Парк высокіх тэхналогій

Галоўчанка: экспарт ПВТ у 2020 годзе перавысіў 2,5 мільярда долараў

14
(абноўлена 11:02 05.02.2021)
У рэспубліцы створана добрая інфраструктура для лічбавай трансфармацыі, мяркуе беларускі прэм'ер-міністр.

МІНСК, 5 лют – Sputnik. Экспарт Парка высокіх тэхналогій у мінулым годзе перавысіў 2,5 мільярда долараў, заявіў прэм'ер-міністр рэспублікі Раман Галоўчанка на міжнародным форуме Digital Almaty Forum 2021.

"У Беларусі дастаткова даўно функцыянуе найбуйнейшы IT-кластар ва Усходняй Еўропе - Парк высокіх тэхналогій. У 2020 годзе яго экспарт перавысіў 2,5 мільярда долараў - гэта больш за 20% усяго экспарту паслуг Беларусі", - сказаў Галоўчанка.

Ён лічыць, што ў рэспубліцы створана добрая інфраструктура для лічбавай трансфармацыі. У прыватнасці, прэм'ер заявіў, што бесправадны шырокапалосны доступ у інтэрнэт маюць 95 карыстальнікаў на 100 жыхароў краіны. Паводле яго слоў, Беларусь займае лідзіруючую пазіцыю ў Еўропе па аснашчанасці оптавалакном будынкаў.

Галоўчанка адзначыў, што новыя тэхналогіі мяняюць структуру сусветнай эканомікі.

"Гэта, з аднаго боку, патрабуе ўнясення карэнных змен у тэхналогіі, культуру і прынцыпы стварэння новых паслуг. З іншага боку, пашырае акно магчымасцей па выхадзе на новыя рубяжы. Для Беларусі прыярытэтнасць лічбавай трансфармацыі вызначана і на ўнутраным, і на знешнім контурах дзяржаўнай палітыкі", - дадаў прэм'ер.

Праекты на тэрыторыі ЕАЭС і іх рэалізацыя

Цалкам рэалізаваным праектам на тэрыторыі ЕАЭС, які створаны ў інтарэсах насельніцтва, Галоўчанка назваў праект Еўразійскага банка развіцця "Падарожнічаю без COVID". Астатнія, паводле яго слоў, "пакуль буксуюць". Таксама ён адзначыў тое, што значных вынікаў за тры гады не дасягнута.

Ён падкрэсліў, што рэалізацыя лічбавага парадку ў саюзе не прыводзіць да развіцця нацыянальных сегментаў, у большай ступені надаецца ўвага стварэнню цэнтралізаваных сэрвісаў, а гэта можа прывесці да дысбалансу ў пытаннях валодання дадзенымі.

"Для ліквідацыі такой сітуацыі патрэбна ініцыятыва на нашым узроўні, трэба актыўна ставіць задачы, вызначаць рэалізатараў і ажыццяўляць дзейсны кантроль. Важная правільная пастаноўка задачы, распрацоўка выразных правіл і інфармацыйнай архітэктуры. Неабходна ўзгадніць і сінхранізаваць тэмпы работ у дзяржавах і на інтэграцыйным узроўні", - лічыць прэм'ер, прывёўшы ў прыклад інтэграваную інфарсістэму ЕАЭС.

Паводле яго слоў, у рэспубліцы за паўгода зробяць нацыянальную сістэму электронных пашпартоў транспартных сродкаў. У сваю чаргу ЕЭК плануе зрабіць інтэграваную сістэму для абмену электроннымі пашпартамі паміж краінамі не раней, чым праз шэсць месяцаў, што, на думку Галоўчанка, "нас не вельмі можа задаволіць".

Таксама ён лічыць, што праект лічбавых транспартных калідораў ЕАЭС, які запушчаны год таму, рухаецца павольна.

"Беларусь падтрымлівае сумесную рэалізацыю лічбавых праектаў. У пачатку новага дзесяцігоддзі нам неабходна акумуляваць інфармацыю аб дасягненнях, навуковы патэнцыял і забяспечыць пераход у новую лічбавую рэальнасць з дапамогай інтэнсіўнага лічбавага развіцця нашых краін. Цыфравізацыя павінна вывесці на новы ўзровень рэальны сектар эканомікі, - дадаў Галоўчанка.

Ён падкрэсліў, што ў жыццё людзей павінны ўвайсці перадавыя тэхналогіі ў адукацыі, ахове здароўя, забеспячэнні іх бяспекі. Ён прапанаваў Еўразійскай эканамічнай камісіі прааналізаваць праграмы цыфравізацыі дзяржаў - членаў саюза, вызначыць падобныя праекты і ўнесці прапановы аб іх сумеснай рэалізацыі.

Галоўчанка лічыць, што краіны ЕАЭС дзякуючы гэтаму атрымаюць "магутны сінэргетычны эфект як у дачыненні да выбару самых эфектыўных рашэнняў, так і па зніжэнні тэрмінаў і кошту рэалізацыі такіх праектаў".

Чытайце таксама:

14
Тэги:
ЕАЭС, Экспарт, ПВТ, Раман Галоўчанка
Міністр замежных спраў Беларусі Уладзімір Макей

Галодныя бунты: Макей назваў мэту заходніх санкцый у дачыненні да Беларусі

21
(абноўлена 17:57 12.06.2021)
Кіраўнік беларускага МЗС таксама выказаў здзіўленне з нагоды заяў шэрага заходніх палітыкаў аб тым, што моцныя санкцыі супраць Беларусі будуць у інтарэсах саміх грамадзян рэспублікі.

