Нафтаперапрацоўчы завод

Пастаўкі нафты з Расіі ў Беларусь зменшыліся ў два разы

13
(абноўлена 17:33 24.06.2020)
Сумарны аб'ём імпартных паставак чорнага золата на НПЗ у Наваполацку і Мазыры склаў крыху больш за 6 мільёнаў тон у першым паўгоддзі, што менш на 3,32 мільёна тон, чым за аналагічны перыяд мінулага года.

МІНСК, 24 чэр - Sputnik. Экспарт нафты з Расіі на НПЗ у Беларусі па сістэме "Транснафты" па выніках першага паўгоддзя знізіцца ўдвая, такія дадзеныя прыводзіць група Argus Media.

Паводле дадзеных аналітыкаў агенцтва, пастаўкі расійскай нафты ў Наваполацк і Мазыр упалі на 4,61 мільёна тон у параўнанні з другім паўгоддзем 2019 года. Фактычны аб'ём трубаправодных паставак з Расіі ў Беларусь, паводле папярэдніх дадзеных, склаў такім чынам 4,65 мільёна тон.

"Прыкметнае скарачэнне адгрузак звязана з тым, што асноўныя пастаўшчыкі не адгружалі нафту ў I квартале, паколькі беларускі бок настойваў на істотным павелічэнні зніжкі ў цэнавай формуле, якая выкарыстоўваецца", - піша Argus Media.

Найбуйнейшыя расійскія кампаніі аднавілі пастаўкі ў Беларусь толькі ў красавіку. Новыя рамачныя дагаворы заключаны аж да снежня бягучага года. Пры гэтым умовы паставак узгадняюцца штомесяц.

Спрэчкі аб формуле цаны на нафту для Беларусі зацягнуліся і вымусілі шукаць альтэрнатыўныя крыніцы паставак. Беларускі бок здолеў адшукаць на рынку 1 мільён тон нафты, што склала фактычна пятую частку ўсіх паставак у першым паўгоддзі.

"Гэты аб'ём не змог кампенсаваць зніжэнне паставак з Расіі", - канстатавалі ў Argus Media.

Сумарны імпарт сыравіны ў Беларусь па выніках першага паўгоддзя чакаецца на ўзроўні 6,15 мільёна тон. Гэта на 3,32 мільёна тон менш, чым у другой палове 2019 года. Такім чынам, можна палічыць, што беларускія НПЗ у выніку за першую палову 2020 года перапрацавалі толькі каля 70% таго аб'ёму сыравіны, што дазваляюць магчымасці прадпрыемстваў у Наваполацку і Мазыры.

13
Тэги:
Нафта, Расія, Беларусь
Тэмы:
Пытанне паставак нафты ў Беларусь (121)
Беларуская АЭС

Лукашэнка ўхваліў змены ў крэдытнае пагадненне з Расіяй па БелАЭС

27
(абноўлена 11:21 11.07.2020)
Праект пратакола аб зменах у пагадненне аб расійскім крэдыце на БелАЭС падпісаны кіраўніком дзяржавы.

МІНСК, 11 ліп - Sputnik. Аляксандр Лукашэнка падпісаў указ №263 "Аб праекце міжнароднай дамовы", якім ухваліў унясенне змяненняў у міжурадавае пагадненне з Расіяй аб прадастаўленні ўраду Беларусі дзяржаўнага экспартнага крэдыту для будаўніцтва АЭС, дакумент апублікаваны на Нацыянальным прававым інтэрнэт-партале.

На падставе гэтага праекта пратакола ўрад Беларусі будзе весці перамовы з расійскім бокам.

Цяпер унутрыдзяржаўныя працэдуры, неабходныя для падпісання пратаколаў, завершаны з абодвух бакоў.

Гісторыя крэдыту

Раней паведамлялася, што Беларусь вядзе перамовы з расійскім бокам з нагоды змены ўмоваў крэдыту на будаўніцтва БелАЭС у Астраўцы. У першую чаргу, гэта звязана са зрушэннем тэрмінаў уводу першага і другога энергаблока станцыі.

Пытанне нават абмяркоўвалася на вышэйшым узроўні: прэзідэнт Беларусі Аляксандр Лукашэнка і прэзідэнт Расіі Уладзімір Пуцін гаварылі па тэлефоне аб змене працэнтнай стаўкі па гэтым крэдыце. Пасля чаго расійскі бок не выключаў, што крэдыт будзе рэструктурызаваны.

Нагадаем, пагадненне аб прадастаўленні расійскага крэдыту для будаўніцтва АЭС прадугледжвае вылучэнне 10 мільярдаў долараў. Пры гэтым 90% прызначана на будаўніцтва па кантракце, яшчэ 10% ад кошту работ Беларусь фінансуе самастойна.

Згодна з дзеючымі умовамі, пагашэнне крэдыту павінна пачацца праз шэсць месяцаў пасля ўводу АЭС у эксплуатацыю, але не пазней за 1 красавіка 2021 года. Зварот грошай прадугледжаны 30 роўнымі долямі кожныя шэсць месяцаў. На 50% сумы налічваюцца працэнты па стаўцы 5,23% гадавых. На астатнія 50% налічваюцца працэнты па стаўцы LIBOR для шасцімесячных дэпазітаў у доларах, павялічанай на маржу ў памеры 1,83% гадавых.

27
Тэги:
БелАЭС, Аляксандр Лукашэнка
Тэмы:
Будаўніцтва БелАЭС у Астраўцы
У цэнтры занятасці, архіўнае фота

Cпартсмен за $5 тыс і дырэктар піўзавода: якіх работнікаў шукаюць у Беларусі?

16
(абноўлена 11:13 11.07.2020)
Сярод самых высокааплатных вакансій - шмат месцаў для спартсменаў і трэнераў у футбольныя, хакейныя і гандбольныя клубы.

МІНСК, 10 ліп - Sputnik. Спартсмена-інструктара ў хакейны клуб "Дынама-Мінск" на заробак ад дзесяці тысяч рублёў шукаюць сёння праз Дзяржаўную службу занятасці.

На сёння ў Беларусі зарэгістравана 76878 вакансій. З іх заробак парадку 1000 долараў і вышэй абяцаюць у 156 месцах.

Традыцыйна, у топе вакансій - пілоты для "Белавія", якіх шукаюць не першы месяц.

Цікава, што ў спісе вакансій, на якіх можна атрымаць максімальны заробак - спартсмен-інструктар для ХК "Дынама-Мінск". Суіскальніку абяцаюць ад дзесяці тысяч рублёў.

Дзве вакансіі для спартсменаў-інструктараў адкрыты ў футбольным клубе "Іслач": з заробкам ад трох і ад пяці тысяч рублёў. У ФК "БАТЭ" таксама шукаюць спартсмена-інструктара, заробак абяцаюць ад двух тысяч рублёў. У "Шахцёр" патрэбны трэнер за 1,5 тысячы рублёў.

Цікава, што ў той жа час у гарадзенскі ФК "Нёман" спартсмена-інструктара шукаюць на больш сціплы заробак - 375 рублёў.

Сярод іншых цікавых высокааплатных вакансій - месца для прараба з заробкам вышэй за 6918 рублёў. Таксама шукаюць новага гендырэктара аднаго з піўзаводаў - на заробак ад 3,5 тысячы рублёў.

16
Тэги:
вакансіі, Беларусь
Паэтычны батл Вершус прайшоў у Мінску

Тэст: адгадай Колас ці Купала?

433
(абноўлена 10:05 10.07.2020)
Нягледзячы на тое, што вершы двух песняроў беларускай зямлі добра вядомыя кожнаму школьніку, іх даволі часта блытаюць.

Якуб Колас і Янка Купала – дзве асобы, з якімі, сапраўды, асацыюецца беларуская паэзія. Абодва яны шчыра спачувалі нядолі роднай зямлі, абодва заклікалі працаваць, вучыцца і любіць Беларусь і беларускую мову. Вершы, паэмы і празаічныя творы Янкі Купалы і Якуба Коласа добра вядомыя кожнаму беларусу са школы.

Ці зможаце вы пазнаць радкі з вядомых твораў паэтаў – або, калі не памятаеце, паспрабаваць пазнаць стыль?

433
Тэги:
Вершы, тэст, Якуб Колас, Янка Купала
Тэмы:
Беларуская літаратура
По теме
Тэст: ці ведаеце вы беларускія прыказкі
Тэст: ці пазнаеце вы беларускія фразеалагізмы па эмодзі?
Тэст: ці добра вы ведаеце беларускія фразеалагізмы?
Тэст: пазнай Міцкевіча на партрэце
Тэст: якія беларускія творы схаваліся за эмодзі
Тэст: Багдановіч ці не?