Святлана Ціханоўская

Ціханоўская дамагаецца спынення крэдытавання двух дзяржаўных банкаў

49
Раней на сустрэчы з прадстаўнікамі замежных СМІ Аляксандр Лукашэнку заявіў, што з Ціханоўскай яму няма пра што размаўляць.

МІНСК, 16 ліс - Sputnik. Экс-кандыдат у прэзідэнты Беларусі Святлана Ціханоўская заявіла, што дамагаецца спынення крэдытавання замежнымі банкамі дзяржаўных Беларусбанка і Белаграпрамбанка, паведамілі РІА "Новости".

"Мы працуем, каб замежныя банкі спынялі крэдытаваць і супрацоўнічаць з беларускімі, у першую чаргу, дзяржаўнымі - гэта Беларусбанк і Белаграпром (Белаграпрамбанк - Sputnik)", - паведаміла прэс-служба экс-кандыдата ў прэзідэнты Беларусі. Таксама Ціханоўская заклікае ЕС абмежаваць закупку нафтапрадуктаў і іншай прадукцыі беларускай вытворчасці, адзначаецца ў паведамленні.

Ціханоўская заявіла, што не выключана адключэнне афіцыйнага Мінска ад міжбанкаўскай сістэмы арганізацыі разлікаў SWIFT. "Обсуждаем магчымасць адключэння рэжыму Лукашэнкі ад сістэмы SWIFT", - гаворыцца ў паведамленні.

Акрамя таго, Ціханоўская распавяла, што ЕС рыхтуецца пашырыць спіс персанальных санкцый. "З мінулага тыдня актыўна працуем над эканамічнымі санкцыямі па бізнесам і дзяржкампаніям, якія кормяць рэжым. Плюс, чакаецца, што краіны ЕС вось-вось пашыраць спіс персанальных санкцый да 200+ прозвішчаў", - пракаментавала Ціханоўская.

Раней ЕС двойчы пашыраў санкцыі супраць беларускіх уладаў. Прозвішча беларускага прэзідэнта і яшчэ 14 імёнаў з'явіліся ў спісе 6 лістапада. Санкцыйнымі мерамі прадугледжана забарона на ўезд на тэрыторыю краін Еўрасаюза і замарозка наяўных у ЕС актываў.

Падчас вялікага інтэрв'ю замежным журналістам прэзідэнт Беларусі Аляксандр Лукашэнка падкрэсліў, што не мае намеру размаўляць з Ціханоўскай. "Яна загадзя ў Літву адправіла дзяцей. Паехала туды і робіць усё на шкоду Беларусі. Пра што мне з ёй размаўляць? Што мне, у Літву да яе паехаць?" - задаў рытарычнае пытанне беларускі лідар.

Раней Святлана Ціханоўская аб'яўляла беларускім уладам "Народны ультыматум". Умовы, вылучаныя экс-кандыдатам у прэзідэнты, былі наступныя: Лукашэнка павінен пакінуць пасаду прэзідэнта краіны, гвалт на вуліцах павінен быць спынены, палітвязняў неабходна вызваліць з-пад варты. У выпадку невыканання ўмоваў, Ціханоўская паабяцала масавыя пратэсты і нацыянальную забастоўку.

49
Тэги:
Беларусбанк
Міністр замежных спраў Беларусі Уладзімір Макей

Галодныя бунты: Макей назваў мэту заходніх санкцый у дачыненні да Беларусі

20
(абноўлена 17:57 12.06.2021)
Кіраўнік беларускага МЗС таксама выказаў здзіўленне з нагоды заяў шэрага заходніх палітыкаў аб тым, што моцныя санкцыі супраць Беларусі будуць у інтарэсах саміх грамадзян рэспублікі.

МІНСК, 12 чэр – Sputnik. Міністр замежных спраў Беларусі Уладзімір Макей лічыць, што ўзмацненне жорсткасці заходніх санкцый у дачыненні да Мінска мае сваёй мэтай выклікаць "галодныя бунты" у краіне.

Захад прыняў некалькі пакетаў санкцый у дачыненні да Беларусі пасля пратэстаў, якія адбыліся ўслед за прэзідэнцкімі выбарамі ў жніўні 2020 года. Тэма ўзмацнення жорсткасці санкцый з новай сілай прагучала пасля экстранай пасадкі самалёта Ryanair у мінскім аэрапорце і затрымання апазіцыянера Рамана Пратасевіча.

