Беларускія рублі

Мінпрацы патлумачыла, адкуль возьме грошы на павышэнне пенсій

10
(абноўлена 11:56 25.06.2020)
Беларускія ўлады прадугледзелі 778 мільёнаў рублёў у бягучым годзе, якія забяспечаць збалансаванасць Фонду сацыяльнай абароны насельніцтва.

МІНСК, 25 чэр - Sputnik. На працягу пяці месяцаў 2020 года з рэспубліканскага бюджэту было выкарыстана 429 мільёнаў рублёў на кампенсацыю расходаў, распавяла міністр працы і сацыяльнай абароны Ірына Касцевіч.

Раней прэзідэнт Беларусі падпісаў указ аб павышэнні пенсій з 1 ліпеня. Пры гэтым будзе праведзена карэкціроўка фактычнага заробку пенсіянераў зыходзячы з сярэдняга заробку ў рэспубліцы, прымененаая пры папярэднім пераразліку пенсій. Пры гэтым яна будзе павышана на 6 працэнтаў. З мая 2020 года сярэдні памер прызначаных месячных пенсій складае 433,26 рубля, сярэдні памер прызначаных пенсій па ўзросце - 447,55 рубля.

"На 1 чэрвеня мы спрацавалі з прафіцытам, амаль 28 мільёнаў рублёў з яго - дзяржаўнае сацыяльнае страхаванне. Гэта тое, з чаго сёння плацяцца пенсіі", - распавяла міністр падчас слуханняў у парламенце.

Паводле яе слоў, на працягу 5 месяцаў Мінпрацы выкарыстала 429 мільёнаў рублёў субвенцый (міжбюджэтных трансфертаў - Sputnik) з рэспубліканскага бюджэту.

"Але гэта субвенцыі, якія забяспечваюць кампенсацыю тых выдаткаў, якія не абумоўлены выплатай узносаў (пенсіі дзяржаўным служачым, сацыяльныя пенсіі - Sputnik). Мы ні капейкі не ўзялі яшчэ субвенцый на збалансаванасць бюджэту", - запэўніла Ірына Касцевіч.

Пры гэтым на 2020 год на збалансаванасць бюджэту Фонду сацыяльнай абароны насельніцтва прадугледжаны выдаткі ў памеры 778 мільёнаў рублёў.

"Мы мяркуем, што ў другім паўгоддзі, вядома, возьмем гэтыя сродкі для забеспячэння своечасовасці, паўнаты выплат пенсій. Але ў межах сум, прадугледжаных законам. Дадатковыя сродкі пакуль не праглядаюцца", - канстатавала міністр.

10
Тэги:
Пенсіі, Ірына Касцевіч, Беларусь, Міністэрства працы і сацыяльнай абароны Рэспублікі Беларусь
Будынак Белгазпрамбанка

Белгазпрамбанк за квартал страціў сродкі кліентаў на мільярд рублёў

1
(абноўлена 12:53 06.07.2020)
Прыкметна ў другім квартале знізіўся і прыбытак банка - з красавіка па чэрвень ён паменшыўся больш, чым на траціну.

МІНСК, 6 ліп - Sputnik. Сродкі кліентаў Белгазпрамбанка за другі квартал скараціліся на мільярд рублёў, сведчыць фінансавая справаздачнасць банка.

Пасля затрыманняў шэрагу былых і цяперашніх супрацоўнікаў Белгазпрамбанка ў ім была ўведзена часовая адміністрацыя на чале з Надзеяй Ермаковай. Як вынікае з апублікаванай банкам справаздачнасці, за другі квартал гэтага года фінансавыя паказчыкі Белгазпрамбанка прыкметна пагоршыліся.

Так, з красавіка па чэрвень сродкі кліентаў у банку скараціліся больш, чым на мільярд рублёў, або на 30,6%. Калі на 1 красавіка яны складалі амаль 3,3 мільярда, то на 1 ліпеня - каля 2,3 млрд.

Знізіўся і прыбытак Белгазпрамбанка: калі ў першым квартале ён склаў 29,9 мільёнаў рублёў, то ў другім - 18,9 мільёнаў. Зніжэнне - на 36,8%.

Таксама зараз у Белгазапромбанка паўсталі абавязацельствы перад Нацбанкам на 215 мільёнаў рублёў. Нагадаем, рэгулятар дапамагае забяспечваць фінансавую стабільнасць банка.

Справа Белгазпрамбанка

На пачатку чэрвеня ў Белгазпрамбанк прыйшлі з ператрусамі супрацоўнікі фінансавай міліцыі Камітэта дзяржкантролю: шэраг былых і цяперашніх супрацоўнікаў банка падазраецца ў фінансавых махінацыях. Па справе затрыманыя больш за два дзясяткі чалавек, у тым ліку які прэтэндуе на пасаду прэзідэнта Віктара Бабарыкі, які раней узначальваў банк. Яшчэ да затрымання экс-банкір заяўляў пра тое, што на працягу 20 гадоў ні адна праверка не мела сур'ёзных прэтэнзій да працы Белгазпрамбанка.

