Стары дом у вёсцы

Дзяржкаммаёмасць: праект указа па пустуючых і старых дамах прайшоў узгадненні

29
(абноўлена 15:01 22.02.2021)
Мэта праекта ўказа - удасканаленне парадку ўключэння ў абарот пустых і старых дамоў у сельскай мясцовасці.

МІНСК, 22 лют – Sputnik. Праект указа аб адчужэнні жылых дамоў і ўдасканаленні работы з пустымі і старымі дамамі прайшоў узгадненні ў зацікаўленых структурах, паведаміў старшыня Дзяржаўнага камітэта па маёмасці Дзмітрый Матусевіч у эфіры тэлеканала СТВ.

Мэта гэтага законапраекта - удасканаленне парадку ўключэння ў абарот старых і пустуючых дамоў у сельскай мясцовасці.

"Мы падрыхтавалі адпаведны праект указа, ён ужо ўзгоднены з усімі зацікаўленымі. У ім сапраўды будуць прадастаўлены пэўныя паўнамоцтвы (мясцовым уладам - ​​Sputnik) і самае галоўнае - спрошчаны парадак", - растлумачыў кіраўнік Дзяржкаммаёмасці.

У прыватнасці, у некаторых населеных пунктах такія аб'екты будзе дазволена рэалізоўваць за 1 базавую велічыню (цяпер яна складае 29 беларускіх рублёў). Пры гэтым, адзначыў старшыня профільнага камітэта, неабходна будзе ўлічыць інтарэсы ранейшых уласнікаў, якія па якіх-небудзь прычынах не карыстаюцца сваёй маёмасцю і зямельным участкам.

Чытайце таксама:

29
Тэги:
Указ, Праекты
Мазырскі НПЗ

Мазырскі НПЗ вырабіў рэкордную колькасць бітуму

12
Украінская ўрадавая праграма па будаўніцтву дарог прывяла да павышанага попыту на бітум, чым у сваю чаргу скарыстаўся беларускі нафтаперапрацоўчы завод.

МІНСК, 3 сак – Sputnik. У 2020 годзе ў параўнанні з 2019 годам вытворчасць і адгрузка бітуму павялічылася амаль на 17%, а ў параўнанні з 2018 годам - ​​на траціну, паведамілі ў прэс-службе Мазырскага НПЗ.

Нафтаперапрацоўчы завод адзначае, што выкананне бітумнай праграмы ў мінулым годзе апынулася больш паспяховым за папярэднія гады, пра што кажа абсалютны рэкорд рэалізацыі прадукцыі.

Вялікая ўкраінская будоўля

"Асноўным напрамкам паставак бітуму ў 2020 годзе была Украіна, куды адгружана больш за 70% вырабленага нашым прадпрыемствам прадукту. Гэтаму спрыяла выкананне ўкраінскай урадавай праграмы "Вялікая будоўля", - распавялі на Мазырскім НПЗ.

Усяго ў 2020 годзе Мазырскі НПЗ рэалізаваў на рынках 582 тысячы тон бітумаў, з якіх 410 тысяч тон былі пастаўлены на ўкраінскі рынак. Для параўнання ў 2017 годзе гэтыя лічбы складалі 377 тысяч тон і 163 тысячы тон адпаведна.

У месяц нафтаперапрацоўчы завод вырабляў і рэалізоўваў 2,8 тысячы тон бітумаў, што складае 120 аўтацыстэрнаў, або 48 чыгуначных вагонаў.

Беларусь - абсалютны лідэр

Раней стала вядома, што па выніках мінулага года на ўкраінскі рынак было пастаўлена 860,2 тысячы тон дарожнага бітуму, што ў два разы больш за паказчык 2019 года (427,8 тысячы тон).

Відавочна, што асноўным пастаўшчыком стала Беларусь, якая здолела забяспечыць рост паставак на 77% у параўнанні з папярэднім годам (253,7 тысячы тон).

Абсалютна ўвесь аб'ём рэалізаванага на ўкраінскім рынку беларускага бітуму быў выраблены на Мазырскім НПЗ. Пры гэтым асноўная частка паставак ажыццяўлялася аўтамабільным транспартам.

