Нацыянальны банк Беларусі

Нацбанк выпусціць памятныя манеты ў гонар трох беларускіх пісьменнікаў

10
(абноўлена 10:35 06.05.2021)
Памятныя манеты выпусцяць наміналам 1 і 20 рублёў, імі можна будзе разлічвацца пры ўсіх відах плацяжоў без усялякіх абмежаванняў.

МІНСК, 6 тра - Sputnik. Нацыянальны банк Беларусі выпусціць у абарачэнне памятныя манеты да юбілеяў класікаў літаратуры Кандрата Крапівы, Івана Мележа і Івана Шамякіна, адпаведная пастанова рэгулятара №109 ад 27 красавіка апублікавана на Нацыянальным прававым інтэрнэт-партале.

Сярэбраныя манеты "Кандрат Крапіва. 125 гадоў", "Іван Мележ. 100 гадоў" і "Іван Шамякін. 100 гадоў" выйдуць накладам 699 штук і наміналам 20 беларускіх рублёў.

Таксама ў гонар пісьменнікаў выпусцяць медна-нікелевыя манеты - наміналам у 1 рубель. Тыраж ва ўсіх аднолькавы - 1599 штук. Манеты выйдуць у зварот 25 траўня. Дарэчы, яны з'яўляюцца законным плацёжным сродкам на тэрыторыі Беларусі. Імі можна разлічвацца пры ўсіх відах плацяжоў без усялякіх абмежаванняў.

Пастанова ўступіць у сілу пасля апублікавання.

Раней Нацбанк выпусціў у абарачэнне памятныя манеты "Нацыянальны акадэмічны тэатр імя Янкі Купалы. 100 год" і "Фердынанд Рушчыц. 150 год", а таксама яшчэ 12 новых памятных манет.

Чытайце таксама:

10
Тэги:
абмежаванне, пісьменнікі, манеты, Нацбанк РБ
Манетніца з беларускімі грашыма

Белстат назваў сярэднюю зарплату медыкаў у 2020 годзе

8
(абноўлена 21:42 20.06.2021)
Белстат апублікаваў агляд з нагоды Дня медыцынскіх работнікаў, які адзначаюць у Беларусі ў трэцюю нядзелю чэрвеня.

МІНСК, 21 чэр - Sputnik. Сярэдні заробак работнікаў аховы здароўя ў 2020-м годзе склаў 1144,1 беларускіх рублёў, паведамілі ў прэс-службе Нацыянальнага статыстычнага камітэта рэспублікі.

У Белстаце падкрэслілі, што ў параўнанні з 2019-м годам яна стала больш на 30,7%.

Пры гэтым для лекараў гэты паказчык роўны 1881,1 рублі, для сярэдняга медперсаналу - 1175,4. Усяго ў Беларусі па стане на 1 студзеня бягучага года працавалі 55,8 тысяч лекараў-спецыялістаў, з іх 43,1 тысячы - практыкуючых лекараў і 125,4 тысяч сярэдніх медыцынскіх работнікаў. Сярэдні ўзрост беларускага лекара - 42,4 гады.

Больш за ўсё лекары заняты ў тэрапеўтычнай галіне - 33%, хірургіяй займаюцца 24,4%, медыка-дыягнастычнай галіне сябе прысвяцілі 13,3%, а 7,3% - педыятрыі.

У беларускай сталіцы на 10 тысяч чалавек прыпадае 61 лекар: мяркуючы па статыстыцы, гэта самы забяспечаны медыкамі горад. У Мінскай вобласці гэты паказчык роўны 34 спецыялісты на 10 тысяч жыхароў.

Экспарт медпаслуг

За мінулы год Беларусь экспартавала медпаслугі на суму $33,4 мільёны. Больш за ўсё медпаслугамі карысталіся грамадзяне Украіны, Расіі, Казахстана, ЗША, Азербайджана, Кітая і Туркменістана.

Чытайце таксама:

8
Тэги:
Беларусь, медык, Белстат

Пасяджэнне Эканамічнага савета краін СНД - відэа

14
(абноўлена 20:07 18.06.2021)
Кіраўнікі дэлегацый краін Садружнасці абмяркоўвалі пытанні, якія ахопліваюць розныя сферы эканамічнага супрацоўніцтва дзяржаў-удзельніц СНД. Глядзіце на відэа 90-е пасяджэнне Эканамічнага савета СНД.

У парадак дня пасяджэння, у прыватнасці, было ўключана пытанне аб стварэнні гандлёва-выставачных цэнтраў краін СНД на тэрыторыі ВДНГ у Маскве.

У цяперашні час на тэрыторыі ВДНГ дзейнічаюць павільёны Азербайджана, Арменіі, Беларусі, таксама ў тэставым рэжыме адкрыты павільён Малдовы. Мяркуецца, што ўжо ў гэтым годзе пачнуць працаваць павільёны Казахстана, Кыргызстана і Узбекістана.

Плануецца, што гэтыя цэнтры прымуць актыўны ўдзел у правядзенні мерапрыемстваў, якія прысвечаны 30-гадоваму юбілею СНД, які адзначаецца ў гэтым годзе.

Чытайце таксама:

14
Тэги:
відэа, СНД, Эканамічны савет краін СНД, пасяджэнне
Прэзідэнт Расіі Уладзімір Пуцін

Пуцін падрыхтаваў артыкул да 80-годдзя пачатку Вялікай Айчыннай

6
(абноўлена 09:03 21.06.2021)
Матэрыял за аўтарствам прэзідэнта РФ да адной з журботных дат у сусветнай гісторыі выйдзе ў адным з нямецкіх выданняў.

МІНСК, 21 чэр - Sputnik. Прэзідэнт РФ Уладзімір Пуцін падрыхтаваў артыкул да 80-годдзя пачатку Вялікай Айчыннай, паведамілі напярэдадні на тэлеканале Расія 1.

Матэрыял за аўтарствам прэзідэнта РФ да адной з журботных дат у сусветнай гісторыі выйдзе ў адным з нямецкіх выданняў.

Таксама 22 чэрвеня, у Дзень памяці і смутку, Пуцін ускладзе кветкі да Магілы Невядомага салдата і выступіць з прамовай.

У панядзелак, 21 чэрвеня, ён сустрэнецца ў Крамлі з дэпутатамі Дзярждумы, а на тыдні правядзе нараду з членамі ўрада.

Чытайце таксама:

6
Тэги:
прэзідэнт, Вялікая Айчынная вайна, артыкул, Уладзімір Пуцін