МІНСК, 12 чэр – Sputnik. Міністр замежных спраў Беларусі Уладзімір Макей лічыць, што ўзмацненне жорсткасці заходніх санкцый у дачыненні да Мінска мае сваёй мэтай выклікаць "галодныя бунты" у краіне.

Захад прыняў некалькі пакетаў санкцый у дачыненні да Беларусі пасля пратэстаў, якія адбыліся ўслед за прэзідэнцкімі выбарамі ў жніўні 2020 года. Тэма ўзмацнення жорсткасці санкцый з новай сілай прагучала пасля экстранай пасадкі самалёта Ryanair у мінскім аэрапорце і затрымання апазіцыянера Рамана Пратасевіча.

"Абсалютна варожыя выказванні (пра санкцыі - Sputnik), якія прымушаюць нас задумацца. Без адказу такія выказванні і дзеянні не павінны заставацца. Чаму гэта робіцца? Мэтай з'яўляецца ўдушэнне эканомікі Беларусі, давядзенне краіны да галодных бунтаў, якія павінны знесці гэтую ўладу", - заявіў Макей у інтэрв'ю тэлеканалу АНТ, урывак якога быў паказаны ў суботу.

Паводле яго слоў, перад беларускай апазіцыяй некаторым сіламі на Захадзе ставіцца задача аднавіць масавыя пратэсты ў краіне да верасня.

"Нам дакладна вядома, што літаральна нядаўна тым (прадстаўнікам беларускай апазіцыі - Sputnik), хто знаходзіцца ў Польшчы, было дакладна сказана: "Калі да верасня не будзе масавых пратэстаў у Беларусі, мы спынім ваша фінансаванне". Вядома, яны вымушаны рэагаваць на гэтую пагрозу, звязаную з непасрэдна іх дабрабытам, і пачынаць нейкія дзеянні", - дадаў кіраўнік МЗС.

Макей выказаў здзіўленне з нагоды заяў заходніх палітыкаў аб тым, што моцныя санкцыі супраць Беларусі будуць у інтарэсах саміх грамадзян рэспублікі, якія нібыта чакаюць жорсткіх абмежавальных мер.

"Некалькі прыкладаў кароткіх. Мадам прэзідэнт Эстоніі па выніках сустрэчы з вядомай збеглай дамай кажа: "Як я толькі што была праінфармавана, моцныя эфектыўныя санкцыі - гэта ў нацыянальных інтарэсах беларускага народа, і яны чакаюць гэтых санкцый. Гэта прымусіць беларусаў пацярпець, але гэта не вялікая цана", - сказаў Макей.

"Уяўляеце, якія кашчунскія разважанні?" - падкрэсліў міністр.

Ён прывёў яшчэ два кароткія прыклады таго, як заходнія палітыкі патрабуюць санкцый у дачыненні да Мінска. "Мадам міністр замежных спраў Нідэрландаў кажа, што жорсткія санкцыі - гэта важна і прыгожа. Я так і ўяўляю: яна сядзіць перад люстэркам, камера стаіць запісвае, і яна фарбуе пазногці і кажа "санкцыі - гэта важна і прыгожа", - сказаў кіраўнік МЗС . Сваю рэпліку ён артыстычна суправадзіў жэстамі.

"А прэм'ер-міністр Нідэрландаў заявіў, што мы не пакінем каменя на камені ад Беларусі, ад грамадства і гэтак далей і да таго падобнае", - працягнуў Макей.

"Абсалютна варожыя выказванні, якія, вядома ж, прымушаюць нас задумацца і без адказу такія выказванні не павінны заставацца", - падкрэсліў кіраўнік беларускай дыпламатыі.

Чытайце таксама:

21
Тэги:
рэспубліка, грамадзяне, МЗС, Беларусь, санкцыі, бунт, Уладзімір Макей
Тэмы:
Пратэсты пасля выбараў у Беларусі
Трактары МТЗ на выставе Белагра

МТЗ запланаваў прома-тур беларускіх трактароў у ЗША

16
(абноўлена 16:29 11.06.2021)
Беларускія трактары пакажуць на буйных сельскагаспадарчых выставах у Злучаных Штатах Амерыкі.

МІНСК, 11 чэр - Sputnik. Мінскі трактарны завод збіраецца паказаць сваю тэхніку на выставах у Злучаных Штатах Амерыкі, паведаміла прэс-служба прадпрыемства.

Плануецца, што выставы пройдуць у верасні. Прома-тур пачнецца ў штаце Ілінойс на спецыялізаваным сельскагаспадарчым паказе Farm Progress Show, далей ён працягнецца ў Паўночнай Дакоце - найбуйнейшай выставе Сярэдняга Захаду Big Iron Farm Show у аграрнай галіне.

Плануецца, што МТЗ пакажа тры мадэлі тэхнікі - Belarus-952.7, 1025.7 і 1221.7 - з рухавікамі экалагічнага класа Tier IV Final.

У студзені гэтага года трактары Belarus-952.7, 1025.7 і 1221.7 з рухавікамі Caterpillar прайшлі сертыфікацыйныя выпрабаванні для выхаду на рынак Еўрапейскага саюза.

Чытайце таксама:

16
Тэги:
выстава, ЗША, трактар, МТЗ