Купля грэчкі ў адной з прадуктовых крам

Дзяржрэгуляванне коштаў на грэчку працягнулі ў Беларусі да канца года

5
(абноўлена 10:20 07.10.2020)
Яшчэ ў красавіку бягучага года МАРГ падоўжыў дзяржрэгуляванне коштаў на гэты сацыяльна значны тавар да канца верасня, зараз вырашана захаваць меры да пачатку 2021 года.

МІНСК, 7 кас - Sputnik. Дзяржрэгуляванне коштаў на грэчку працягнулі ў Беларусі да канца бягучага года, адпаведная пастанова міністэрства антыманапольнага рэгулявання і гандлю №64 ад 30 верасня афіцыйна апублікавана ў сераду на Нацыянальным прававым інтэрнэт-партале.

Згодна з дакументам, дзяржрэгуляванне коштаў на грэчку працягнулі да 31 снежня 2020 года. У ім гаворыцца, што лімітавая максімальная аптовая надбаўка да адпускнога кошту вытворцы або імпарцёра усталёўваецца ў памеры 10%, а лімітавая максімальная гандлёвая надбаўка да таго ж кошту з улікам аптовага - у памеры 25%.

Пастанова МАРГ уступіла ў сілу з моманту афіцыйнага апублікавання і распаўсюджвае сваё дзеянне на адносіны, якія ўзніклі з 1 кастрычніка.

у лістападзе мінулага года беларускія ўлады прынялі рашэнне аб увядзенні часовага рэгулявання коштаў на дадзены сацыяльна значны тавар, каб не дапусціць яго неабгрунтаванага падаражэння. Дзяржрэгуляванне было ўведзена да 28 студзеня затым яго працягнулі да 28 красавіка. У красавіку МАРГ пралангаваў гэтую меру да 30 верасня бягучага год

5
Тэги:
Беларусь, Міністэрства антыманапольнага рэгулявання і гандлю Беларусі (МАРГ)
Здабыча нафты

Беларускія нафтавікі пабудавалі пяць новых свідравін

4
(абноўлена 10:26 21.10.2020)
Новыя аб'екты, дзе здабываецца беларускае "чорнае золата", знаходзяцца на Рэчыцкім, Карташоўскім, Некрасаўскім, Краснасельскім і Вугольскім радовішчах.

МІНСК, 21 кас - Sputnik. Работнікі Светлагорскага ўпраўлення буравых работ пабудавалі ў верасні пяць свідравін, паведамілі ў прэс-службе Беларуснафты.

"Новыя аб'екты знаходзяцца на Рэчыцкім, Карташоўскім, Некрасаўскім, Краснасельскім і Вугольскім радовішчах", - удакладнілі ў беларускай кампаніі.

У прэс-службе таксама расказалі, што рабочыя, занятыя на мантаванні вышак, перадалі Светлагорскаму ўпраўленню буравых работ шэсць змантаваных буравых установак.

Раней у Беларуснафце паведамілі, што ў будучым годзе плануюць засяродзіцца на пошукава-разведачных работах, таму што перад кампаніяй стаіць амбіцыйная задача - стабілізаваць здабычу нафты з 2023 года на ўзроўні 1 770 тысяч тон.

Колькі здабудуць нафты ў 2020 годзе?

Па стане на 1 студзеня 2020 года на балансе "Беларуснафты" лічацца 80 радовішчаў з рэшткавымі вымаемымі запасамі 43 мільёна 943 тысячы тон.

Увесь фонд нафтавых свідравін у Беларусі, які эксплуатуецца і дзе здабываецца чорнае золата, складае 865 свідравін. У 2013-2016 гадах адбылася стабілізацыя здабычы на ўзроўні 1 645 000 тон сыравіны ў год. Пачынаючы з 2017 года, ідзе рост здабычы з крокам у 20 тысяч тон.

"Станоўчая дынаміка будзе захавана і ў гэтым годзе. Чаканы аб'ём 2020 года - 1 мільён 710 тысяч тон", - сказаў начальнік НГДУ "Рэчыцанафта" Сяргей Ласіца у інтэрв'ю "Веснік Белнафтахіма".

4
Тэги:
Беларуснафта, Нафта, Беларусь
Прэм'ер-міністр РФ М. Мішусцін прыняў удзел у пасяджэнні міжнароднага дыскусійнага клуба Валдай

Мішусцін: стратэгію развіцця ЕАЭС прадставяць на адабрэнне прэзідэнтам

20
(абноўлена 17:32 20.10.2020)
Каронавірус разбіў ілюзіі тых, хто лічыў сябе непаражальнымі; толькі сумеснымі намаганнямі свет можа супрацьстаяць пагрозе, заявіў прэм'ер-міністр РФ.

МІНСК, 20 кас - Sputnik. Праект стратэгіі развіцця Еўразійскага эканамічнага саюза (ЕАЭС) вынесуць на разгляд прэзідэнтаў, адпаведную заяву зрабіў прэм'ер-міністр РФ Міхаіл Мішусцін у аўторак на пасяджэнні дыскусійнага клуба "Валдай".

"ЕАЭС дапамог краінам усвядоміць стратэгіі развіцця, аб'яднаць іх у стратэгію развіцця ЕАЭС. Праект гэтай стратэгіі сёння ў нас гатовы, мы яго горача абмяркоўвалі некалькі месяцаў, будзем выносіць яго на вышэйшы савет, каб прэзідэнты ўхвалілі", - заявіў кіраўнік расійскага Кабінета міністраў.

Пандэмія каронавіруса "згуртавала краіны" саюза, лічыць Мішусцін.

