ЛЭП

Літва спыніла куплю электраэнергіі з Беларусі

35
(абноўлена 15:17 03.11.2020)
Аператар усталяваў нулявую магутнасць пасля таго, як зарэгістраваў вытворчасць электрычнасці на Астравецкай АЭС.

МІНСК, 3 ліс - Sputnik. Літва ўсталявала нулявую магутнасць для камерцыйнага патоку электрычнасці з Беларусі, пра гэта ў аўторак паведаміў літоўскі энергетычны аператар Litgrid.

Сёння Мінэнерга Беларусі паведаміла пра тое, што першы энергаблок БелАЭС быў уключаны ў энергасістэму рэспублікі.

Пасля таго, як аператар зарэгістраваў дадзеныя, якія паказваюць вытворчасць электрычнасці на Астравецкай АЭС, у аўторак у 11:38 была устаноўлена нулявая магутнасць для камерцыйнага патоку з Беларусі.

Паводле інфармацыі Litgrid, аператар выконвае патрабаванні закона аб неабходных мерах "па абароне ад пагроз ад небяспечных атамных станцый", размешчаных у трэціх краінах.

Пасля таго, як літоўскім бокам была ўстаноўлена нулявая прапускная здольнасць сеткі, краіны не маюць магчымасць ажыццяўляць камерцыйны абмен электраэнергіяй. Пра змены аператар ужо апавясціў удзельнікаў энергетычнай біржы Nord Pool.

У мінулую пятніцу на Беларускай атамнай станцыі спецыялісты выканалі пробны пуск турбіны энергаблока №1. Зараз на блоку ідзе паэтапны ўздым магутнасці (да 40%). Запуск першага рэактара папярэдне запланаваны на 7 лістапада гэтага года. Увод у прамысловую эксплуатацыю энергаблока №2 запланаваны на 2022 год.

35
Тэги:
Беларусь, Літва
Беларускі прэзідэнт Аляксандр Лукашэнка

Прагноз Лукашэнкі на 2021 год: будзе складаней, чым у высакосным

7
(абноўлена 12:17 30.11.2020)
Кіраўнік беларускай дзяржавы не губляе надзеі сустрэцца "пад Новы год" з лідарамі ЕАЭС у Маскве ці Санкт-Пецярбургу.

МІНСК, 30 ліс - Sputnik. Прэзідэнт Беларусі Аляксандр Лукашэнка гатовы прыняць кіраўнікоў дзяржаў у Мінску, пра што заявіў сёння на сустрэчы са старшынёй Калегіі ЕЭК Міхаілам Мясніковічам.

Асноўны парадак дня - справы ЕАЭС. Справа ў тым, што паседжанне Вышэйшага Еўразійскага эканамічнага савета намечана на 11 снежня. На ім кіраўнікі дзяржаў-членаў павінны зацвердзіць Стратэгічныя напрамкі развіцця еўразійскай інтэграцыі да 2025 года. Таксама ў праекце стратэгіі застаюцца няўзгодненыя пытанне аб коштах на транспарціроўку газу.

Прэзідэнту Беларусі анлайн-фармат не падабаецца. "Вы маю пазіцыю ведаеце, нам бы пара сустрэцца сам-насам, не па тэлевізары, а пагаварыць у адкрытую. Таму што куча праблем", - цытуе Лукашэнку Telegram-канал "Пул Першага", блізкі да прэс-службы кіраўніка дзяржавы.

У ліку галоўных пытанняў беларускі лідар назваў ваенныя, ваенна-палітычныя і эканамічныя, дадаўшы, што гэты год вельмі складаны. "Такога, напэўна, і вы не памятаеце. Але ці то яшчэ будзе", - паабяцаў Лукашэнка.

Прэзідэнт Беларусі не выключае таго, што да Новага года лідары ЕАЭС усё ж сустрэнуцца вочна. "Мы ж звычайна ў Маскве сустракаліся пад Новы год. Ці ў Піцеры. Мы гатовыя і ў Мінску прыняць кіраўнікоў дзяржаў, калі будзе такое жаданне. Усё роўна дзе, але пара вельмі сур'ёзна абмеркаваць праблемы, якія паўстаюць перад намі", - сказаў ён.

Запахла гарачым

Прэзідэнт заявіў, што сусветная эканоміка сёлета абвалілася, крызіс закрануў і прасторы ЕАЭС. Лукашэнка сказаў, што выхад з гэтай сітуацыі будзе вельмі цяжкі.

"Тым больш пачалося проціборства, фактычна ідзе непрыхаваная эканамічная вайна з пераходам на не проста дыпламатычную эліту ў сродках масавай інфармацыі, але ўжо і гарачым запахла. Я прыводзіў зусім нядаўна гэтыя факты: замашкі асобных нашых суседзяў пад прыкрыццём асобных няслабых дзяржаў і іх мэты", - прыводзіць словы Лукашэнкі БелТА.

Справядлівы кошт на тарыфы па транспарціроўцы газу

На саміце, які пройдзе 11 снежня, абмяркуюць 28 пытанняў, прычым 4 з іх лідары ЕАЭС разгледзяць у вузкім коле. Кіраўнік Беларусі настойвае на тым, каб усе запланаваныя пытанні вырашаліся "няўхільна, без зацяжак і ўсялякай бюракратыі".

"Тым больш сітуацыя такая, што, як Пуцін заўсёды падкрэслівае, трэба быць разам. Разам прасцей пераадолець розныя цяжкасцi. Трэба гэтым шляхам і ісці", - падкрэсліў Лукашэнка.

