Цягнік на чыгуначным тэрмінале дастаўкі бензіну на нафтабазу

Беларусь павялічыла ў I квартале пастаўкі бензіну на ўкраінскі рынак

17
(абноўлена 15:12 15.04.2021)
Паліва з Беларусі займае значную частку ў абароце бензіну на рынку паўднёвай суседкі, але імклівы рост паставак тлумачыцца нізкай базай мінулага года.

МІНСК, 15 кра – Sputnik. У студзені-сакавіку 2021 года ўкраінскі рынак бензіну вырас на 13% (61,6 тыс тон) да 521 тыс тон, у параўнанні з аналагічным перыядам 2020 года (459,5 тыс тон), паведамілі ў кансалтынгавай групе "А-95".

Украіна нарасціла ў першым квартале уласную вытворчасць бензіну на 7,4% (на 17,8 тыс тон) да 258,4 тыс тон, у параўнанні з аналагічным перыядам мінулага года.

Пры гэтым доля ўкраінскага бензіну ў агульным балансе рынку па выніку першых трох месяцаў бягучага года склала 49,5% супраць 52,3% у студзені-сакавіку 2020 года.

"Імпарт аўтамабільных бензінаў на ўкраінскі рынак у I квартале 2021 года вырас на 20% (на 43,8 тыс тон) да 262,7 тыс тон, у параўнанні з аналагічным перыядам мінулага года (218,9 тыс тон)", - канстатавалі аналітыкі.

Пры гэтым у "А-95" канстатавалі, што імпартныя пастаўкі з Беларусі выраслі на 50% да 226,2 тысяч тон. Гэтакі скачок тлумачыцца нізкай базай параўнання: у першым квартале 2020 года пастаўкі з Беларусі былі зніжаны пасля таго, як пачаліся праблемы з пастаўкамі сыравіны з Расіі.

У першым квартале гэтага года на 45% (29,9 тыс тон) да 36,3 тыс тон скараціліся пастаўкі бензіну з Польшчы - пасля таго, як адна з сетак заправак скараціла закупкі з НПЗ PNK ORLEN.

Раней украінскія аналітыкі прагназавалі дэфіцыт дызеля на рынку краіны ў траўні, у тым выпадку, калі ў дачыненні да беларускіх пастаўшчыкоў пачнуць дзейнічаць амерыканскія санкцыі.

Чытайце таксама:

17
Тэги:
паліва, Украіна, рынак, Бензін, Беларусь
БелАЭС

Беларусь гатова экспартаваць электраэнергію ў краіны Балтыі і Украіну

26
(абноўлена 15:07 15.05.2021)
Плануецца, што БелАЭС ў будучыні будзе забяспечваць каля 40 працэнтаў патрэбы краіны ў электраэнергіі.

МІНСК, 15 тра - Sputnik. Беларуская АЭС разлічана ў першую чаргу на ўнутраныя патрэбы ў электраэнергіі, але гатова працаваць і на экспарт, заявіў міністр энергетыкі Віктар Каранкевіч.

Цяпер на першым энергаблоку БелАЭС поўным ходам ідзе апрабаванне абсталявання на намінальнай магутнасці рэактарнай устаноўкі, што з'яўляецца завяршальным этапам доследна-прамысловай эксплуатацыі блока.

"У першую чаргу мы нацэлены на задавальненне ўнутраных патрэб, але калі спатрэбяцца пастаўкі ў краіны Балтыі і Украіну, мы гатовыя іх забяспечыць. Для гэтага ёсць усе тэхнічныя магчымасці", - цытуе міністра агенцтва БелТА.

Пастаўкі на экспарт

Міністр адзначыў, што краіна будуць нарошчваць аб'ёмы вытворчасці электраэнергіі.

"Наша энергасістэма самадастатковая, гэта значыць мы цалкам забяспечваем патрэбы ў электраэнергіі за кошт уласных генерыруючых крыніц, але ёсць і магчымасць пастаўляць на экспарт. З улікам уводу БелАЭС мы будзем мець нарастаючы патэнцыял у тым ліку для мэт экспарту", - сказаў Каранкевіч.

Паводле яго слоў, цяпер электрычная энергія запатрабаваная, і БелАЭС унясе значны ўклад і ў задавальненне растучых патрэб рэальнага сектара эканомікі і насельніцтва. Пры гэтым ён адзначыў магчымасць замяшчэння выкарыстання вуглевадароднага паліва.

Як раней паведамлялася, у мінулым годзе аб'ём спажывання электраэнергіі ў Беларусі склаў 38 млрд кВт.гадз. Да 2025 года прагназуецца рост да 44 млрд кВт.гадз. Плануецца, што БелАЭС будзе забяспечваць каля 40% патрэбы краіны ў электраэнергіі.

Чытайце таксама:

26
Тэги:
Балтыя, Украіна, краіна, БелАЭС, Беларусь
Тэмы:
БелАЭС у Астраўцы
Прэм'ер-міністр Беларусі Раман Галоўчанка

Жорсткае цэнавое рэгуляванне пракаменціраваў прэм'ер Беларусі

20
(абноўлена 09:15 15.05.2021)
Змяненне цэн на сацыяльна-значныя тавары першай неабходнасці ў Беларусі з 1 сакавіка не павінна перавышаць 0,2% у месяц.

МІНСК, 15 тра - Sputnik. Беларускія ўлады пазітыўна ацэньваюць жорсткае рэгуляванне цэн на сацыяльна-значныя прадукты, заявіў прэм'ер-міністр Раман Галоўчанка.

"Уведзена дастаткова жорсткае цэнавае рэгуляванне, яно сябе апраўдала. Мы глядзім на мэтазгоднасць яго падаўжэння або спынення, гэтае пытанне цяпер абмяркоўваецца", - заявіў ён падчас рабочай паездкі ў Брэсцкую вобласць.

Відэа яго выступлення распаўсюдзіла прэс-служба Савета міністраў. Па словах прэм'ера, важнае рашэнне было прынята ў той момант, калі "сусветны рынак харчавання перажывае бум": кошты растуць амаль на ўсе віды прадукцыі.

"Каб гэтыя інфляцыйныя шокі ня пераносіліся ў поўнай меры на наша насельніцтва, мы не дапускаем росту цэн", - падкрэсліў Галоўчанка.

І дадаў, што на прадпрыемствах усіх форм уласнасці дастаткова запасаў мясной прадукцыі, каб цалкам забяспечыць унутраны рынак. Што тычыцца экспарту прадуктаў харчавання, то ён нарошчваецца толькі тады, калі задаволены патрэбнасці ўнутранага рынку.

Жорсткае цэнавое рэгуляванне ў Беларусі

Урад Беларусі ў лютым вырашыў, што з 1 сакавіка змяненне цэн на сацыяльна значныя тавары першай неабходнасці не можа перавышаць 0,2% у месяц. У пералік увайшлі 62 пазіцыі тавараў і прыкладна паўсотні лекаў.

Пастановай міністэрства антыманапольнага рэгулявання і гандлю таксама ўведзена цэнавае рэгуляванне на 18 груп сацыяльна значных тавараў з 1 студзеня па 29 чэрвеня ўключна.

Гэта датычыцца рыбы, мяса і каўбасных вырабаў, мяса курэй і курыных яек, сыроў, сметанковага, сланечнікавага і рапсавага алею, малочных прадуктаў. Таксама ў гэты пералік уваходзяць малако, кефір і смятана, пшанічная мука, хлеб, рыс, грэчка, аўсяныя шматкі, цукар, макароны, шэраг плодаагародніннай прадукцыі і дзіцячае харчаванне.

Чытайце таксама:

20
Тэги:
тавар, Беларусь, прэм'ер, цэны
Які сёння дзень: 16 мая

Які сёння дзень: 16 траўня 2021 года

0
(абноўлена 18:06 13.05.2021)
Гэты дзень з'яўляецца сто трыццаць сёмым па грыгарыянскім календары, да канца года засталося 229 дзён.

Якія падзеі адбыліся 16 траўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 16 траўня

  • У 1674 годзе Ян Сабескі быў абраны каралём польскім і вялікім князем літоўскім.
  • У 1686 годзе паміж Расіяй і Рэччу Паспалітай падпісаны "вечны мір", Расія атрымала Смаленшчыну, Чарнігаўшчыну і Кіеў.
  • У 1889 годзе была ўпершыню апублікавана паэма "Тарас на Парнасе" (у газеце "Минский листок").
  • У 1986 годзе ў Гродна быў адкрыты Дом-музей Максіма Багдановіча.

Хто нарадзіўся 16 траўня

  • 1911 год: Васіль Вітка, класік беларускай дзіцячай літаратуры.
  • 1955 год: Вольга Корбут, гімнастка, чатырохразовая алімпійская чэмпіёнка

Таксама сёння нарадзіліся рускі паэт Ігар Севяранін, паэт і рок-музыкант Юрый Шаўчук і  амерыканская кінаактрыса Меган Фокс.

16 траўня ў народным календары

Сёння праваслаўныя вернікі шануюць памяць пакутнікаў Цімафея і Маўры.

У народзе гэты дзень называлі Маўра Малочніца, таму што ў кароў, якія ўдосталь наеліся травы, з'яўлялася шмат малака.

16 мая лічыцца днём, добрым для высадкі расады капусты ў глебу. У гародзе ўжо з'явілася шчаў'е, крапіва і лебяда – травы, з якіх у Беларусі варылі бацвінне, калі не было капусты.

Калі ў гэты дзень было шмат расы, чакаецца добры ўраджай агуркоў.  

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей