Беларусь адключыла трансгранічныя лініі электраперадач з Літвой
(абноўлена 10:55 08.04.2021)
Такім чынам, беларускія спецыялісты праводзяць выпрабаванні энергасістэмы рэспублікі, на фоне запланаванага выхаду з БРЭЛЛ краін Балтыі.МІНСК, 8 кра – Sputnik. У Беларусі пачаліся выпрабаванні энергасістэмы з адключэннем трансгранічных ліній электраперадачы з Літвой, паведаміла прэс-служба Мінэнерга.
"Выпрабаванні праводзяцца для праверкі надзейнасці работы Беларускай энергасістэмы з улікам запланаванага выхаду энергасістэм краін Балтыі з энергакола БРЭЛЛ, якое аб'ядноўвае Беларусь, Расію, Эстонію, Латвію і Літву", - растлумачылі ў ведамстве.
Пры гэтым у міністэрстве энергетыкі адзначылі, што выпрабаванні зоймуць цэлыя суткі. У гэты час будуць адключаны высакавольтныя лініі, будзе ісці назіранне за працай энергасістэмы, а затым адбудзецца ўключэнне ліній з захаваннем ўсіх патрабаванняў па бяспецы.
"Аналагічныя выпрабаванні пройдуць 11 красавіка. Дадзеныя работы будуць выкананы ў рамках праграмы, узгодненай з сістэмнымі аператарамі краін БРЭЛЛ", - адзначылі ў беларускім міністэрстве.
Колькі Бруселю будзе каштаваць выхад з БРЭЛЛ?
Раней стала вядома, што краіны Балтыі і Польшча звярнуліся за дадатковым фінансаваннем да Еўрапейскага Саюза. Такім чынам, яны хочуць пакрыць 75% усіх выдаткаў на выхад з БРЭЛЛ.
У заяўцы ў мінулым годзе былі пазначаны наступныя сумы:
- Вільнюс - 462 мільёны еўра,
- Рыга - 100 мільёнаў еўра,
- Талін - 111 мільёнаў еўра,
- Варшава - 521 мільён еўра.
У планах да 2025 года значыцца поўны выхад з энергетычнага кола, якое злучае Беларусь, Расію, Эстонію, Латвію і Літву. Такім чынам, завершыцца сінхранізацыя з еўрапейскай энергасістэмай праз Польшчу з дапамогай перамычкі на польска-літоўскай мяжы і марскога кабеля.
Чытайце таксама:
- Еўрапарламент прыняў рэзалюцыю па Беларускай АЭС
- Літва адзначае рост гандлю электраэнергіяй з Расіяй пасля пуску БелАЭС
- У літоўскія энергапраекты не маюць намеру пускаць кампаніі, звязаныя з БелАЭС
Тэги:
Лукашэнка і Пуцін пагаварылі па тэлефоне
(абноўлена 12:08 15.04.2021)
За два апошнія тыдні кіраўнікі дзяржаў сазваніліся ўжо двойчы, папярэдняя размова адбылася 2 красавіка.МІНСК, 15 кра – Sputnik. Прэзідэнты Беларусі і Расіі Аляксандр Лукашэнка і Уладзімір Пуцін правялі тэлефонную размову, паведамляе Telegram-канал "Пул Першага", блізкі да прэс-службы беларускага лідэра.
У паведамленні адзначаецца, што прэзідэнты закранулі шэраг тэм, абмеркаваўшы не толькі развіццё беларуска-расійскіх адносін, але і пытанні міжнароднага парадку дня. Акрамя таго, лідэры абмеркавалі графік будучых сустрэч і больш падрабязна спыніліся на візіце ў Мінск расійскага прэм'ер-міністра Міхаіла Мішусціна.
У прэс-службе Крамля раскрылі падрабязнасці гутаркі прэзідэнтаў. У прыватнасці, Лукашэнка і Пуцін абмеркавалі тэму карабахскага ўрэгулявання. Нагадаем, напярэдадні завяршыўся двухдзённы афіцыйны візіт беларускага лідэра ў Баку, дзе ён правёў перамовы з прэзідэнтам Ільхамам Аліевым.
"У кантэксце толькі што праведзенага візіту Аляксандра Лукашэнкі ў Азербайджан закранута тэма нагорнакарабахскага ўрэгулявання", - гаворыцца ў паведамленні.
Кіраўнікі дзяржаў таксама выказалі настрой на ўмацаванне саюзніцкіх адносін.
Гэта другая тэлефонная размова кіраўнікоў дзяржаў за апошнія два тыдні. Папярэдняя адбылася 2 красавіка ў Дзень яднання народаў Беларусі і Расіі. Тады прэзідэнты абмеркавалі шэраг пытанняў, у тым ліку барацьбу з каронавірусам, знешнія пагрозы, а таксама падрыхтоўку да правядзення чарговага пасяджэння Вышэйшага Дзяржсавета Саюзнай дзяржавы.
Чытайце таксама:
- Лукашэнка павіншаваў Пуціна з Днём яднання народаў Беларусі і Расіі
- Перамовы Галоўчанкі і Мішусціна пройдуць у бліжэйшыя дні
- Якія памылкі еўрапейскай інтэграцыі трэба ўлічыць Беларусі і Расіі - эксперт
Тэги:
Яшчэ тры платныя дарогі з'явяцца ў Беларусі
(абноўлена 10:49 15.04.2021)
Дзяржаўная праграма развіцця дарог прадугледжвае не толькі рэканструкцыю і ўзвядзенне новай дарожнай інфраструктуры, але і пашырэнне сеткі платных магістраляў.МІНСК, 15 кра – Sputnik. Дзяржаўная праграма "Дарогі Беларусі" на 2021-2025 гады прадугледжвае з'яўленне яшчэ трох платных участкаў дарог, пра гэта гаворыцца ў пастанове Савета Міністраў, апублікаванай на Нацыянальным прававым партале.
У перыяд рэалізацыі праграмы плануецца пашырыць сетку платных аўтамабільных дарог і ўвесці плату за праезд. Спаганяць аплату плануецца на наступных транспартных артэрыях:
- аўтамабільнай дарозе М-8 / Е95 на ўчастку Орша - Віцебск,
- аўтамабільнай дарозе М-10 на ўчастку Рэчыца - Калінкавічы,
- аўтамабільнай дарозе Р-23 на ўчастку Слуцк - Радкова.
"Да 2026 года працягласць платных аўтамабільных дарог складзе 1957,8 кіламетра", - гаворыцца ў пастанове Савета Міністраў.
Беларускія ўлады плануюць у новай пяцігодцы пры дапамозе збірання платы за праезд па аўтамабільных дарогах атрымаць 1 806 303 163 рублі. У праграме гаворыцца, што гэтыя сродкі пойдуць на рамонт і рэканструкцыю платных дарог у першую чаргу.
У цяперашні час за праезд па беларускіх дарогах трэба плаціць, калі агульная маса транспартнага сродку перавышае 3,5 тоны. Пры гэтым ёсць катэгорыі аўтамабіляў, якія вызвалены ад платы.
Пры гэтым плаціць давядзецца і гаспадарам аўтамабіляў, якія лягчэй 3,5 тоны, калі іх транспартны сродак не зарэгістраваны ў дзяржавах, якія ўваходзяць у ЕАЭС.
Чытайце таксама:
- Новы праект аб дарожным руху: што змяняецца для кіроўцаў
- У дзесяты раз з пачатку года: у Беларусі з 13 красавіка даражэе паліва
- Электрамабілі вызвалілі ад транспартнага падатку да канца 2025 года
Тэги: