцыйны полк. Пасля на тэрыторыі аэрадрома размяшчаліся падраздзялення ААТ "Аршанскі авіярамонтны завод".

Аэрадром здольны прыняць любы тып самалётаў. Па суседстве - найбуйнейшы лагістычны цэнтр, менавіта таму стаўку робяць на грузавы авіятранспарт.

Чытайце таксама:

23
Тэги:
Беларусь, прэзідэнт, Аляксандр Лукашэнка, Орша, завод
Нафтаперапрацоўчы завод і нафтаправод Дружба

"Гомельтранснафта Дружба" аднавіла прапампоўку нафты з Расіі ў Еўропу

9
(абноўлена 12:26 14.06.2021)
Рамонтныя работы на магістральным нафтаправодзе доўжыліся чацвёра сутак і былі паспяхова завершаны згодна папярэдне складзеным плане дзеянняў.

МІНСК, 14 чэр - Sputnik. ААТ "Гомельтранснафта Дружба" замяніла ўчастак магістральнага трубаправода, гаворыцца ў паведамленні кампаніі.

Раней 9 чэрвеня стала вядома, што прапампоўка расійскай нафты ў еўрапейскім накірунку прыпыненая на 96 гадзін у сувязі з планавымі работамі.

Спецыялісты беларускага аператара трубаправода з 8 па 13 чэрвеня замянілі ўчастак магістральнага нафтаправода Мазыр - Брэст DN600, правялі рамонт і абслугоўванне засовак на нафтаперакачвальных станцыях і лінейнай часткі нафтаправода.

"Работы вяліся на 227 км нафтаправода Мазыр - Брэст DN600 ва ўмовах планавгай прыпынку перапампоўкі сыравіны", - распавялі ў ААТ "Гомельтранснафта Дружба". У выніку работ быў заменены ўчастак трубы даўжынёй 250 метраў.

"Пасля заканчэння мантажных работ ажыццёўлены неразбураючы кантроль зварачных злучэнняў, участак трубаправода запоўнены нафтай", - адзначылі ў прэс-службе.

Пры гэтым у беларускай кампаніі запэўнілі, што "працы накіраваны на павышэнне надзейнасці магістральнага нафтаправода". У цяперашні час магістральны нафтаправод працуе ў штатным рэжыме.

Чытайце таксама:

9
Тэги:
Еўропа, Расія, нафта, нафтаправод "Дружба", "Гомельтранснафта"
Дзяржаўны акадэмічны ансамбль танца Беларусі на адкрыцці XXVII Міжнароднага фестывалю мастацтваў Славянскі базар у Віцебску

Усё будзе выдатна: Мінкульт аб "Славянскім базары"

3
(абноўлена 14:12 14.06.2021)
Некаторыя выканаўцы адмовіліся ўдзельнічаць у юбілейным фестывалі "Славянскі базар" у Віцебску з-за псіхалагічнага ціску на іх у сацсетках па палітычных матывах.

МІНСК, 14 чэр -Sputnik. Адмова некалькіх артыстаў ад удзелу ў "Славянскім базары" ў Віцебску істотна не паўплывае на правядзенне традыцыйнага свята, пра гэта заявіў міністр культуры Беларусі Анатоль Маркевіч у эфіры СТБ.

Ён адзначыў, што яны прынялі такое рашэнне з-за эмацыйнага ціску ў сацсетках, выкліканага палітычнымі матывамі.

Міністр лічыць, што "тут ніякай трагедыі няма".

"Адмовіліся літаральна лічаныя артысты. Яны ніякага надвор'я не зрабілі ў адносінах да фестывалю ў дрэнным сэнсе слова", - дадаў ён.

Маркевіч упэўнены, што юбілейны, 30-ы фестываль адбудзецца і будзе яркім. На яго думку, гэты музычны форум "мацнее з году ў год дзякуючы гледачам, якія наведваюць яго".

Ён дадаў, што на ўдзел у свяце паступілі заяўкі больш чым з 30 краін.

"Гэта яскравае пацверджанне таму, што ніякія знешнія сілы нам абсалютна не страшныя. Усё будзе выдатна", - падкрэсліў кіраўнік ведамства.

Нагадаем, што Міжнародны фестываль мастацтваў "Славянскі базар", падчас якога праходзяць конкурсы эстрадных выканаўцаў, запланаваны на 14-19 ліпеня.

Пасля апублікавання афішы канцэртаў шэраг артыстаў атрымалі ў сваіх акаўнтах у сацсетках звароты з заклікамі не прымаць удзел у мерапрыемстве з-за палітычнага становішча ў рэспубліцы. Некаторыя з іх адмовіліся ад сваіх выступленняў.

Чытайце таксама:

3
Тэги:
сацсеткі, артыст, Славянскі базар у Віцебску, Міністэрства культуры РБ