Увод у эксплуатацыю парагазавага энергаблока ПГУ-420 на ЦЭЦ -20

Газпрам гатовы да перамоваў з Мінскам аб цане на газ у 2021 годзе

7
(абноўлена 13:59 08.06.2020)
Старшыня праўлення ПАТ "Газпрам" накіраваў адказ на ліст міністра энергетыкі Беларусі, атрыманы на мінулым тыдні.

МІНСК, 8 чэр - Sputnik. Газпрам гатовы пачаць перамовы аб пастаўках газу ў Беларусь ў 2021 годзе пры выкананні краінай кантракту на 2020 год, цэнавыя ўмовы паставак па якім былі канчаткова узгоднены 14 лютага, гаворыцца ў паведамленні кампаніі.

На пачатку чэрвеня беларускае ведамства накіравала ліст у адрас старшыні праўлення кампаніі "Газпрам" Аляксея Мілера, дзе пазначыла ключавыя пытанні двухбаковага парадку дня і прапановы па іх абмеркаванні. У прыватнасці, там агаворваліся ўмовы паставак газу ў 2020 годзе і методыка цэнаўтварэння на газ з 1 студзеня 2021 года.

"Цэнавыя ўмовы пастаўкі газу да канца бягучага года былі канчаткова ўзгоднены 14 лютага 2020 года. Пры ўмове поўнага захавання беларускім бокам ужо дасягнутых дамоўленасцяў у 2020 годзе "Газпрам" пацвярджае гатоўнасць пачаць перамовы ў дачыненні да ўмоў пастаўкі газу з 1 студзеня 2021 года", - адзначана ў лісце.

Раней міністр энергетыкі Расіі Аляксандр Новак і пасол Беларусі ў РФ Уладзімір Сямашка падпісалі пратакол, якім унесены змяненні ў пагадненне аб фарміраванні цэн пры пастаўцы газу ў рэспубліку. У дакуменце таксама агаворваліся тарыфы на транспарціроўку "блакітнага паліва" па тэрыторыі рэспублікі.

Пазней старшыня праўлення ПАТ "Газпрам" Аляксей Мілер заявіў, што размова аб умовах паставак газу ў Беларусь ў 2021 годзе будзе весціся пасля пагашэння доўгу за бягучыя пастаўкі. У Мінэнерга, у сваю чаргу, паведамілі, што за імпартаваны з Расіі прыродны газ Беларусь запазычанасці не мае.

У цяперашні час па ўмовах доўгатэрміновага кантракту адна тысяча кубаметраў газу каштуе Мінску ў 127 долараў ЗША. Беларускі бок настойвае на пераглядзе цэны, аргументуючы гэта тым, што аптовы кошт газу на еўрапейскім рынку ў цяперашні час складае каля 80 долараў за 1 тысячу кубаметраў.

7
Тэги:
Мінск, Газпрам
Надзвычайны і паўнамоцны пасол Беларусі Уладзімір Сямашка

Сямашка пра праблемы з Масквой: паўнамоцтвы ў СД, газ і падатковы манеўр

3
(абноўлена 15:15 01.07.2020)
Пасол Беларусі ў Расіі правёў у Маскве анлайн-брыфінг, прысвечаны Дню Незалежнасці, але распавёў не толькі аб надыходзячым свяце.

МІНСК, 1 ліп - Sputnik. Беларусь павінна была перадаць у наднацыянальныя органы Саюзнай дзяржавы 95% сваіх паўнамоцтваў, такую прапанову, паводле слоў пасла Беларусі ў Расіі Уладзіміра Сямашкі, зрабіла Расія падчас абмеркавання у 2019 годзе далейшага шляху інтэграцыі.

Гэтую заяву Сямашка зрабіў падчас анлайн-брыфінгу, прымеркаванага да Дня Незалежнасці Беларусі.

Разуменне па газу

Расія і Беларусь дасягнулі разумення ў газавым пытанні, заявіў у сераду на анлайн-брыфінгу беларускі пасол у Маскве Уладзімір Сямашка.

"Я павінен вас праінфармаваць, што ўчора адбылося знакавае мерапрыемства, калі сустрэліся міністры энергетыкі Расіі і Беларусі Новак і Каранкевіч, прысутнічалі і ад пасольства людзі, і быў Аляксей Мілер (кіраўнік "Газпрама"- Sputnik). І мне падалося, што разуменне саспела" , - сказаў Сямашка, яго цытуе агенцтва ТАСС.

Па дакладах міністраў ён зразумеў, што ў бакоў з'явілася разуменне "што трэба рухацца далей і рухацца да адзінага рынку газу", - адзначыў дыпламат.

Пры гэтым Сямашка падкрэсліў, што цяпер Беларусь не задаволена цэнамі на расійскі газ і рознагалоссямі, якія існуюць з "Газпрамам".

"Але мы бачым, што ёсць разуменне, і мы лічым, што такую задачу трэба ставіць. Да 1 студзеня 2022 года мы павінны вырашыць тую задачу, якую ставілі ў 2017 годзе", - падкрэсліў пасол.

Сямашка нагадаў, што тры гады таму Расія і Беларусь дамовіліся сфармаваць методыку вызначэння коштаў на газ у двухбаковым гандлі, каб пасля перайсці да адзінага рынку энергарэсурсаў. Пасол таксама звярнуў увагу, што Мінск спадзяецца дамовіцца з Масквой аб цэнах, супастаўных з унутрырасійскімі.

Падатковы манеўр

Мінск па-ранейшаму ставіць пытанне кампенсацыі беларускім НПЗ у сувязі з падатковым манеўрам у РФ, пра гэта таксама казаў Сямашка падчас анлайн-брыфінгу.

"Далей мы проста не можам вытрымаць, мы павінны вырашаць праблему падатковага манеўру. І калі мы распрацоўваем дарожныя карты, сёння мы ставім пытанне аб тым, што ў той меры, у якой кампенсуецца расійскім НПЗ падатковы манеўр, ён можа кампенсавацца і беларускім НПЗ. Інакш проста не можа быць", - сказаў пасол.

Ён падкрэсліў, што беларускія ўлады не здымаюць з парадку дня пытанне кампенсацыі выдаткаў ад падатковага манеўру.

Па асноўнай тэме прэс-канферэнцыі - будучаму Дню Незалежнасці, Сямашка адзначыў, што ў гэтым годзе з-за каронавіруса традыцыйна вялікую праграму святкавання ў Маскве прыйшлося скарэктаваць.

3
Тэги:
Уладзімір Сямашка
Сцягі Беларусі і Расіі

Мезенцаў: эканамічная інтэграцыя не пагражае незалежнасці Беларусі і РФ

5
(абноўлена 12:35 01.07.2020)
Размова сёння ідзе аб павышэнні канкурэнтаздольнасці і падтрымцы экспарту тавараў на рынкі трэціх краін, удакладніў пасол.

МІНСК, 1 ліп - Sputnik. Надзвычайны і Паўнамоцны пасол Расіі ў Беларусі Дзмітрый Мезенцаў лічыць, што Масква і Мінск могуць вярнуцца ў гэтым годзе да пытання ўзгаднення дарожных карт.

"Эканамічная інтэграцыя не пагражае ні пытанням незалежнасці Беларусі і Расіі, ні пытанням суверэнітэту дзвюх нашых краін. Сёння размова ідзе аб новым пазіцыянаванні, павышэнні канкурэнтаздольнасці, падтрымцы экспарту тавараў на рынкі трэціх краін", - заявіў журналістам у сераду Мезенцаў на ўчастку для галасавання па папраўках у Канстытуцыю, арганізаваным для грамадзян РФ у Мінску.

Ён адзначыў, што згодна з календаром Саюзнай дзяржавы пасяджэнне саюзнага Саўміна пройдзе ў гэтым годзе. Дыпламат удакладніў, што парадак, які папярэдне абмяркоўвалася на пасяджэнні Групы высокага ўзроўню, абяцае быць насычаным.

"Важна, каб у рамках гэтага парадку дня па магчымасці быў улічаны запыт і аднаго, і другога боку на гатоўнасць аднаўлення інтэграцыйнай работы, вяртання да дарожных карт, праграмы дзеянняў па рэалізацыі саюзнай дамовы", - падкрэсліў пасол.

