Клайпедскі марскі порт

Цэны на арэнду ў порце Клайпеды могуць вырасці ў наступным годзе

14
(абноўлена 16:19 28.04.2021)
Даход порта складаюць зборы з заходзячых у яго суднаў, гэта каля 90%, астатняе - плата за арэнду плошчаў.

МІНСК, 28 кра – Sputnik. Міністр транспарту Літвы Марыус Скуодыс абмеркаваў з прадстаўнікамі Літоўскай асацыяцыі марскіх пагрузачных кампаній перагляд арэнднай платы ў порце Клайпеды, паведамляецца ў рэлізе літоўскага Мінтранса.

У прыватнасці, плануецца падняць не толькі стаўкі па арэндзе плошчаў, але і змяніць методыку падліку партовага збору.

"Паколькі дзяржава пастаянна інвесціруе ў мадэрнізацыю набярэжных, належную глыбіню ў акваторыі і ў набярэжных, асабліва важна, каб была створана эфектыўная, празрыстая і якая стварае аднолькавыя канкурэнтныя ўмовы методыка арэнды зямлі. Толькі так мы зможам забяспечыць аддачу інвестыцый, выконваць планы развіцця марскога порта", - паведаміў Скуодыс.

Да 2019 года абароты порта ў Клайпедзе раслі хутчэй, чым іншых гаваняў Балтыйскага мора разам узятых. Пакуль не ішла гаворка пра перанакіраванне патоку беларускіх грузаў у парты Ленінградскай вобласці, доля рэспублікі ў партовым абароце складала 30,5% ад агульнага патоку. Мае Беларусь і 30% акцый тэрмінала насыпных грузаў, які знаходзіцца ў Клайпедскім порце.

Тэрмінал у Расіі

Цяпер жа Беларусь мае намер перанакіроўваць свае грузы праз расійскія парты. Бакі падпісалі пагадненне аб экспарце беларускіх нафтапрадуктаў праз расійскія парты на Балтыцы. Усяго на працягу бліжэйшых трох гадоў плануецца такім чынам пераваліць 9,8 мільёна тон грузаў.

Раней прэзідэнт Беларусі Аляксандр Лукашэнка прапанаваў губернатару Ленвобласці Аляксандру Драздзенку пабудаваць беларускі тэрмінал у адным з расійскіх партоў на Балтыцы. Але губернатар параіў беларускаму лідэру ўкласціся ў тэрмінал, будаўніцтва якога ўжо ідзе, чым пачынаць самастойную будоўлю.

Чытайце таксама:

14
Тэги:
порт, Клайпеда, цэны

Якім прагназуецца падаражанне тавараў і паслуг ў 2021 годзе ў Беларусі

33
(абноўлена 20:50 14.05.2021)
Міністэрства антыманапольнага рэгулявання і гандлю (МАРГ) агучыла прагноз па росце цэн на тавары і паслугі ў 2021 годзе. Глядзіце ў інфаграфіцы Sputnik, па якіх пазіцыях і ў якім памеры чакаецца падаражанне.
Прагноз павышэння рэгуляваных коштаў – 2021 у Беларусі
© Sputnik

МАРГ апублікаваў так званы "тарыфны сшытак", у якім адлюстраваны прыкладныя тэрміны росту рэгуляваных дзяржавай коштаў. У прыватнасці, гэта датычыцца праезду ў транспарце, квіткоў на цягнікі, чакаецца і чарговае "пацяжэнне" жыровак.

Згодна з прагнозам ведамства, падаражэць павінна адукацыя (як вышэйшая, так і сярэдне-спецыяльная), мабільная сувязь, электрасувязь, інтэрнэт, паслугі пошты, тытунёвая прадукцыя, алкаголь і шэраг іншых пазіцый.

Міністэрства пры гэтым удакладняе, што рашэнне па змяненні рэгуляваных цэн будзе прымацца, у прыватнасці, зыходзячы з эканамічнай сітуацыі ў краіне, інфляцыі і даходаў беларусаў.

