Стала вядома, колькі нафты перапрацаваў у 2020 годзе завод "Нафтан"
(абноўлена 17:11 05.02.2021)
У бягучым годзе нафтаперапрацоўчы завод чакае мадэрнізацыя і нівеліраванне эфекту падатковага манеўру.МІНСК, 5 лют – Sputnik. Наваполацкі нафтаперапрацоўчы завод "Нафтан" завяршыў мінулы год з добрай рэнтабельнасцю, распавёў газеце "Веснік Нафтана" генеральны дырэктар ААТ Андрэй Сойка.
Паводле яго слоў, нягледзячы на цяжкасці, з якімі "Нафтан" сутыкнуўся ў 2020-м, год стаў адным з лепшых за мінулае дзесяцігоддзе.
Загрузка НПЗ
"Сумарна мы перапрацавалі каля 7,3 мільёна тон нафты (поўная магутнасць - 12 мільёнаў тон, аптымальная - 9 мільёнаў - Sputnik). Задача ў 2021-м - павялічыць гэты аб'ём на 12-13%, да 8,2 мільёна тон", - распавёў у інтэрв'ю гендырэктар.
У складаных умовах прадпрыемства змагло аптымізаваць працу і дзякуючы рэалізацыі мерапрыемстваў па зніжэнні выдаткаў атрымала эканомію на суму, якая перавышае 67 мільёнаў рублёў.
"Нафтан" за мінулы год выканаў чатыры з пяці мэтавых паказчыкаў, зацверджаных канцэрнам "Белнафтахім":
- экспарт паслуг;
- зніжэнне ўзроўню затрат на вытворчасць і рэалізацыю прадукцыі;
- рэнтабельнасць продажаў;
- чысты прыбытак.
"Толькі адзін ключавы паказчык - экспарт тавараў - ня выкананы па аб'ектыўных прычынах", - канстатаваў Сойка.
Мадэрнізацыя і падатковы манеўр
Па словах дырэктара завода, завяршэнне чарговай мадэрнізацыі і запуск у эксплуатацыю комплексу запаволенага каксавання дасць магчымасць атрымаць дадатковы прыбытак ў памеры 150 мільёнаў долараў.
©
Sputnik / Андрей Александров
"Фактычна, з уводам новых установак, мы зможам кампенсаваць падатковы манеўр за два гады", - лічыць гендырэктар Сойка.
Зараз у Наваполацку абмяркоўваюць будаўніцтва новай устаноўкі каталітычнага рыформінгу, а таксама ўзвядзенне новага маслаблока, які будзе перапрацоўваць сыравіну з комплексу "гідракрэкінгу".
"Цяпер мы разлічваем кошт, эканамічную эфектыўнасць, аналізуем мэтазгоднасць пералічаных праектаў. Гэта нашы планы на будучую пяцігодку", - падсумаваў Сойка.
Чытайце таксама:
- РЧ абяцае Беларусі цэны на перавалку нафтапрадуктаў не даражэй Прыбалтыкі
- Урад РФ зацвердзіў праект пагаднення аб перавалцы беларускіх грузаў
- Хоць заўтра: на беларускім НПЗ распавялі аб пераходзе на перавалку ў партах РФ
Тэги:
Беларусь дапаможа Расіі і Украіне са здабычай "цяжкай" нафты
(абноўлена 16:11 24.02.2021)
Па новай тэхналогіі шматстадыйнага гідраразрыву беларускіх нафтавікоў кансультавалі спецыялісты з ЗША, дзе, уласна, і прыдумалі метад plug and perf.МІНСК, 24 лют – Sputnik. Беларусь акажа Расіі і Украіне сэрвісную дапамогу ў здабычы цяжказдабывальнай нафты, распавёў начальнік упраўлення свідравіны тэхналогій і сэрвісу ВА "Беларуснафта" Дзяніс Загружны, перадае карэспандэнт Sputnik.
Тэхналогія шматстадыйнага гідраразрыву пласта plug and perf з'явілася ў нашай краіне ў 2019 годзе. Беларускіх нафтавікоў ва ўкараненні новага метаду здабычы нафты кансультавалі спецыялісты з ЗША.
Тэхналогія plug and perf
У свідравіну запампоўваюцца вадкасці разрыву з ціскам вышэй разрыву горных парод. Пасля ўтварэння трэшчыны па трубах запампоўваецца матэрыял, які раскліноўвае - альбо пясок, альбо сінтэтычны матэрыял, так званы прапант.
©
Sputnik Станислав Лобатый
Мармовічскае радовішча ў Светлагорскім раёне
"І далей па гэтай расколіне нафта паступае ў саму свідравіну, пасля чаго мы здабываем яе на паверхню", - тлумачыць нюансы тэхналогіі Дзяніс Загружны.
Зараз plug and perf выкарыстоўваюць на свідравіне №9100 Мармовічскага радовішча ў Светлагорскім раёне. Унікальнасць яе ў тым, што яна гарызантальная (а не вертыкальная, як традыцыйныя паклады), а працягласць ўчастка складае каля аднаго кіламетра. Каб асвоіць свідравіну, сюды плануюць запампаваць 3500 кубаметраў вадкасцяў разрыву і каля 700 тон прапанта.
"Гэта вельмі важная для нас тэхналогія, паколькі асноўныя запасы нафты ў Беларусі цяжказдабывальныя. Ад гэтай свідравіны чакаем атрымліваць да 50 тон бязводнай нафты ў суткі", - канстатуе суразмоўца.
Паводле яго слоў, у бліжэйшы час беларускія нафтавікі плануюць пачаць аказваць сэрвісныя паслугі па новай тэхналогіі Расіі і Украіне.
"У Расіі новы метад па здабычы нафты толькі-толькі пачынае выкарыстоўвацца, а на Украіне яго няма. Таму наша бліжэйшая мэта - максімальна асвоіць тэхналогію plug and perf і пачаць аказваць сэрвісныя паслугі за мяжой. Думаю, вельмі будзе цікава і "Газпрому", і "Раснафце" будзе з намі пасупрацоўнічаць", - кажа Загружны.
Ён адзначае, што гэта будзе супрацоўніцтва адносна працы пад ключ - пачынаючы ад будаўніцтва аб'екта, праводкі, цэментавання і засваення.
"У Расіі і на Украіне вельмі шмат цяжказдабывальных запасаў, і мы можам працаваць там доўга", - рэзюміруе спецыяліст.
У Беларусі ў 2020 годзе па новай тэхналогіі былі пабудаваны 8 свідравін, у бягучым годзе нафтавікі плануюць асвоіць 10 аб'ектаў.
Чытайце таксама:
- Беларускія нафтавікі пачалі бурыць новыя свідравіны на Палессі
- На месяц раней: беларускія нафтавікі прабурылі новую свідравіну на Украіне
- Мінск накіруе ў парты Расіі 3,5 млн тон нафтапрадуктаў - Мінтранспарту Расіі
Тэги:
Беларускія нафтавікі пачалі бурыць новыя свідравіны на Палессі
(абноўлена 14:19 24.02.2021)
На Рэчыцкім радовішчы, самым старым ў рэспубліцы, здабываюць добрую па якасці нафту. Тут, паводле ацэнак спецыялістаў, знаходзіцца больш за 30% усіх запасаў беларускага "чорнага золата".МІНСК, 24 лют – Sputnik. "Беларуснафта" пачала бурыць чатыры новыя свідравіны на Рэчыцкім радовішчы, распавёў Sputnik начальнік Светлагорскага ўпраўлення буравых работ кампаніі Віктар Архіпенка.
Свідраваць іх пачалі куставым метадам. Гэтая тэхналогія прыйшла з Заходняй Сібіры, дзякуючы ёй "Беларуснафта" зэканоміла ўжо каля 7 млн рублёў, канстатуе спецыяліст.
©
Sputnik Станислав Лобатый
На Рэчыцкім радовішчы добрая нафта, падкрэслівае Віктар Архіпенка
"Спецыфіка ў тым, што выбіраецца пляцоўка, на якой свідруецца не адна, а адразу некалькі свідравін. Пасля заканчэння работ у адным месцы буравая ўстаноўка не разбіраецца, а перамяшчаецца на рэйках. Мы значна эканомім час і грошы", - тлумачыць Архіпенка.
У Беларусі куставым метадам свідраваць пачалі ў 2014 годзе. Тады "Беларуснафта" набыла італьянскую ўстаноўку Drillmec 1500HP і прасвідравала самы вялікі на дадзены момант куст з 14 свідравін. Працы былі скончаны ў траўні 2018 года, больш за два гады тут ідзе здабыча нафты і газу.