12
Тэги:
завод, Украіна, бітум, Мазыр, НПЗ
Пецярбургскі нафтавы тэрмінал

Пецярбургскі тэрмінал назваў аб'ём перавалкі беларускіх нафтапрадуктаў

14
(абноўлена 12:15 03.03.2021)
Экспартныя пастаўкі прадукцыі беларускіх НПЗ стануць прадметам канкурэнцыі паміж расійскімі партамі на Балтыцы ў 2021 годзе.

МІНСК, 3 сак – Sputnik. Пецярбургскі нафтавы тэрмінал (ПНТ) у гэтым годзе плануе пераваліць каля 810 тысяч тон беларускіх нафтапрадуктаў, паведаміў старшыня савета дырэктараў АТ "ПНТ" Міхаіл Скігін.

"Па ўмовах міжурадавага пагаднення ў 2021 годзе ПНТ чакае прыняць 680 тысяч тон мазуту і 130 тысяч тон масла з беларускіх НПЗ", - распавёў старшыня савета дырэктараў у інтэрв'ю выданню "Камерсантъ".

Канкурэнцыя за беларускі экспарт

Паводле яго слоў, канкурэнтамі за перавалку беларускіх нафтапрадуктаў пасля сыходу з партоў балтыйскіх рэспублік стануць "Высоцкі, Усць-Луга, Прыморск. Усе тэрміналы, якія і зараз працуюць на расійскай Балтыцы".

Міхаіл Скігін адзначыў, што Пецярбургскі нафтавы тэрмінал у канкурэнтнай барацьбе за беларускі экспарт зробіць упор на тарыфныя стаўкі і гнуткі падыход па прыёме розных нафтапрадуктаў.

Пры гэтым расійскі бізнесмен падкрэсліў, што праца з беларускім бокам па перавалцы нафтапрадуктаў будзе цікавая толькі пры супадзенні такіх параметраў, як "доўгатэрміновасць, нязменнасць і цана".

Беларускае акно на Балтыцы

Раней стала вядома, што ЗАТ "Беларуская нафтавая кампанія" размясціла прапанову аб пастаўках 37 тысяч тон бензіну з расійскага порта Усць-Луга.

Афіцыйныя Мінск і Масква 16 лютага падпісалі пагадненне аб пастаўках беларускіх нафтапрадуктаў праз расійскія парты на Балтыцы. На бягучы год узгоднены пастаўкі 3,5 мільёна тон нафтапрадуктаў. Усяго да канца 2023 году такім чынам на экспарт можа сысці 9,8 мільёна тон нафтапрадуктаў.

Таксама ў канцы лютага стала вядома, што "Новая нафтавая кампанія" 10 сакавіка правядзе таргі па продажы 788 тысяч тон топачнага мазуту вытворчасці Мазырскага НПЗ. Паліва будзе адгружана ў тым жа тэрмінале і на аналагічных умовах, што і бензін.

Чытайце таксама:

14
Тэги:
Балтыка, порт, канкурэнцыя, НПЗ, Экспарт, нафта
Тэмы:
Саюзная дзяржава Беларусі і Расіі
Здымак планеты Зямля з космасу, архіўны фотаздымак

Два ўсплёскі магнітнай буры зафіксавалі навукоўцы

0
(абноўлена 17:57 03.03.2021)
Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

МІНСК, 3 сак – Sputnik. Адразу два ўсплёскі магнітнай буры адбыліся на працягу мінулай ночы, паведамляе сайт Лабараторыі рэнтгенаўскай астраноміі Сонца Фізічнага інстытута акадэміі навук.

Па дадзеных навукоўцаў, слабыя магнітныя буры адбыліся да паўночы і ў раёне з 3 да 6-й раніцы. Да гэтага яны лічылі, што ў другой палове ночы ніякіх бур быць не павінна, а магнітасфэра Зямлі павінна была быць спакойнай.

Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

Усяго ў класіфікацыі магнітных бур пяць узроўняў - ад G1 да G5. Лічыцца, што слабая бура можа справакаваць нязначныя збоі ў працы энергасістэм, а таксама паўплываць на шляхі міграцый птушак і жывёл.

Больш моцныя буры выклікаюць парушэнні караткахвалевай сувязі і работы навігацыйных сістэм, а таксама збоі напружання ў прамысловых сетках.

0
Тэги:
магнітная бура, Навукоўцы