33
Тэги:
інфаграфіка, цэны, прагноз, МАРГ, Беларусь, паслуга, тавар, падаражанне
Новы Боінг Белавія ў нацыянальным аэрапорце

"Белавія" з канца траўня адкрывае новы маршрут у Расію

14
(абноўлена 15:26 15.05.2021)
Новым маршрутам у расійскім напрамку стане сталіца Башкартастана Уфа, рэйсы будуць выконвацца пакуль раз на тыдзень.

МІНСК, 16 тра - Sputnik. Нацыянальная авіякампанія "Белавія" з 31 траўня запускае прамыя рэйсы ва Уфу, расійскі горад стане ўжо дзесятым маршрутам ў карце палётаў беларускага авіяперавозчыка у суседнюю краіну, паведамілі ў прэс-службе авіякампаніі.

Плануецца, што самалёты будуць лятаць з Мінска ў сталіцу Башкартастана і назад адзін раз на тыдзень, рэйсы будуць выконвацца па панядзелках. Цэны на квіткі стартуюць ад 98 еўра па мінімальным тарыфе без багажу, у абодва бакі - ад 183 еўра.

У пачатку месяца беларускі авіяперавозчык запусціў яшчэ два новых рэйса ў расійскім напрамку - у Екацерынбург і Самару.

Што адбываецца з палётамі ў Ізраіль

"Белавія" будзе глядзець па сітуацыі, ці працягваць палёты ў сталіцу Ізраіля ў сувязі з абвастрэннем палесціна-ізраільскага канфлікту, напярэдадні распавялі Sputnik ў авіякампаніі.

Пакуль беларускі авіяперавозчык выконвае палёты ў Тэль-Авіў (аэрапорт Бэн-Гурыён - Sputnik) тры разы на тыдзень: па аўторках, чацвяргах і нядзелях. Бліжэйшы рэйс - у аўторак 18 траўня: на нядзелю 16 траўня ўжо ўсе квіткі раскуплены.

Чытайце таксама:

14
Тэги:
Уфа, сталіца, Расія, "Белавія"
Яблыневы цвет у кроплях дажджу

Сіноптыкі: да сярэдзіны тыдня ў Беларусі адчувальна пахаладае

11
(абноўлена 18:00 17.05.2021)
Пахаладанне ў рэспубліку ў чацвер 20 траўня прынясе цыклон з Украіны - тэмпература паветра месцамі апусціцца да + 10°С.

МІНСК, 17 траўня - Sputnik. Адчувальнае пахаладанне чакаецца ў Беларусі да сярэдзіны гэтага тыдня, паведамілі ў Рэспубліканскім цэнтры па гідраметэаралогіі, кантролі радыёактыўнага забруджвання і маніторынгу навакольнага асяроддзя.

Паводле інфармацыі сіноптыкаў, на аўторак у рэспубліцы абвешчаны жоўты ўзровень небяспекі з-за моцных дажджоў, якія суправаджаюцца навальніцамі, і туманаў. Пры гэтым днём будзе цёпла - да + 21°С, а на паўднёвым усходзе краіны - да + 23°С.

У сераду 19 траўня надвор'е істотна не зменіцца - яго па-ранейшаму будуць вызначаць атмасферныя франты: чакаюцца дажджы з навальніцамі, а днём паветра прагрэецца да + 19°С, на ўсходзе Беларусі - да + 22°С.

Умовы надвор'я пагоршацца ў чацвер 20 траўня: на тэрыторыю рэспублікі прыйдзе халодная частка цыклона з Украіны: зноў пройдуць дажджы, месцамі прагназуецца парывісты вецер, а дзённая тэмпература паветра будзе знаходзіцца ў межах ад +10 да + 17°С.

Чытайце таксама:

11
Тэги:
пахаладанне, Беларусь, сіноптыкі