МІНСК, 28 мая - Sputnik. Праца па адмене роўмінгу паміж Расіяй і Беларуссю вядзецца ў рамках "дарожнай мапы", пра гэта сказаў РІА "Новости" намеснік кіраўніка Федэральнай антыманапольнай службы Расіі Анатоль Галамолзін.
Раней беларускае Міністэрства сувязі і інфарматызацыі расказала аб трох этапах работ па адмене роўмінгу на тэрыторыі Саюзнай дзяржавы. Паводле двухбаковых планаў, гэта павінна адбыцца ў верасні бягучага года.
"Праца па адмене роўмінгу паміж Расіяй і Беларуссю вядзецца ў рамках дарожнай карты, рэалізацыя якой у частцы, якая тычыцца тарыфаў, намечана на верасень 2020 года", - нагадаў намеснік кіраўніка ФАС.
Паводле яго слоў, на гэты тэрмін прызначанае аднамомантнае паніжэнне як ставак ва ўзаемаразліках, так і ставак у роўмінгу, якія выкарыстоўваюцца паміж аператарамі.
Анатоль Галамолзін дадаў, што гэта прывядзе да адпаведнага зніжэння тарыфаў у розніцы да ўзроўню, блізкага да таго, па якім аплачваюцца паслугі сувязі на тэрыторыі Расіі і Беларусі.