Ён нагадаў, што галоўнымі ў ЕАЭС з'яўляюцца чатыры свабоды - руху тавараў, паслуг, капіталу і працоўнай сілы. "Лічбавая платформа ЕАЭС - над ёй працуе Еўразійскі банк развіцця - павінна даць такую свабоду", - упэўнены прэм'ер-міністр РФ. У якасці прыкладу ён прывёў распрацоўку мабільнага прыкладання для свабоднага руху працоўнай сілы, каб любы жыхар саюза мог свабодна працаўладкавацца.

Пра ўпэўненасць і пэўнасці

"На сёння нам неабходна больш пэўнасці. Гэта добрае англійскае слова certainty. Пэўнасць, якая дасць нам упэўненасць у заўтрашнім дні, [дасць] нашым дзецям упэўненасць у тым, што ўсё будзе добра", - сказаў ён, адказваючы на пытанне ўдзельніка паседжання з КНР.

Прэм'ер выказаў надзею на тое, што дзякуючы "добра пастаўленым" лідарамі дзвюх краін стратэгічным задачам РФ і Кітай жывуць "у добрай пэўнасці".

Як адзначыў Мішусцін, урад Расіі зараз працуе ў фармаце стратэгічнага планавання. "Для нас асноўнае мэтапакладанне, усе асноўныя стратэгіі, якія былі паказаны прэзідэнтам у адпаведным нашым указе аб нацыянальных мэтах развіцця, - гэта такая ключавая мэта, - падкрэсліў прэм'ер. - Яны, дарэчы, усе карэлююцца з Мэтамі ўстойлівага развіцця ААН, што таксама вельмі важна. Мы, імкнучыся да гэтага, дэкампазіруем адпаведныя мэты ў праграмы работы дзяржаўных інстытутаў, федэральных органаў выканаўчай улады, дзяржаўных кампаній, нацыянальных праектаў".

Аб пандэміі і вакцыне ад каронавіруса

Каронавірус разбіў ілюзіі тых, хто лічыў сябе непаражальнымі; толькі сумеснымі намаганнямі свет можа супрацьстаяць пагрозе, заявіў прэм'ер-міністр РФ.

Паводле яго слоў, міжнародным фактарам па барацьбе з каронавірусам можа стаць новая вакцына, якую ўдалося стварыць у Расіі.

"Мы гатовыя аказаць дапамогу, падзяліцца любым вопытам, які напрацавалі за гэты час, і заўсёды адкрытыя для дыялогу нягледзячы на палітычныя, культурныя, або любыя іншыя адрозненні. Гэта наша прынцыповая пазіцыя", - заявіў Мішусцін.

Ён таксама адзначыў, што ўсе рашэнні, якія прымаў кабінет міністраў РФ падчас пандэміі, падпарадкоўваліся адной задачы - выратаваць жыцці людзей.
"Мы дапамагалі тым, хто больш за ўсё пацярпеў у гэтай сітуацыі. Гэта і самі людзі, і бізнес, і цэлыя галіны эканомікі", - пракаментаваў кіраўнік Кабінета міністраў. Пандэмія запатрабавала сур'ёзных выдаткаў бюджэту, але іншага спосабу падтрымаць эканоміку і людзей не было, дадаў ён.

"Цяпер барацьбу з каронавірусам мы вядзем сістэмна, без рыўкоў і шокаў. Ва ўрада ёсць разуменне таго, што трэба рабіць у эканоміцы, у ахове здароўя, у іншых ключавых сферах, ёсць магчымасці, каб дзейнічаць на апярэджанне", - заявіў Мішусцін.

20
Тэги:
Міхаіл Мішусцін, ЕАЭС
Міністр замежных спраў РФ Сяргей Лаўроў (справа) і міністр замежных спраў Беларусі Уладзімір Макей

Сумесная калегія МЗС Беларусі і Расіі пройдзе ў лістападзе

1
Міністр замежных спраў Беларусі знаходзіцца на самаізаляцыі з-за каронавіруса, аднак у расійскім знешнепалітычным ведамстве спадзяюцца на вочны фармат мерапрыемства.

МІНСК, 21 кас - Sputnik. Масква і Мінск плануюць правесці ў першай дэкадзе лістапада сумесную калегію міністэрстваў замежных спраў дзвюх краін, пра гэта заявіў намеснік кіраўніка МЗС РФ Андрэй Рудэнка.

"Дакладна магу сказаць, што ў нас запланаваная сумесная калегія міністэрства замежных спраў Расіі і Беларусі ў першай дэкадзе лістапада, скажам так", - сказаў Рудэнка.

Паводле яго слоў, Масква спадзяецца, што калегія пройдзе ў вочным рэжыме.

У дадзены момант кіраўнік беларускага знешнепалітычнага ведамства Уладзімір Макей знаходзіцца на самаізаляцыі - у яго жонкі, Веры Паляковай-Макей, знойдзены каронавірус. Міністр па магчымасці працуе выдалена, выконваючы рэкамендацыі урачоў.

На пытанне Sputnik, ці зможа Макей удзельнічаць у калегіі, у МЗС Беларусі адказалі, што праінфармуюць пра гэта пазней. У прэс-службе таксама ўдакладнілі, што на дадзены момант не вызначана, пройдзе калегія ў Мінску ці ж у Маскве.

Папярэдняе сумеснае пасяджэнне калегій МЗС Расіі і Беларусі адбылося ў лістападзе 2019 года ў Маскве. Тады ўдзельнікі сустрэчы разгледзелі актуальныя пытанні двухбаковага супрацоўніцтва, праблематыку міжнароднай і рэгіянальнай бяспекі ў кантэксце 20-годдзя з моманту падпісання дамовы аб стварэнні Саюзнай дзяржавы.

1
Тэги:
Уладзімір Макей, МЗС РФ, МЗС Беларусі