МІНСК, 18 мая - Sputnik. Пасяджэнне савета канцэрна "Белнафтахім" у рэжыме відэаканферэнцыі адбылося ў Мінску, на ім былі падведзены вынікі працы за першы квартал 2020 года.
Па выніках працы за тры месяцы апынуўся не выкананы паказчык па экспарце тавараў, які склаў усяго 44,2 працэнта пры заданні 103,5 працэнта. Прычым індэкс вытворчасці прамысловай прадукцыі канцэрна ў супастаўных цэнах па выніках першага квартала склаў 83,8 працэнта.
"Здабыта 424 тысячы нафты (101,9 працэнта да студзеня-сакавіка 2019 года). Аб'ём перапрацоўкі нафты за тры месяцы склаў 2,76 мільёна тон (59,4 працэнта да адпаведнага перыяду мінулага года)", - гаворыцца ў паведамленні прэс-службы канцэрна.
Паказчыкі знешняга гандлю прадпрыемстваў пагоршыліся ў выніку сукупнасці цэлага шэрагу фактараў:
зніжэнне фізічных аб'ёмаў экспарту нафтапрадуктаў,
падзенне катыровак на нафту маркі Urals на 24 адсоткі - з 63,2 да 48,1 долара за барэль,
уцягванне ў перапрацоўку на НПЗ запланаванай на экспарт беларускай нафты,
зніжэнне каціровак і экспартных цэн на нафтахімічную прадукцыю да 30 адсоткаў.
У "Белнафтахіме" канстатавалі, што экспарт склаў усяго 921,2 мільёна долараў, або 44,2 працэнта да адпаведнага перыяду мінулага года.