Датычна стратэгіі кірункаў развіцця еўразійскай інтэграцыі да 2025 года, беларускі лідар адзначыў, што спадзяецца нарэшце вырашыць праблему адзіных рынкаў. У прыватнасці, гаворка ідзе аб прыродным газе. Паводле слоў Лукашэнкі, адзінае пытанне, якое не ўзгоднена, - гэта справядлівы кошт на тарыфы па яго транспарціроўцы.

7
Тэги:
Міхаіл Мясніковіч, Аляксандр Лукашэнка, ЕАЭС
Па словах прадаўцоў, пажылыя людзі часта вымушаныя адкладаць што-небудзь з прадуктаў, так як ім не хапае грошай

Стала вядома, колькі беларусаў атрымаюць прыбаўку да пенсіі ў снежні

22
(абноўлена 09:41 30.11.2020)
У міністэрстве працы і сацыяльнай абароны таксама падлічылі, колькі складзе ў сярэднім пенсійная выплата ў непрацуючага пенсіянера да канца года.

МІНСК, 30 ліс - Sputnik. З 1 снежня амаль 2,5 мільёна беларускіх пенсіянераў атрымаюць дадатак да пенсіі, паведамілі ў эфіры тэлеканала АНТ.

Па словах міністра працы і сацыяльнай абароны Ірыны Касцевіч, сёлета гэта ўжо другое па ліку павышэнне пенсійных выплат у рэспубліцы. На 6% пенсія вырасла 1 ліпеня і роўна на столькі ж павялічыцца з 1 снежня.

Дзясятая частка ВУП

"Але я хачу адзначыць, што на працягу гэтага года ў нас чатыры разы павышаўся бюджэт пражытачнага мінімуму. З бюджэтам пражытачнага мінімуму ў нас завязаныя так званыя ўзроставыя надбаўкі да пенсіі, якія выплачваюцца пенсіянерам 75 гадоў і старэй", - удакладніла міністр.

Ірына Касцевіч дадала, што павышэнні выплат у гэтым годзе прывялі ў выніку да таго, што сярэдняя пенсія па ўзросце ў непрацуючага пенсіянера складзе 513 рублёў.

"Калі паглядзець да снежня мінулага года, тэмп росту - 12%. На 2020 год у нас будзе выдаткавана на пенсію больш за 13 мільярдаў рублёў. Многа ці мала? Але калі параўнаць з ВУП, гэта амаль 9%", - канстатавала кіраўнік ведамства.

Якія змены ў пенсійным заканадаўстве

З 1 студзеня 2021 года ў Беларусі змяняецца максімальны перыяд заліку стажу па доглядзе за дзіцяці ва ўзросце да трох гадоў, які ўлічваецца ў агульны стаж пры прызначэнні пенсіі. У Мінсацпрацы нагадалі, што ў бягучым годзе гэта было 9 гадоў, а з 1 студзеня 2021 году - 12 гадоў.

"Важная яшчэ адна мера, зноў жа тычыцца мам, якія нарадзілі чацвярых і больш дзетак, гэта страхавой стаж. У наступным годзе ў нас страхавы стаж для таго, каб увайсці ў пенсійную сістэму, - 18 гадоў. З 2025 года - ужо 20 гадоў. Для мам, якія выхавалі чацвярых дзетак, страхавы стаж будзе 10 гадоў ", - распавяла Ірына Касцевіч.

Пры гэтым яна звярнула ўвагу, што ў тым выпадку, калі адзін з бацькоў "выхоўваў не менш за 20 гадоў інваліда з нараджэння першай групы, то з 1 студзеня 2021 года пенсія павялічваецца ў два разы".

22
Тэги:
Пенсіі, Беларусь
Каляндар

Мінпрацы ўсталявала разліковую норму працоўнага часу на 2021 год

0
(абноўлена 12:23 30.11.2020)
Працоўных гадзін пры шасцідзённым тыдні атрымалася менш. Прычына ў тым, што ў 2021 годзе чатыры непрацоўныя святочныя дні прыйдуцца на суботу.

МІНСК, 30 ліс - Sputnik. Разліковая норма працоўнага часу на 2021 год устаноўлена ў Беларусі. Яна зацверджана пастановай Міністэрства працы і сацыяльнай абароны №103 ад 20 лістапада 2020 года, паведаміла прэс-служба профільнага ведамства ў панядзелак.

Каляндар святочных і непрацоўных дзён – 2021 у Рэспубліцы Беларусь з улікам пераносаў
© Sputnik Беларусь / Інфаграфіка

Разліковая норма працоўнага часу для пяцідзённага працоўнага тыдня з выхаднымі днямі ў суботу і нядзелю на будучы год складзе 2050 гадзін, а для шасцідзённага працоўнага тыдня - 2031 гадзіну (выхадны - нядзеля).

"Асноўная прычына гэтай розніцы заключаецца ў тым, што ў 2021 годзе чатыры непрацоўныя святочныя дні (2 студзеня, 1 мая, 3 ліпеня і 25 снежня) прыпадаюць на суботу", - растлумачылі ў прэс-службе, адзначыўшы, што такая ж сітуацыя складвалася ў 2009, 2010, 2015 і 2020 гадах.

Гэтая норма ўстаноўлена пры ўмове, што працягласць працоўнага часу складзе 40 гадзін у тыдзень.

У арганізацыях, дзе прадугледжаны іншыя рэжымы працы, наймальнік самастойна разлічвае норму працоўнага часу каляндарнага года.

А колькі ў гэтым годзе?

Разліковая норма працоўнага дня ў 2020 годзе пры пяцідзённым тыдні склала 2032 гадзіны, шасцідзённым - 2026 гадзін.

0
Тэги:
Беларусь