©
Sputnik Станислав Лобатый
Спецыялісты свідруюць не адну, а адразу некалькі свідравін, што дазваляе зэканоміць час і грошы
На адной свідравіне здабываюць каля 12,5 тон нафты ў суткі, на ўсім кусце - больш за 120 тон (дзве чыгуначныя цыстэрны - Sputnik). Ёсць яшчэ спадарожны газ - 12 тысяч "кубоў" у суткі. Па словах нафтавікоў, гэтага хапае прыкладна на патрэбы 2 тысяч сямей.
Новыя свідравіны плануюць дабудаваць праз год, на кожную сыдзе каля трох месяцаў. Зараз забой ў адной з свідравін складае каля 700 метраў, на глыбіню спушчана першая тэхнічная калона. Пасля гэтага працягнецца бурэнне да праектнай глыбіні 1812 метраў.
©
Sputnik Станислав Лобатый
Новыя свідравіны на Палессі плануюць прасвідраваць за год
"Свідравіны будуць будавацца па лёгкай канструкцыі, таму мы плануем завяршыць работы да канца 2021-га - пачатку 2022-га гадоў", - адзначыў Віктар Архіпенка.
Паводле яго слоў, на Рэчыцкім радовішчы, самым старым ў рэспубліцы, добрая нафта. Тут здабываецца больш за 30% нафты па ўсёй краіне. Больш за 400 свідравін прасвідравана, каля 200 знаходзяцца ў здабыўным фондзе.
Чытайце таксама:
- Беларуснафта: новая свідравіна праблему не вырашыць, але гэта перспектыва
- На месяц раней: беларускія нафтавікі прабурылі новую свідравіну на Украіне
- У Крамлі пракаментавалі магчымасць куплі Беларуссю радовішча нафты
Тэги:
На самалёце і з ПЦР-тэстам: Грузія дазволіла ўезд беларусам
(абноўлена 17:27 24.02.2021)
Новы прэм'ер паведаміў, што зняў усе абмежаванні, уведзеныя з-за каронавіруса, - акрамя каменданцкай гадзіны.МІНСК, 24 лют – Sputnik. Беларусы змогуць уехаць у Грузію з 1 сакавіка, пра гэта паведаміў прэм'ер Грузіі Іраклій Гарыбашвілі.
Уехаць можна пакуль што толькі паветраным шляхам - сухапутныя межы застаюцца зачыненымі для турыстаў. Абавязковая ўмова - наяўнасць з сабой адмоўнага ПЦР-тэста.
У Грузіі таксама здымаецца вялікая частка абмежаванняў, якія раней былі ўведзены з-за каронавіруса - за выключэннем каменданцкай гадзіны. Яна дзейнічае па ўсёй краіне з 21:00 да 05:00.
Адновяць работу рэстараны, якія знаходзяцца ў закрытых памяшканнях (за выключэннем выхадных дзён), хоць ім прыйдзецца выконваць шэраг умоў і рэкамендацый.
З 25 лютага ў краіне адновіць працу міжгародні транспарт і гасцініцы ў гарналыжных курортных гарадах. З 15 сакавіка адкрыюцца спартыўныя залы, тэатры, гандлёвыя цэнтры і рынкі, з 1 сакавіка зноў пачнуць працу дзіцячыя сады і ВНУ.
Нагадаем, што абмежаванні былі ўведзены ў краіне з-за пандэміі каронавіруса. Уехаць у яе маглі з ПЦР-тэстам толькі грамадзяне краін ЕС, ад астатніх патрабавалася прадаставіць даведку аб праходжанні поўнага курса вакцынацыі. Зараз спісак стаў больш: да іх, акрамя Беларусі, дадаліся Расія, Арменія, Азербайджан, Украіна і Казахстан.
За ўвесь перыяд пандэміі каронавіруса ў Грузіі былі зафіксаваны 269 438 выпадкаў заражэнняў, памерлі 3 463 чалавекі. Вакцынацыю ад каронавіруса ўлады плануюць пачаць у сакавіку.
Дзе ў Мінску можна здаць ПЦР-тэст для паездкі за межы рэспублікі - можна прачытаць тут.
Чытайце таксама:
- Белавія з 19 лютага пачынае выконваць рэйсы ў Дубай
- Не толькі Масква: Беларусь і Расія аднаўляюць авіязносіны
- У 2025 годзе Беларусь павінна наведаць у 2 разы больш турыстаў, чым у 2020-м
Тэги:
Тэмы: