Пункт пропуску Брузгі

Збор за выезд за мяжу ў Гродзенскай вобласці пакуль не бяруць

13
(абноўлена 09:30 05.05.2021)
Паводле інфармацыі мясцовых СМІ, рашэнне абласнога Савета дэпутатаў зараз знаходзіцца на ўзгадненні ў міністэрстве юстыцыі.

МІНСК, 5 тра - Sputnik. Мясцовы збор пры выездзе з Беларусі праз наземныя пункты пропуску ў Гродзенскай вобласці пакуль не бяруць, паведамляе тэлеканал "Гродна плюс".

Паводле інфармацыі тэлеканала, рашэнне абласнога Савета дэпутатаў, прынятае 30 сакавіка на выязной сесіі ў Лідзе, ужо ўзгоднена ў Дзяржаўным памежным і Дзяржаўным мытным камітэтах. Зараз дакумент знаходзіцца на ўзгадненні ў міністэрстве юстыцыі, і толькі пасля праходжання гэтай працэдуры стане вядома, калі ён уступіць у сілу, удакладняе тэлеканал.

"Падатак на мяжу"

У абноўленым Падатковым кодэксе, які ўступіў у сілу з 1 студзеня, абласным Саветам дэпутатаў прадастаўлена права ўводзiць мясцовы збор за перасячэнне дзяржаўнай мяжы транспартнымі сродкамі ў пунктах пропуску. Пры гэтым памер стаўкі па меркаванні мясцовых саветаў не можа перавышаць трох базавых велічынь - 87 рублёў.

Першым гэтым правам скарысталіся ў Гродзенскім рэгіёне. Абласны Савет дэпутатаў прыняў адпаведнае рашэнне 30 сакавіка, яно будзе дзейнічаць да 1 студзеня 2023 года.

За выезд з Беларусі трэба будзе заплаціць адну базавую велічыню, на сённяшні дзень гэта 29 беларускіх рублёў.

Сабраныя сродкі пойдуць на барацьбу з каронавірусам, растлумачылі ў аблсавеце.

Максімальная маса аўтамабіля не павінна перавышаць 5 тон. Мясцовы падатак датычыцца ўсіх аўто, якія належаць арганізацыям, фізічным асобам, індывідуальным прадпрымальнікам.

Каму можна не плаціць?

Ад выплаты вызваляюцца:

  • аўтамабілі, на якіх перамяшчаюцца асобы, якія накіроўваюцца на пахаванне членаў сям'і і блізкіх сваякоў, суправаджаючыя памерлых;
  • удзельнікі і інваліды ВАВ;
  • інваліды I і II груп, а таксама асобы, якія іх суправаджаюць;
  • удзельнікі ліквідацыі наступстваў катастрофы на Чарнобыльскай АЭС;
  • асобы, якія выязджаюць на лячэнне ў санаторна-курортныя ўстановы.

Ва ўсіх вышэйпералічаных катэгорый павінны быць дакументы, якія пацвярджаюць мэту паездкі.

Дзе і як выплаціць збор?

Збор пры выездзе за мяжу выплачваецца ў пунктах пропуску, зыходзячы з памеру базавай велічыні, якая дзейнічае на дату выплаты збору. Аплата ў беларускіх рублях.

Распрацоўшчыкі новаўвядзенні рэкамендуюць загадзя патурбавацца аб выплаце збору, асабліва калі выезд за мяжу прыйдзецца на позні вечар ці ноч, паколькі не ўсе банкі і страхавыя кампаніі працуюць на мяжы кругласутачна.

На тэрыторыі Гродзенскай вобласці знаходзяцца пяць пунктаў пропуску на беларуска-літоўскай мяжы і два пункты пропуску на беларуска-польскай мяжы.

Чытайце таксама:

13
Тэги:
Міністэрства юстыцыі Рэспублікі Беларусь, Гродзенская вобласць, мяжа, выезд з Беларусі
БелАЭС

Беларусь гатова экспартаваць электраэнергію ў краіны Балтыі і Украіну

26
(абноўлена 15:07 15.05.2021)
Плануецца, што БелАЭС ў будучыні будзе забяспечваць каля 40 працэнтаў патрэбы краіны ў электраэнергіі.

МІНСК, 15 тра - Sputnik. Беларуская АЭС разлічана ў першую чаргу на ўнутраныя патрэбы ў электраэнергіі, але гатова працаваць і на экспарт, заявіў міністр энергетыкі Віктар Каранкевіч.

Цяпер на першым энергаблоку БелАЭС поўным ходам ідзе апрабаванне абсталявання на намінальнай магутнасці рэактарнай устаноўкі, што з'яўляецца завяршальным этапам доследна-прамысловай эксплуатацыі блока.

"У першую чаргу мы нацэлены на задавальненне ўнутраных патрэб, але калі спатрэбяцца пастаўкі ў краіны Балтыі і Украіну, мы гатовыя іх забяспечыць. Для гэтага ёсць усе тэхнічныя магчымасці", - цытуе міністра агенцтва БелТА.

Пастаўкі на экспарт

Міністр адзначыў, што краіна будуць нарошчваць аб'ёмы вытворчасці электраэнергіі.

"Наша энергасістэма самадастатковая, гэта значыць мы цалкам забяспечваем патрэбы ў электраэнергіі за кошт уласных генерыруючых крыніц, але ёсць і магчымасць пастаўляць на экспарт. З улікам уводу БелАЭС мы будзем мець нарастаючы патэнцыял у тым ліку для мэт экспарту", - сказаў Каранкевіч.

Паводле яго слоў, цяпер электрычная энергія запатрабаваная, і БелАЭС унясе значны ўклад і ў задавальненне растучых патрэб рэальнага сектара эканомікі і насельніцтва. Пры гэтым ён адзначыў магчымасць замяшчэння выкарыстання вуглевадароднага паліва.

Як раней паведамлялася, у мінулым годзе аб'ём спажывання электраэнергіі ў Беларусі склаў 38 млрд кВт.гадз. Да 2025 года прагназуецца рост да 44 млрд кВт.гадз. Плануецца, што БелАЭС будзе забяспечваць каля 40% патрэбы краіны ў электраэнергіі.

Чытайце таксама:

26
Тэги:
Балтыя, Украіна, краіна, БелАЭС, Беларусь
Тэмы:
БелАЭС у Астраўцы
Прэм'ер-міністр Беларусі Раман Галоўчанка

Жорсткае цэнавое рэгуляванне пракаменціраваў прэм'ер Беларусі

20
(абноўлена 09:15 15.05.2021)
Змяненне цэн на сацыяльна-значныя тавары першай неабходнасці ў Беларусі з 1 сакавіка не павінна перавышаць 0,2% у месяц.

МІНСК, 15 тра - Sputnik. Беларускія ўлады пазітыўна ацэньваюць жорсткае рэгуляванне цэн на сацыяльна-значныя прадукты, заявіў прэм'ер-міністр Раман Галоўчанка.

"Уведзена дастаткова жорсткае цэнавае рэгуляванне, яно сябе апраўдала. Мы глядзім на мэтазгоднасць яго падаўжэння або спынення, гэтае пытанне цяпер абмяркоўваецца", - заявіў ён падчас рабочай паездкі ў Брэсцкую вобласць.

Відэа яго выступлення распаўсюдзіла прэс-служба Савета міністраў. Па словах прэм'ера, важнае рашэнне было прынята ў той момант, калі "сусветны рынак харчавання перажывае бум": кошты растуць амаль на ўсе віды прадукцыі.

"Каб гэтыя інфляцыйныя шокі ня пераносіліся ў поўнай меры на наша насельніцтва, мы не дапускаем росту цэн", - падкрэсліў Галоўчанка.

І дадаў, што на прадпрыемствах усіх форм уласнасці дастаткова запасаў мясной прадукцыі, каб цалкам забяспечыць унутраны рынак. Што тычыцца экспарту прадуктаў харчавання, то ён нарошчваецца толькі тады, калі задаволены патрэбнасці ўнутранага рынку.

Жорсткае цэнавое рэгуляванне ў Беларусі

Урад Беларусі ў лютым вырашыў, што з 1 сакавіка змяненне цэн на сацыяльна значныя тавары першай неабходнасці не можа перавышаць 0,2% у месяц. У пералік увайшлі 62 пазіцыі тавараў і прыкладна паўсотні лекаў.

Пастановай міністэрства антыманапольнага рэгулявання і гандлю таксама ўведзена цэнавае рэгуляванне на 18 груп сацыяльна значных тавараў з 1 студзеня па 29 чэрвеня ўключна.

Гэта датычыцца рыбы, мяса і каўбасных вырабаў, мяса курэй і курыных яек, сыроў, сметанковага, сланечнікавага і рапсавага алею, малочных прадуктаў. Таксама ў гэты пералік уваходзяць малако, кефір і смятана, пшанічная мука, хлеб, рыс, грэчка, аўсяныя шматкі, цукар, макароны, шэраг плодаагародніннай прадукцыі і дзіцячае харчаванне.

Чытайце таксама:

20
Тэги:
тавар, Беларусь, прэм'ер, цэны
Які сёння дзень: 16 мая

Які сёння дзень: 16 траўня 2021 года

0
(абноўлена 18:06 13.05.2021)
Гэты дзень з'яўляецца сто трыццаць сёмым па грыгарыянскім календары, да канца года засталося 229 дзён.

Якія падзеі адбыліся 16 траўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 16 траўня

  • У 1674 годзе Ян Сабескі быў абраны каралём польскім і вялікім князем літоўскім.
  • У 1686 годзе паміж Расіяй і Рэччу Паспалітай падпісаны "вечны мір", Расія атрымала Смаленшчыну, Чарнігаўшчыну і Кіеў.
  • У 1889 годзе была ўпершыню апублікавана паэма "Тарас на Парнасе" (у газеце "Минский листок").
  • У 1986 годзе ў Гродна быў адкрыты Дом-музей Максіма Багдановіча.

Хто нарадзіўся 16 траўня

  • 1911 год: Васіль Вітка, класік беларускай дзіцячай літаратуры.
  • 1955 год: Вольга Корбут, гімнастка, чатырохразовая алімпійская чэмпіёнка

Таксама сёння нарадзіліся рускі паэт Ігар Севяранін, паэт і рок-музыкант Юрый Шаўчук і  амерыканская кінаактрыса Меган Фокс.

16 траўня ў народным календары

Сёння праваслаўныя вернікі шануюць памяць пакутнікаў Цімафея і Маўры.

У народзе гэты дзень называлі Маўра Малочніца, таму што ў кароў, якія ўдосталь наеліся травы, з'яўлялася шмат малака.

16 мая лічыцца днём, добрым для высадкі расады капусты ў глебу. У гародзе ўжо з'явілася шчаў'е, крапіва і лебяда – травы, з якіх у Беларусі варылі бацвінне, калі не было капусты.

Калі ў гэты дзень было шмат расы, чакаецца добры ўраджай агуркоў.  

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей