Бізнес-разлікі

Павышэнне стаўкі рэфінансавання павінна стрымаць інфляцыю ў Беларусі

23
(абноўлена 10:40 21.04.2021)
Нацыянальны банк упершыню з 2020 года павышае ключавы для айчыннай эканомікі паказчык. Што гэта абяцае звычайным беларусам, разбіраўся Sputnik.

У сераду, 21 красавіка, стаўка рэфінансавання ў рэспубліцы згодна з рашэннем рэгулятара павысіцца на 0,75% і складзе 8,5%. У мінулым годзе толькі па афіцыйных дадзеных інфляцыя ў краіне склала 8,5% замест запланаваных у кабінетах чыноўнікаў 5%.

Фактычна стаўка рэфінансавання, якая заклікана вызначаць кошт пазыковых рэсурсаў у эканоміцы і даходнасць дэпазітаў, падымецца да значэння мінулагодняй інфляцыі. Калі спіраль росту цэн будзе раскручвацца і далей, рэгулятар можа зноў павысіць стаўку.

Крэдыты і дэпазіты

Рост значэння такога важнага для эканомікі паказчыка не толькі робіць прывабнымі для насельніцтва дэпазіты, таму што па іх на раўназначную колькасць павялічваецца працэнтная стаўка, але і робіць даражэй крэдыты.

Для беларусаў, у якіх пазыкі ў банках прывязаны да стаўкі рэфінансавання, гэта гаворыць толькі пра тое, што выдаткі вырастуць. Інакш банкі рызыкавалі б назіраць за тым, што працэнты па крэдытах ніжэй значэння інфляцыі, а значыць, яны б не зараблялі.

Апроч іншага больш высокія стаўкі па крэдытах пры высокай інфляцыі стрымліваюць спажывецкае крэдытаванне, а значыць і саму інфляцыю, якую ў адваротным выпадку разганяў бы завышаны спажывецкі попыт.

Інфляцыя і стаўка рэфінансавання

Сур'ёзны ціск на рост інфляцыі ў мінулым годзе аказала і працягвае аказваць у гэтым значнае патанненне беларускага рубля. Толькі ў адносінах да долара, да якога беларусы прывыклі прывязваць свае даходы і выдаткі, рубель патаннеў больш чым на 20%.

У такіх умовах інфляцыя яшчэ будзе даганяць гэтае падзенне, таму што падаражэлі імпартныя тавары, закупленыя за валюту, а беларуская эканоміка не толькі адкрытая, як любяць гаварыць чыноўнікі, але яшчэ і імпартаёмістая, а значыць будуць даражэць і беларускія тавары. Нездарма міністэрства антыманапольнага рэгулявання прызнавалася, што кантралюе цэны на 55% тавараў у краіне.

Кампраміснае павышэнне стаўкі рэфінансавання Нацбанкам хутчэй за ўсё звязана з тым, што дзяржаўнаму сектару, які закрэдытаваны цяпер па вушы, трэба у што бы то ні стала правесці пасяўную і не патануць у крэдытах.

Павысіць нельга панізіць

Заканчэнне другога квартала можа адзначыцца ростам інфляцыі, у тым ліку за кошт напампоўвання дзяржсектара грошамі на пасяўную, у выніку рэгулятару прыйдзецца ці зноў павысіць стаўку, ці назіраць за цэнамі, якія разганяюцца.

Беларуская ўлада, здаецца, назапасіла кампетэнцыі ў пытаннях кіравання інфляцыяй і з 2014 года прымала адэкватныя рашэнні, якія далі ў 2020 годзе дасягнуць гістарычна самай нізкай стаўкі рэфінансавання - 7,75%. Зараз павышэнне ці паніжэнне ключавога для эканомікі паказчыка, здаецца, зноў становіцца палітычным пытаннем.

Нацбанк відавочна разлічвае, што кан'юнктура вясной у эканоміцы складзецца пазітыўнай і не прыйдзецца звяртацца да павышэння стаўкі і тады можна будзе захаваць статус-кво.

Чытайце таксама:

23
Тэги:
беларусы, Эканоміка, Нацыянальны банк, банк, Беларусь, Інфляцыя, стаўка рэфінансавання
БелАЭС

Беларусь гатова экспартаваць электраэнергію ў краіны Балтыі і Украіну

26
(абноўлена 15:07 15.05.2021)
Плануецца, што БелАЭС ў будучыні будзе забяспечваць каля 40 працэнтаў патрэбы краіны ў электраэнергіі.

МІНСК, 15 тра - Sputnik. Беларуская АЭС разлічана ў першую чаргу на ўнутраныя патрэбы ў электраэнергіі, але гатова працаваць і на экспарт, заявіў міністр энергетыкі Віктар Каранкевіч.

Цяпер на першым энергаблоку БелАЭС поўным ходам ідзе апрабаванне абсталявання на намінальнай магутнасці рэактарнай устаноўкі, што з'яўляецца завяршальным этапам доследна-прамысловай эксплуатацыі блока.

"У першую чаргу мы нацэлены на задавальненне ўнутраных патрэб, але калі спатрэбяцца пастаўкі ў краіны Балтыі і Украіну, мы гатовыя іх забяспечыць. Для гэтага ёсць усе тэхнічныя магчымасці", - цытуе міністра агенцтва БелТА.

Пастаўкі на экспарт

Міністр адзначыў, што краіна будуць нарошчваць аб'ёмы вытворчасці электраэнергіі.

"Наша энергасістэма самадастатковая, гэта значыць мы цалкам забяспечваем патрэбы ў электраэнергіі за кошт уласных генерыруючых крыніц, але ёсць і магчымасць пастаўляць на экспарт. З улікам уводу БелАЭС мы будзем мець нарастаючы патэнцыял у тым ліку для мэт экспарту", - сказаў Каранкевіч.

Паводле яго слоў, цяпер электрычная энергія запатрабаваная, і БелАЭС унясе значны ўклад і ў задавальненне растучых патрэб рэальнага сектара эканомікі і насельніцтва. Пры гэтым ён адзначыў магчымасць замяшчэння выкарыстання вуглевадароднага паліва.

Як раней паведамлялася, у мінулым годзе аб'ём спажывання электраэнергіі ў Беларусі склаў 38 млрд кВт.гадз. Да 2025 года прагназуецца рост да 44 млрд кВт.гадз. Плануецца, што БелАЭС будзе забяспечваць каля 40% патрэбы краіны ў электраэнергіі.

Чытайце таксама:

26
Тэги:
Балтыя, Украіна, краіна, БелАЭС, Беларусь
Тэмы:
БелАЭС у Астраўцы
Прэм'ер-міністр Беларусі Раман Галоўчанка

Жорсткае цэнавое рэгуляванне пракаменціраваў прэм'ер Беларусі

20
(абноўлена 09:15 15.05.2021)
Змяненне цэн на сацыяльна-значныя тавары першай неабходнасці ў Беларусі з 1 сакавіка не павінна перавышаць 0,2% у месяц.

МІНСК, 15 тра - Sputnik. Беларускія ўлады пазітыўна ацэньваюць жорсткае рэгуляванне цэн на сацыяльна-значныя прадукты, заявіў прэм'ер-міністр Раман Галоўчанка.

"Уведзена дастаткова жорсткае цэнавае рэгуляванне, яно сябе апраўдала. Мы глядзім на мэтазгоднасць яго падаўжэння або спынення, гэтае пытанне цяпер абмяркоўваецца", - заявіў ён падчас рабочай паездкі ў Брэсцкую вобласць.

Відэа яго выступлення распаўсюдзіла прэс-служба Савета міністраў. Па словах прэм'ера, важнае рашэнне было прынята ў той момант, калі "сусветны рынак харчавання перажывае бум": кошты растуць амаль на ўсе віды прадукцыі.

"Каб гэтыя інфляцыйныя шокі ня пераносіліся ў поўнай меры на наша насельніцтва, мы не дапускаем росту цэн", - падкрэсліў Галоўчанка.

І дадаў, што на прадпрыемствах усіх форм уласнасці дастаткова запасаў мясной прадукцыі, каб цалкам забяспечыць унутраны рынак. Што тычыцца экспарту прадуктаў харчавання, то ён нарошчваецца толькі тады, калі задаволены патрэбнасці ўнутранага рынку.

Жорсткае цэнавое рэгуляванне ў Беларусі

Урад Беларусі ў лютым вырашыў, што з 1 сакавіка змяненне цэн на сацыяльна значныя тавары першай неабходнасці не можа перавышаць 0,2% у месяц. У пералік увайшлі 62 пазіцыі тавараў і прыкладна паўсотні лекаў.

Пастановай міністэрства антыманапольнага рэгулявання і гандлю таксама ўведзена цэнавае рэгуляванне на 18 груп сацыяльна значных тавараў з 1 студзеня па 29 чэрвеня ўключна.

Гэта датычыцца рыбы, мяса і каўбасных вырабаў, мяса курэй і курыных яек, сыроў, сметанковага, сланечнікавага і рапсавага алею, малочных прадуктаў. Таксама ў гэты пералік уваходзяць малако, кефір і смятана, пшанічная мука, хлеб, рыс, грэчка, аўсяныя шматкі, цукар, макароны, шэраг плодаагародніннай прадукцыі і дзіцячае харчаванне.

Чытайце таксама:

20
Тэги:
тавар, Беларусь, прэм'ер, цэны
Які сёння дзень: 16 мая

Які сёння дзень: 16 траўня 2021 года

0
(абноўлена 18:06 13.05.2021)
Гэты дзень з'яўляецца сто трыццаць сёмым па грыгарыянскім календары, да канца года засталося 229 дзён.

Якія падзеі адбыліся 16 траўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 16 траўня

  • У 1674 годзе Ян Сабескі быў абраны каралём польскім і вялікім князем літоўскім.
  • У 1686 годзе паміж Расіяй і Рэччу Паспалітай падпісаны "вечны мір", Расія атрымала Смаленшчыну, Чарнігаўшчыну і Кіеў.
  • У 1889 годзе была ўпершыню апублікавана паэма "Тарас на Парнасе" (у газеце "Минский листок").
  • У 1986 годзе ў Гродна быў адкрыты Дом-музей Максіма Багдановіча.

Хто нарадзіўся 16 траўня

  • 1911 год: Васіль Вітка, класік беларускай дзіцячай літаратуры.
  • 1955 год: Вольга Корбут, гімнастка, чатырохразовая алімпійская чэмпіёнка

Таксама сёння нарадзіліся рускі паэт Ігар Севяранін, паэт і рок-музыкант Юрый Шаўчук і  амерыканская кінаактрыса Меган Фокс.

16 траўня ў народным календары

Сёння праваслаўныя вернікі шануюць памяць пакутнікаў Цімафея і Маўры.

У народзе гэты дзень называлі Маўра Малочніца, таму што ў кароў, якія ўдосталь наеліся травы, з'яўлялася шмат малака.

16 мая лічыцца днём, добрым для высадкі расады капусты ў глебу. У гародзе ўжо з'явілася шчаў'е, крапіва і лебяда – травы, з якіх у Беларусі варылі бацвінне, калі не было капусты.

Калі ў гэты дзень было шмат расы, чакаецца добры ўраджай агуркоў.  

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей