Грашовыя купюры ЗША

Нацбанк патлумачыў, што за указ аб валютных абмежаваннях падпісаў Лукашэнка

36
(абноўлена 16:53 21.04.2021)
Беларускія ўлады запэўніваюць грамадзян, што праводзяць лібералізацыю валютных аперацый, але чамусьці новым законам, які вось-вось уступіць у сілу, прадугледжаны магчымыя абмежаванні на правядзенне аперацый.

МІНСК, 21 кра - Sputnik. Кіраўнік дзяржавы падпісаў указ, які прыводзіць у адпаведнасць з заканадаўствам нормы валютнага рэгулявання, паведамілі ў прэс-службе Нацбанка.

Напярэдадні стала вядома, што Лукашэнка 20 красавіка 2021 года падпісаў указ №154, паводле якога страцілі сілу яго ўласныя ўказы: "Аб некаторых пытаннях у сферы валютнага рэгулявання" і "Аб адмене абавязковага продажу замежнай валюты".

Суцэльныя спрашчэнні і лібералізацыя

У прэс-службе рэгулятара растлумачылі, што гэта трэба для таго, каб выключыць нормы, якія не адпавядаюць новай парадыгме ажыццяўлення аперацый з замежнай валютай у Рэспубліцы Беларусь.

Цяпер яны замацаваны ў новай рэдакцыі закона "Аб валютным рэгуляванні і валютным кантролі", які ўступіць у сілу з 9 ліпеня 2021 года. Навацыя ў заканадаўстве прадугледжвае адмену шэрагу існуючых абмежаванняў і абцяжаранняў пры правядзенні валютных аперацый юрыдычнымі і фізічнымі асобамі.

У Беларусі ў жніўні 2018 года быў фактычна адменены абавязковы продаж замежнай валюты. Таму з заканадаўства выключаюцца нормы, якія рэгламентуюць парадак выкарыстання названага інструмента валютнага рэгулявання.
Таксама адменена права Нацбанка аднаасобна ўсталёўваць дадатковыя патрабаванні да парадку ажыццяўлення рэзідэнтамі бягучых валютных аперацый, а таксама выключаюцца нормы, якія рэгламентуюць працэдуры прыняцця рашэнняў у сферы валютнага рэгулявання.

Калі і што абмяжоўваць

Як раней сцвярджалі у Нацбанку, нягледзячы на замацаванае права ўводзіць абмежаванні, новая рэдакцыя Закона "Аб валютным рэгуляванні і валютным кантролі", якая пачне дзейнічаць з 9 ліпеня 2021 года, у цэлым будзе накіравана на лібералізацыю валютных адносін.

Законам прадугледжаны 5 відаў абмежаванняў:

  • забарона на правядзенне валютных і валютна-абменных аперацый;
  • ліміты на валютныя аперацыі па аб'ёмах, відах валют, рэзерваванне сродкаў;
  • увядзенне патрабавання спецыяльнага дазволу на валютныя аперацыі ад Нацбанка;
  • абавязковы продаж валютнай выручкі юрасобамі;
  • абмежаванні па адкрыцці рахункаў у замежных банках.

У новай рэдакцыі важны наступны момант: там дакладна прапісана, што валютныя абмежаванні можна будзе ўводзіць на тэрмін не больш за адзін год. І толькі ў выпадку ўзнікнення нейкай надзвычайнай сітуацыі, якая стварае пагрозу эканамічнай бяспецы і стабільнасці фінансавай сістэмы краіны.

У артыкуле 7 Закона замацаваны выпадкі такіх пагроз, пазначаныя Дагаворам аб Еўразійскім эканамічным саюзе:

  • узнікненне абставінаў, пры якіх меры лібералізацыі могуць пацягнуць пагаршэнне эканамічнай і фінансавай сітуацыі ў дзяржаве - члене ЕАЭС;
  • негатыўнае развіццё сітуацыі ў плацежным балансе, следствам якога могуць стаць зніжэнне ЗВР ніжэй дапушчальнага ўзроўню;
  • ўзнікненне абставінаў, пры якіх меры лібералізацыі могуць нанесці шкоду інтарэсам бяспекі дзяржавы - члена ЕАЭС;
  • рэзкія ваганні курсу нацыянальнай валюты дзяржавы - члена ЕАЭС.

Што памянялася

Больш важным пазітыўным момантам закона, на думку Нацбанка, стала стварэнне ўмоў для паэтапнай лібералізацыі валютных адносін, у прыватнасці, адмена шэрагу абмежаванняў. Да прыкладу, у перыяд з 2017 па 2019 год былі прынятыя меры па лібералізацыі валютнага рэгулявання.

Так, банкі перасталі патрабаваць пашпартныя дадзеныя пры продажы замежнай валюты фізічным асобам. Для юрыдычных асоб павялічылі тэрміны завяршэння знешнегандлёвых аперацый з 90 да 180 дзён па экспарту і з 60 да 90 дзён па імпарту, а таксама знялі абмежаванні на мэты выкарыстання набытай валюты і адмянілі абавязковы продаж валютнай выручкі для юрыдычных асоб-рэзідэнтаў.

Акрамя гэтага, грамадзяне атрымалі магчымасць свабодна адкрываць рахункі за мяжой, а кампаніі-рэзідэнты могуць праводзіць асобныя валютныя аперацыі, звязаныя з рухам капіталу, без спецыяльнага дазволу Нацбанка.

Для фізічных асоб

У адпаведнасці з новай рэдакцыяй Закона, якая пачне дзейнічаць з 9 ліпеня 2021, самым важным для грамадзян стане адмена дазвольнага парадку правядзення валютных аперацый, звязаных з рухам капіталу. Гэта значыць, каб размясціць дэпазіт у замежным банку, набыць каштоўныя паперы, выпушчаныя прадпрыемствам-нерэзідэнтам, купіць нерухомасць за мяжой, не патрэбны дазвол Нацбанка. Аднак валютны дагавор (калі сума дасягае пэўнага парогавага значэння) трэба будзе самастойна зарэгістраваць на вэб-партале Нацыянальнага банка. На дробныя здзелкі такое патрабаванне распаўсюджвацца не будзе.

Акрамя гэтага, правілы правядзення валютных аперацый паміж блізкімі сваякамі таксама вызначаны зыходзячы з больш ліберальных падыходаў.

Для юрыдычных асоб

Для юрыдычных асоб-рэзідэнтаў таксама адмяняецца дазвольны парадак адкрыцця рахункаў за межамі краіны. Валютныя дамовы, якія прадугледжваюць рух капіталу, зараз будзе неабходна зарэгістраваць на сайце Нацбанка. Тут, як і ў выпадку з фізічнымі асобамі, будуць дзейнічаць пэўныя парогавыя значэння, вышэй за якія рэгістрацыя неабходная.

Прынцыпова змяняюцца і падыходы да рэгулявання тэрмінаў завяршэння знешнегандлёвых кантрактаў і рэпатрыяцыі валютнай выручкі (паступлення яе на рахункі ў беларускія банкі): замест жорсткага нарматыўнага ўстанаўлення тэрмінаў залічэння валютнай выручкі на рахункі кампаніям будзе прадастаўлена права самім вызначаць гэтыя тэрміны і прапісваць іх у дагаворах.

Навошта патрэбны новаўвядзенні

Ўвядзенне валютных абмежаванняў можна разглядаць як меру хуткага рэагавання для змякчэння наступстваў макраэканамічнага шоку, лічаць эксперты.

Нагадаем, што ў 2020-м дэпазіты насельніцтва ў рублях скараціліся больш чым на адзін мільярд, і ў доларах - больш чым на 1,5 мільярда. За пяць гадоў - у перыяд з 2016 да 2020-га - скарачэнне павелічэння валютных дэпазітаў насельніцтва склала амаль 29%.

Па ацэнцы эканамістаў, пры падзенні валютнай выручкі з прычыны зніжэння экспарту і скарачэння грашовых пераводаў з-за мяжы, рэцэсіі беларускай эканомікі, назапашвання таксічных даўгоў і неплацяжоў Нацыянальны банк хоча мець інструменты, якія дазваляюць аператыўна рэагаваць на сённяшнюю сытуацыю попыту на валюту.

"Нацбанк рыхтуе сябе да ролі, якую ён ужо выконваў у канца 2015 - пачатку 2016 гадоў - тады таксама былі ўведзены меры актыўнага рэагавання для таго, каб змякчыць наступствы макраэканамічнага шоку", - распавёў Sputnik беларускі эканаміст Яраслаў Раманчук.

Чытайце таксама:

36
Тэги:
аперацыі, закон, грамадзяне, улада, Аляксандр Лукашэнка, абмежаванне, валюта, Указ, Нацбанк РБ

Якім прагназуецца падаражанне тавараў і паслуг ў 2021 годзе ў Беларусі

33
(абноўлена 20:50 14.05.2021)
Міністэрства антыманапольнага рэгулявання і гандлю (МАРГ) агучыла прагноз па росце цэн на тавары і паслугі ў 2021 годзе. Глядзіце ў інфаграфіцы Sputnik, па якіх пазіцыях і ў якім памеры чакаецца падаражанне.
Прагноз павышэння рэгуляваных коштаў – 2021 у Беларусі
© Sputnik

МАРГ апублікаваў так званы "тарыфны сшытак", у якім адлюстраваны прыкладныя тэрміны росту рэгуляваных дзяржавай коштаў. У прыватнасці, гэта датычыцца праезду ў транспарце, квіткоў на цягнікі, чакаецца і чарговае "пацяжэнне" жыровак.

Згодна з прагнозам ведамства, падаражэць павінна адукацыя (як вышэйшая, так і сярэдне-спецыяльная), мабільная сувязь, электрасувязь, інтэрнэт, паслугі пошты, тытунёвая прадукцыя, алкаголь і шэраг іншых пазіцый.

Міністэрства пры гэтым удакладняе, што рашэнне па змяненні рэгуляваных цэн будзе прымацца, у прыватнасці, зыходзячы з эканамічнай сітуацыі ў краіне, інфляцыі і даходаў беларусаў.

33
Тэги:
інфаграфіка, цэны, прагноз, МАРГ, Беларусь, паслуга, тавар, падаражанне
Новы Боінг Белавія ў нацыянальным аэрапорце

"Белавія" з канца траўня адкрывае новы маршрут у Расію

14
(абноўлена 15:26 15.05.2021)
Новым маршрутам у расійскім напрамку стане сталіца Башкартастана Уфа, рэйсы будуць выконвацца пакуль раз на тыдзень.

МІНСК, 16 тра - Sputnik. Нацыянальная авіякампанія "Белавія" з 31 траўня запускае прамыя рэйсы ва Уфу, расійскі горад стане ўжо дзесятым маршрутам ў карце палётаў беларускага авіяперавозчыка у суседнюю краіну, паведамілі ў прэс-службе авіякампаніі.

Плануецца, што самалёты будуць лятаць з Мінска ў сталіцу Башкартастана і назад адзін раз на тыдзень, рэйсы будуць выконвацца па панядзелках. Цэны на квіткі стартуюць ад 98 еўра па мінімальным тарыфе без багажу, у абодва бакі - ад 183 еўра.

У пачатку месяца беларускі авіяперавозчык запусціў яшчэ два новых рэйса ў расійскім напрамку - у Екацерынбург і Самару.

Што адбываецца з палётамі ў Ізраіль

"Белавія" будзе глядзець па сітуацыі, ці працягваць палёты ў сталіцу Ізраіля ў сувязі з абвастрэннем палесціна-ізраільскага канфлікту, напярэдадні распавялі Sputnik ў авіякампаніі.

Пакуль беларускі авіяперавозчык выконвае палёты ў Тэль-Авіў (аэрапорт Бэн-Гурыён - Sputnik) тры разы на тыдзень: па аўторках, чацвяргах і нядзелях. Бліжэйшы рэйс - у аўторак 18 траўня: на нядзелю 16 траўня ўжо ўсе квіткі раскуплены.

Чытайце таксама:

14
Тэги:
Уфа, сталіца, Расія, "Белавія"
Яблыневы цвет у кроплях дажджу

Сіноптыкі: да сярэдзіны тыдня ў Беларусі адчувальна пахаладае

11
(абноўлена 18:00 17.05.2021)
Пахаладанне ў рэспубліку ў чацвер 20 траўня прынясе цыклон з Украіны - тэмпература паветра месцамі апусціцца да + 10°С.

МІНСК, 17 траўня - Sputnik. Адчувальнае пахаладанне чакаецца ў Беларусі да сярэдзіны гэтага тыдня, паведамілі ў Рэспубліканскім цэнтры па гідраметэаралогіі, кантролі радыёактыўнага забруджвання і маніторынгу навакольнага асяроддзя.

Паводле інфармацыі сіноптыкаў, на аўторак у рэспубліцы абвешчаны жоўты ўзровень небяспекі з-за моцных дажджоў, якія суправаджаюцца навальніцамі, і туманаў. Пры гэтым днём будзе цёпла - да + 21°С, а на паўднёвым усходзе краіны - да + 23°С.

У сераду 19 траўня надвор'е істотна не зменіцца - яго па-ранейшаму будуць вызначаць атмасферныя франты: чакаюцца дажджы з навальніцамі, а днём паветра прагрэецца да + 19°С, на ўсходзе Беларусі - да + 22°С.

Умовы надвор'я пагоршацца ў чацвер 20 траўня: на тэрыторыю рэспублікі прыйдзе халодная частка цыклона з Украіны: зноў пройдуць дажджы, месцамі прагназуецца парывісты вецер, а дзённая тэмпература паветра будзе знаходзіцца ў межах ад +10 да + 17°С.

Чытайце таксама:

11
Тэги:
пахаладанне, Беларусь, сіноптыкі