Пасля ператрусаў ДФР і ўзбуджэння крымінальнай справы Нацбанк Беларусі прыпыніў працу дзеючага складу праўлення Белгазпрамбанка і прызначыў часовую адміністрацыю на чале з Надзеяй Ермаковай.

Асноўныя акцыянеры - Газпромбанк і Газпрам - заявілі аб незаконнасці дзеянняў Нацбанка ў прызначэнні часовай адміністрацыі: гэта парушае як беларускае заканадаўства, так і нормы ЕАЭС.

У самім Белгазпрамбанку пасля назначэння часовай адміністрацыі заяўлялі пра тое, што гэта ніяк не адбілася на фінансавай стабільнасці банка.

1
Тэги:
ААТ "Белгазпрамбанк"
Дзяўчына ў ахоўнай масцы пакуе падарункі ў гандлёвым цэнтры Дана Мол у Мінску

Міністр працы распавяла, як змянілася ў Беларусі занятасць з-за пандэміі

6
(абноўлена 10:38 06.07.2020)
Сітуацыя на рынку працы Беларусі "дастаткова кіраваная", беларускія лічбы значна ніжэйшыя за ўзровень скарачэнняў, якія сёння назіраюцца на сусветным рынку, перакананая міністр.

МІНСК, 6 ліп - Sputnik. Колькасць занятых у эканоміцы знізілася за апошні час, паведаміла міністр працы і сацыяльнай абароны Ірына Касцевіч ў эфіры тэлеканала СТБ.

Паводле яе слоў першыя тры месяцы года былі стабільнымі.

"Змены пайшлі ўжо ў красавіку-маи. Мы гэта вельмі добра бачым, праглядалася гэтая праблема. Калі паглядзець за пяць месяцаў, то па занятых у эканоміцы - тэмп 99,8 працэнта. Гэта значыць на 0,2 адсоткі колькасць занятых у эканоміцы знізілася", - адзначыла Касцевіч.

Разам з тым, міністр лічыць, што сітуацыя на рынку працы Беларусі "дастаткова кіраваная". Ва ўсякім разе, беларускія лічбы значна ніжэйшыя за ўзровень скарачэнняў, якія сёння назіраюцца на сусветным рынку.

"Наймальнікі не ўжывалі актыўна такую меру, як масавае звальненне людзей альбо наогул звальненне людзей па неабгрунтаваных прычынах", - адзначыла міністр працы і сацыяльнай абароны.

Па дадзеных праверак 288 арганізацый сярэдняга і буйнога бізнесу міністэрства не выявіла масавых парушэнняў, былі зафіксаваныя толькі адзінкавыя выпадкі парушэння нормаў Працоўнага кодэкса.

Разам з тым, на прадпрыемствах усё часцей здараюцца прастоі, уводзіцца скарочаны рэжым працы. Касцевіч перакананая, што наймальнікі выбіраюць гэтыя меры, каб захаваць працоўныя калектывы.

"У маи вымушаная няпоўная занятасць вырасла ў чатыры разы. Так, гэта вялікі рост, але самае галоўнае для чалавека - тое, што ён захаваў працоўнае месца, самае галоўнае для наймальніка - ён захаваў прафесійныя кадры, якія вельмі складана знайсці на рынку працы", - адзначыла Касцевіч.

6
Тэги:
Беларусь, Ірына Касцевіч, Міністэрства працы і сацыяльнай абароны Рэспублікі Беларусь
Забор тэстаў на COVID

У Беларусі выяўлена амаль 64 тысячы выпадкаў каронавіруса

2
(абноўлена 15:02 06.07.2020)
Колькасць тых, хто паправіўся і выпісаны, па дадзеных на панядзелак, перавысіла 51 тысячу чалавек.

МІНСК, 6 ліп - Sputnik. Колькасць выяўленых выпадкаў каронавіруса ў Беларусі дасягнула 63804, паведамілі ў панядзелак у Міністэрстве аховы здароўя.

Да раніцы панядзелка ў Беларусі праведзена ўжо больш за 1,074 мільёна тэстаў на каронавірус.

Зарэгістравана 63804 пацыента з COVID-19. За суткі колькасць інфіцыраваных вырасла на 250 чалавек - мінімальнае за некалькі месяцаў значэнне.

Паправіліся і выпісаныя ўжо 51120 чалавек, за суткі іх стала больш на 249. Зрэшты, невысокая колькаць выпісаных заўсёды фіксуецца менавіта ў выхадныя дні. Па буднях у апошнія тыдні колькасць здаровых штодня знаходзіцца ў раёне тысячы чалавек.

"За ўвесь перыяд распаўсюджвання інфекцыі на тэрыторыі краіны памерлі 429 пацыентаў з шэрагам хранічных захворванняў з выяўленай каронавіруснай інфекцыяй", - дадалі ў Міністэрстве аховы здароўя.

Такім чынам, за суткі зарэгістравана шэсць новых смяротных вынікаў.

Чытайце таксама:

2
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19