Міністр энергетыкі РБ Уладзімір Каранкевіч

Мінэнерга: фізічны пуск другога энергаблока БелАЭС плануецца восенню

14
(абноўлена 11:31 20.05.2021)
Свежае ядзернае паліва ўжо дастаўлена на пляцоўку Беларускай атамнай станцыі і ўвосень плануецца яго загрузка ў другі энергаблок.

МІНСК, 20 тра - Sputnik. Фізічны пуск другога энергаблока БелАЭС плануецца восенню гэтага года, сказаў міністр энергетыкі Беларусі Віктар Каранкевіч на маладзёжным форуме "ProAtom", перадае карэспандэнт Sputnik.

Паводле яго слоў, на першым энергаблоку зараз ідзе комплекснае апрабаванне абсталявання на намінальныя магутнасці рэактарнай устаноўкі. Гэтыя работы будуць ісці на працягу 15 сутак.

"Гэта завяршальны этап доследна-прамысловай эксплуатацыі", - канстатаваў міністр энергетыкі.

Пасля чаго дадаў, што на другім энергаблоку работы вядуцца ў адпаведнасці з графікам. Агульная будаўнічая гатоўнасць другога энергаблока - 85%.

Віктар Каранкевіч нагадаў, што ў красавіку гэтага года на пляцоўку БелАЭС былі дастаўлены цеплавыдзяляльныя зборкі са свежым ядзерным палівам для загрузкі ў другі рэактар.

"Цяпер яна знаходзіцца ў спецыяльным сховішчы і ўвосень плануецца загрузка ў актыўную зону рэактарнай устаноўкі і гэта будзе чарговы важны этап - фізічны пуск", - распавёў ён.

У адказ на ўдакладняючае пытанне карэспандэнта Sputnik азначае гэта, што на восень гэтага года запланаваны фізічны пуск другога энергаблока, міністр адказаў: "так дакладна".

Пры гэтым Віктар Каранкевіч адзначыў, што з моманту першай выдачы электрычнай энергіі БелАЭС ў сетку ўжо выраблена каля 2,3 млрд кВт/Г, што супастаўвіма з гадавым аб'ёмам спажывання Беларускага металургічнага завода.

З уводам атамнай электрастанцыі плануецца вытворчасць 18 млрд кВт/г. "Гэта дасць магчымасць задаволіць патрэбнасці краіны на 40%", - падкрэсліў міністр энергетыкі.

Пасля чаго дадаў, што ў гэтай пяцігодцы плануецца павялічыць спажыванне электрычнай энергіі. "Да 2025 года мы плануем выйсці на лічбы каля 44 млрд кВт/Г спажывання ў цэлым па краіне. У 2020 годзе аб'ём спажывання склаў 38 млрд кВт/Г", - рэзюмаваў міністр энергетыкі Беларусі.

Чытайце таксама:

14
Тэги:
паліва, БелАЭС, энергаблок, Міністэрства энергетыкі РБ
Манетніца з беларускімі грашыма

Белстат назваў сярэднюю зарплату медыкаў у 2020 годзе

8
(абноўлена 21:42 20.06.2021)
Белстат апублікаваў агляд з нагоды Дня медыцынскіх работнікаў, які адзначаюць у Беларусі ў трэцюю нядзелю чэрвеня.

МІНСК, 21 чэр - Sputnik. Сярэдні заробак работнікаў аховы здароўя ў 2020-м годзе склаў 1144,1 беларускіх рублёў, паведамілі ў прэс-службе Нацыянальнага статыстычнага камітэта рэспублікі.

У Белстаце падкрэслілі, што ў параўнанні з 2019-м годам яна стала больш на 30,7%.

Пры гэтым для лекараў гэты паказчык роўны 1881,1 рублі, для сярэдняга медперсаналу - 1175,4. Усяго ў Беларусі па стане на 1 студзеня бягучага года працавалі 55,8 тысяч лекараў-спецыялістаў, з іх 43,1 тысячы - практыкуючых лекараў і 125,4 тысяч сярэдніх медыцынскіх работнікаў. Сярэдні ўзрост беларускага лекара - 42,4 гады.

Больш за ўсё лекары заняты ў тэрапеўтычнай галіне - 33%, хірургіяй займаюцца 24,4%, медыка-дыягнастычнай галіне сябе прысвяцілі 13,3%, а 7,3% - педыятрыі.

У беларускай сталіцы на 10 тысяч чалавек прыпадае 61 лекар: мяркуючы па статыстыцы, гэта самы забяспечаны медыкамі горад. У Мінскай вобласці гэты паказчык роўны 34 спецыялісты на 10 тысяч жыхароў.

Экспарт медпаслуг

За мінулы год Беларусь экспартавала медпаслугі на суму $33,4 мільёны. Больш за ўсё медпаслугамі карысталіся грамадзяне Украіны, Расіі, Казахстана, ЗША, Азербайджана, Кітая і Туркменістана.

Чытайце таксама:

8
Тэги:
Беларусь, медык, Белстат

Пасяджэнне Эканамічнага савета краін СНД - відэа

14
(абноўлена 20:07 18.06.2021)
Кіраўнікі дэлегацый краін Садружнасці абмяркоўвалі пытанні, якія ахопліваюць розныя сферы эканамічнага супрацоўніцтва дзяржаў-удзельніц СНД. Глядзіце на відэа 90-е пасяджэнне Эканамічнага савета СНД.

У парадак дня пасяджэння, у прыватнасці, было ўключана пытанне аб стварэнні гандлёва-выставачных цэнтраў краін СНД на тэрыторыі ВДНГ у Маскве.

У цяперашні час на тэрыторыі ВДНГ дзейнічаюць павільёны Азербайджана, Арменіі, Беларусі, таксама ў тэставым рэжыме адкрыты павільён Малдовы. Мяркуецца, што ўжо ў гэтым годзе пачнуць працаваць павільёны Казахстана, Кыргызстана і Узбекістана.

Плануецца, што гэтыя цэнтры прымуць актыўны ўдзел у правядзенні мерапрыемстваў, якія прысвечаны 30-гадоваму юбілею СНД, які адзначаецца ў гэтым годзе.

Чытайце таксама:

14
Тэги:
відэа, СНД, Эканамічны савет краін СНД, пасяджэнне
Прэзідэнт Расіі Уладзімір Пуцін

Пуцін падрыхтаваў артыкул да 80-годдзя пачатку Вялікай Айчыннай

0
(абноўлена 09:03 21.06.2021)
Матэрыял за аўтарствам прэзідэнта РФ да адной з журботных дат у сусветнай гісторыі выйдзе ў адным з нямецкіх выданняў.

МІНСК, 21 чэр - Sputnik. Прэзідэнт РФ Уладзімір Пуцін падрыхтаваў артыкул да 80-годдзя пачатку Вялікай Айчыннай, паведамілі напярэдадні на тэлеканале Расія 1.

Матэрыял за аўтарствам прэзідэнта РФ да адной з журботных дат у сусветнай гісторыі выйдзе ў адным з нямецкіх выданняў.

Таксама 22 чэрвеня, у Дзень памяці і смутку, Пуцін ускладзе кветкі да Магілы Невядомага салдата і выступіць з прамовай.

У панядзелак, 21 чэрвеня, ён сустрэнецца ў Крамлі з дэпутатамі Дзярждумы, а на тыдні правядзе нараду з членамі ўрада.

Чытайце таксама:

0
Тэги:
прэзідэнт, Вялікая Айчынная вайна, артыкул, Уладзімір Пуцін