Цэны пад кантроль: Лукашэнка абяцае паклапаціцца аб "небагатых беларусах"

© Sputnik / Виктор ТолочкоПалац Незалежнасці ў Мінску
Палац Незалежнасці ў Мінску - Sputnik Беларусь, 1920, 01.04.2021
Падпісацца
Пытанні аховы айчыннага рынку і ўласных вытворцаў, а таксама адмову некаторых кампаній працаваць з беларускімі таварамі абмеркавалі на нарадзе ў Палацы Незалежнасці.

МІНСК, 1 кра – Sputnik. Аляксандр Лукашэнка даручыў узяць пад кантроль цэнаўтварэнне і абараніць унутраны рынак і айчынных вытворцаў.

На даклад у Палац Незалежнасці 1 красавіка прыйшлі міністр антыманапольнага рэгулявання і гандлю Уладзімір Калтовіч і першы віцэ-прэм'ер Мікалай Снапкоў. Абмеркавалі цэнаўтварэнне, інфляцыю і абарону рынку.

Для небагатых суайчыннікаў

Беларускі лідэр запатрабаваў узяць пад кантроль цэны, асабліва на тыя тавары, што карыстаюцца павышаным попытам. Ён прызнаўся, што сам не зусім разумее, што значыць "тавары сацыяльнага спектра". Але кантраляваць трэба ўсё цэнаўтварэнне, запатрабаваў Лукашэнка. І пацікавіўся, як чыноўнікі разумеюць "неабгрунтаваны рост цэн", як плануюць з гэтым спраўляцца.

"Як вы кажаце, перш за ўсё, на тавары (кантраляваць цэны - Sputnik), якія карыстаюцца павышаным попытам у нашых небагатых суайчыннікаў. Але самае галоўнае - недапушчальнасць неабгрунтаванага росту цэн... Не дай бог у другім, трэцім і далей кварталах мы будзем мець праблемы бескантрольнага, мякка кажучы, цэнаўтварэння", - прыводзіць словы Лукашэнкі Telegram-канал "Пул першага".

Цэны пад кантроль

Абмяркоўваючы інфляцыю, Лукашэнка падкрэсліў, што гэта адно з найбольш важных пытанняў. Ён пацікавіўся ў Снапкова і Калтовіча, як яны бачаць сітуацыю з цэнамі і нагадаў, як дзяржава ў пачатку года "жорстка займалася лекамі". Але пад кантроль трэба браць не толькі цэны на сацыяльна значныя тавары, падкрэсліў ён.

"На ўсе тавары трэба маніторыць цэны і прымаць меры. Галоўнае, каб метода была ў нас адпаведная для прыняцця падобных рашэнняў", - заявіў ён.

Лукашэнка рынак не аддасць

Грузавікі на мытным пункце пропуску - Sputnik Беларусь, 1920, 01.04.2021
Эканамічныя контрсанкцыі Беларусі супраць Захаду не закрануць транзіт
На кантролі ў прэзідэнта пытанні аховы ўнутранага рынку і айчынныя вытворцы. І тут важна засцерагаць іх не толькі "канкурэнтным чынам", але і з дапамогай органаў кіравання.

"Мы вырабляем. Няхай наш рынак невялікі. Але трэба канкурэнтным чынам, натуральна, не аддаваць нікому гэты рынак. Мы, вядома, павінны памятаць пра нашы абавязацельствы ў рамках еўразійскай эканамічнай прасторы", - заявіў ён.

І прызнаў, што ёсць "вялікія пытанні да органаў кіравання", якія павінны кантраляваць і прымаць меры для аховы ўнутранага рынку і беларускіх таваравытворцаў.

"Хітрыць няма неабходнасці"

Паводле слоў Лукашэнкі, многія праблемныя пытанні ўздымалі і самі вытворцы. У прыватнасці, не ўсе "так званыя супермаркеты і крамы" бяруць на рэалізацыю беларускія тавары. Лукашэнку расчаравала, што пра падобныя рэчы яму не далажыў міністр гандлю.

Аўтамабіль на АЗС, архіўны фотаздымак - Sputnik Беларусь, 1920, 30.03.2021
Аўтамабільнае паліва зноў падаражэла ў Беларусі
Паводле яго слоў, урад павінен падрыхтаваць адпаведныя меры для абароны беларускага рынку і вытворцаў. І "мудраваць", і хаваць нейкія пытанні тут няма неабходнасці.

"Мы сёння вырабляем велізарны спектр тавараў спажывання. А ў асобных нашых так званых супермаркетах і крамах мы гэтага не бачым. Дайшло да таго, што некаторыя з іх (гэта ўжо праваахоўныя органы разбіраюцца) проста адмаўляліся браць да рэалізацыі беларускія тавары", - сказаў ён.

Канкрэтныя кампаніі Лукашэнка не назваў. Але расчараваўся, што не зусім выконваюцца тыя даручэнні, якія дадзены прафсаюзам, дэпутатам, ураду.

"Падобныя рэчы трэба не проста спыняць, а выпальваць гарачым жалезам", - падкрэсліў Лукашэнка.

Чытайце таксама:

Стужка навiн
0