"Абсалютна варожыя выказванні (пра санкцыі - Sputnik), якія прымушаюць нас задумацца. Без адказу такія выказванні і дзеянні не павінны заставацца. Чаму гэта робіцца? Мэтай з'яўляецца ўдушэнне эканомікі Беларусі, давядзенне краіны да галодных бунтаў, якія павінны знесці гэтую ўладу", - заявіў Макей у інтэрв'ю тэлеканалу АНТ, урывак якога быў паказаны ў суботу.

Паводле яго слоў, перад беларускай апазіцыяй некаторым сіламі на Захадзе ставіцца задача аднавіць масавыя пратэсты ў краіне да верасня.

"Нам дакладна вядома, што літаральна нядаўна тым (прадстаўнікам беларускай апазіцыі - Sputnik), хто знаходзіцца ў Польшчы, было дакладна сказана: "Калі да верасня не будзе масавых пратэстаў у Беларусі, мы спынім ваша фінансаванне". Вядома, яны вымушаны рэагаваць на гэтую пагрозу, звязаную з непасрэдна іх дабрабытам, і пачынаць нейкія дзеянні", - дадаў кіраўнік МЗС.

Макей выказаў здзіўленне з нагоды заяў заходніх палітыкаў аб тым, што моцныя санкцыі супраць Беларусі будуць у інтарэсах саміх грамадзян рэспублікі, якія нібыта чакаюць жорсткіх абмежавальных мер.

"Некалькі прыкладаў кароткіх. Мадам прэзідэнт Эстоніі па выніках сустрэчы з вядомай збеглай дамай кажа: "Як я толькі што была праінфармавана, моцныя эфектыўныя санкцыі - гэта ў нацыянальных інтарэсах беларускага народа, і яны чакаюць гэтых санкцый. Гэта прымусіць беларусаў пацярпець, але гэта не вялікая цана", - сказаў Макей.

"Уяўляеце, якія кашчунскія разважанні?" - падкрэсліў міністр.

Ён прывёў яшчэ два кароткія прыклады таго, як заходнія палітыкі патрабуюць санкцый у дачыненні да Мінска. "Мадам міністр замежных спраў Нідэрландаў кажа, што жорсткія санкцыі - гэта важна і прыгожа. Я так і ўяўляю: яна сядзіць перад люстэркам, камера стаіць запісвае, і яна фарбуе пазногці і кажа "санкцыі - гэта важна і прыгожа", - сказаў кіраўнік МЗС . Сваю рэпліку ён артыстычна суправадзіў жэстамі.

"А прэм'ер-міністр Нідэрландаў заявіў, што мы не пакінем каменя на камені ад Беларусі, ад грамадства і гэтак далей і да таго падобнае", - працягнуў Макей.

"Абсалютна варожыя выказванні, якія, вядома ж, прымушаюць нас задумацца і без адказу такія выказванні не павінны заставацца", - падкрэсліў кіраўнік беларускай дыпламатыі.

Чытайце таксама:

20
Тэги:
рэспубліка, грамадзяне, МЗС, Беларусь, санкцыі, бунт, Уладзімір Макей
Тэмы:
Пратэсты пасля выбараў у Беларусі
Трактары МТЗ на выставе Белагра

МТЗ запланаваў прома-тур беларускіх трактароў у ЗША

16
(абноўлена 16:29 11.06.2021)
Беларускія трактары пакажуць на буйных сельскагаспадарчых выставах у Злучаных Штатах Амерыкі.

МІНСК, 11 чэр - Sputnik. Мінскі трактарны завод збіраецца паказаць сваю тэхніку на выставах у Злучаных Штатах Амерыкі, паведаміла прэс-служба прадпрыемства.

Плануецца, што выставы пройдуць у верасні. Прома-тур пачнецца ў штаце Ілінойс на спецыялізаваным сельскагаспадарчым паказе Farm Progress Show, далей ён працягнецца ў Паўночнай Дакоце - найбуйнейшай выставе Сярэдняга Захаду Big Iron Farm Show у аграрнай галіне.

Плануецца, што МТЗ пакажа тры мадэлі тэхнікі - Belarus-952.7, 1025.7 і 1221.7 - з рухавікамі экалагічнага класа Tier IV Final.

У студзені гэтага года трактары Belarus-952.7, 1025.7 і 1221.7 з рухавікамі Caterpillar прайшлі сертыфікацыйныя выпрабаванні для выхаду на рынак Еўрапейскага саюза.

Чытайце таксама:

16
Тэги:
выстава, ЗША, трактар, МТЗ