Мезенцаў нагадаў, што пасол Беларусі ў Расіі Уладзімір Сямашка раней паведаміў, што беларускі бок гатовы да аднаўлення змястоўнай работы, вынікам якой было ўзгадненне 27 дарожных карт, а таксама парафіраванне праграмы дзеянняў саюзнага будаўніцтва.

"Важна не толькі, колькі карт мы ўзгаднілі. Важна, што мы напрацавалі ўнікальны вопыт узаемадзеяння урадаў, міністэрстваў, ведамстваў, экспертаў праз спрэчкі, праз парой неразуменне. Але на падмурку імкнення дамагчыся ўліку інтарэсаў партнёраў на карысць росту патэнцыялу Саюзнай дзяржавы і пацвярджэнне значнасці саюзнай будаўніцтва", - падкрэсліў пасол.

Дарожныя карты, якія маюць на мэце паглыбленне інтэграцыі, планавалася падпісаць да 20-годдзя дамовы аб стварэнні Саюзнай дзяржавы. Распрацоўку галіновых карт па развіцці інтэграцыі курыравала створаная урадамі Беларусі і Расіі рабочая група. У канцы мінулага года першы віцэ-прэм'ер Беларусі Дзмітрый Крутой адзначаў, што нявырашанымі застаюцца тры пытанні: "газ, нафта і пэўныя пытанні па падатковай карце".

5
Тэги:
Дзмітрый Мезенцаў, Беларусь, Расія
Прэзідэнт Расіі Уладзімір Пуцін

Папраўкі ў Канстытуцыю Расіі ўвойдуць у сілу 4 ліпеня

0
(абноўлена 17:29 03.07.2020)
Расійскі прэзідэнт заклікаў не страціць каштоўныя прапановы, якія не ўвайшлі ў Канстытуцыю.

МІНСК, 3 ліп - Sputnik. Канстытуцыя Расійскай Федэрацыі з унесенымі ў яе папраўкамі ўвойдзе ў сілу 4 ліпеня. Дату вызначыў прэзідэнт РФ Уладзімір Пуцін сваім указам, які быў апублікаваны ў пятніцу на афіцыйным партале прававой інфармацыі.

Галасаванне па папраўках (было прапанавана 206 паправак) да расійскай Канстытуцыі праходзіла з 25 чэрвеня па 1 ліпеня. Сёння кіраўнік ЦВК РФ Эла Памфілава абвясціла канчатковыя дадзеныя плебісцыту: 77,92% тых, хто прагаласаваў падтрымалі змены, супраць выказаліся 21,27%.

"Папраўкі ў Канстытуцыю Расійскай Федэрацыі (...) ўступаюць моц 4 ліпеня 2020 года", - гаворыцца ў тэксце ўказу.
Расійскі прэзідэнт у ходзе сустрэчы з рабочай групай па падрыхтоўцы паправак у Канстытуцыю падкрэсліў, што "людзі сэрцам адчулі, што тое, што было прапанавана самімі грамадзянамі Расіі, рабочай групай, дэпутатамі парламента, запатрабавана і трэба краіне".

Разам з тым ён звярнуў увагу, што ўсе "ўпакаваць" у канстытуцыю немагчыма, але іншыя каштоўныя прапановы ад людзей павінны быць рэалізаваныя.

"Усе спакаваць у канстытуцыю практычна не магчыма, нерэальна, ды і па сутнасьці не трэба, гэта не канстытуцыйны ўзровень. Але прапановы, якія паступілі ад людзей, якія мы не можам ўлічыць ў канстытуцыі і якія ўяўляюць з сябе безумоўную каштоўнасць для грамадства, гэтыя прапановы, без усялякіх сумневаў, павінны быць рэалізаваныя. альбо ў законах, альбо ў падзаконных актаў", - сказаў Пуцін.

"Галоўнае, каб нам нічога не страціць з таго, што людзі напрацавалі і прапанавалі карыснага для краіны", - дадаў прэзідэнт.

0
Тэги:
Канстытуцыя, Расія