Композитор Эдуард Ханок

Аўтар тэорыі творчых хваляў, кампазітар, які расчараваўся. Ханку - 75

68
(абноўлена 12:56 21.04.2015)
Аўтар музыкі да мноства савецкіх хітоў і асабістай тэорыі выжывання ў шоу-бізнэсе жыве па сваёй уласнай тэорыі - мяняе хвалі.

Вера Дашкевіч, Sputnik

Эдуард Ханок нарадзіўся 18 красавіка 1940 года ў Казахстане ў сям'і ваеннага, школу скончыў у Брэсце, потым кансерваторыю ў Маскве. Сваю лепшую музыку пісаў пераважна ў Мінску. Савецкія "Песняры", "Верасы" і "Сябры" набывалі ўсесаюзную вядомасць дзякуючы, у тым ліку, і яго песням. Ханок напісаў музыку да такіх шлягераў як "Лягу, прылягу", "Малінаўка", "Завіруха" і шмат іншых. А напрыканцы 1980-х раптоўна захапіўся навуковай дзейнасць, стаў працаваць над "Тэорыяй творчых хваляў".

Усхваляваў Пугачову

Першыя навуковыя даследванні Ханка былі апублікаваны ў кнізе "Пу-га-чоў-шчы-на!" і выклікалі скандал. Аб'ект даследвання паскаскардзілася не на жарт. Кампазітару нават давялося пазней прасіць прабачэння, але ён прягцягнуў займацца сваёй навуковай дзейнасцю. Ён перакананы, што выжыць ва ўмовах творчай прафесіі можа толькі сёрфінгіст — той, хто можа рабіць хвалі. Па разліках Ханка заставацца папулярным таленавіты артыст  можа не больш за пяць гадоў запар.

"Калі ў цябе не закладзена хваляў, ты з адной хваляй, то можаш толькі сесці на тую хвалю, якая засталася. Калі ж і далей ты хочаш быць папулярным, трэба ці змяніць від дзейнасці, ці знайсці такую "фішку", якая будзе трымаць цябе і далей", — растлумачыў вучоны-кампазітар.

У выпадку з Алай Барысаўнай такой "фішкай" сталі яе шматлікія мужчыны. Сваю тэорыю Эдуард Ханок развіў ужо ў некалькіх кнігах і нават пытаўся аформіць у дэсіртацыю. Складаў і збіраў для яе хваляграмы знакамітых людзей.

У пошуках асабістай хвалі

Быццам па сваёй уласнай тэорыі, ён за апошнія 30 год змяніў шмат шмат відаў дзейнасць. Спрабаваў сябе ў навуковай працы, балатаваўся ў Дзярждуму Расіі ад Народнай партыі Генадзя Райкова, але партыя не пераадолела 5-працэнтны бар'ер. Эдуард Ханок шчаслівы ўладальнік двух пашпартаў — расійскага і беларускага. Працаваў дзяржслужачым —  некалькі гадоў быў памочнікам дэпутата Іосіфа Кабзона. А потым вярнуўся на Беларусь і зноў пачаў займацца творчасцю.

Ці будуць шлягеры?

Музыку Ханок піша і сёння, але толькі на заказ. Моцных шлягераў не атрымоўваецца. Магчыма таму, што ён вырашыў для сябе: пісаць музыку — гэта не яго праца. Аб гэтым ён сказаў напярэдадні свайго 70-гадовага юбілея ў інтэрв'ю "Народнай воле". Ён марыў пра папулярнасць, якая даставалася артыстам.

"Ты ж не будзеш кожны дзень хадзіць да ўсіх і казаць: я гэта напісаў! Скажуць, што звар'яцеў. Сёння прафесія кампазітара- песенніка ні маральна, ні матэрыяльна амаль нічога не дае. Імёны кампазітараў ужо ніхто не абвяшчае. Напрыклад, маёй песняй "Служу Расіі" адкрываюць і закрываюць шматлікія канцэрты, але нідзе не кажуць пра аўтараў. Менавіта таму гэта прафесія і губляе свой сэнс", — кажа Эдуард Ханок.

Да таго ж у пэўны момант ён зразумеў, што ёсць кампазітары і памацней за яго, напрыклад, Пахмутава, Паулс і Шаінскі.

У 75 жыццё толькі пачынаецца

Юбілейную дату Ханок сустрэў за работай: яго запрасілі ў склад журы аднаго з песенных конкурсаў, які зараз праходзіць у Падмаскоўі. На пытанне аб стане здароўя кажа, што ў свае 75 адчувае сябе лепш, чым паўвека назад. Ні дачы, ні машыны ён не мае, але лічыць сябе забяспечаным чалавекам. Любіць хадзіць пешшу і кажа, што яго сапраўднае жыццё пачынаецца толькі зараз.

68
Тэги:
Эдуард Ханок, Масква, Мінск
Які сёння дзень: 3 снежня 2020 года

Які сёння дзень: 3 снежня 2020 года

131
(абноўлена 10:23 30.11.2020)
Гэты дзень з'яўляецца трыста трыццаць восьмым па грыгарыянскім календары, да канца года застаецца 28 дзён.

Сёння адзначаецца Міжнародны дзень інвалідаў. Якія яшчэ падзеі адбыліся 3 снежня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 3 снежня

  • У 1918 годзе Рада і Урад Беларускай Народнай Рэспублікі пакідаюць Мінск.

Хто нарадзіўся 3 снежня

  • 1907 год: Рыгор Крушына, беларускі паэт.
  • 1926 год: Янка Юхнавец, беларускі паэт.

Таксама сёння нарадзіліся дзіцячы псіхолаг Ганна Фрэйд і заснавальнік гурта Black Sabbath Озі Осбарн.

3 снежня ў народным календары

У гэты дзень праваслаўныя вернікі шануюць памяць архіепіскапа Канстанцінопальскага Прокла, які быў вучнем свяціцеля Іаана Златавуста.

У гэты дзень у народзе замаўлялі нячысцікаў, каб яны ўсю зіму хаваліся ў норах. Нечысць увогуле не любіць холад, таму лічылася, што калі ўжо яна з'яўлялася ўзімку, то была асабліва злая.

Калі птушкі хаваюцца пад страху, будзе завіруха. Уначы і рана раніцай ішоў снег – наступныя некалькі дзён будуць ясныя.  

131
Тэги:
народны каляндар, які сёння дзень
Тэмы:
Які сёння дзень: каляндар знакавых падзей
Зіма

Які сёння дзень: 2 снежня 2020 года

153
(абноўлена 10:22 30.11.2020)
Гэты дзень з'яўляецца трыста трыццаць сёмым па грыгарыянскім календары, да канца года застаецца 29 дзён.

Сёння адзначаецца Міжнародны дзень барацьбы за адмену рабства. Якія яшчэ падзеі адбыліся 2 снежня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 2 снежня

  • У 1936 годзе польскія ўлады забаранілі дзейнасць Таварыства беларускай школы.

Хто нарадзіўся 2 снежня

  • 1612 год: Януш Крыштаф Радзівіл, вялікалітоўскі вайсковы і дзяржаўны дзеяч.
  • 1879 год: Фелікс Стацкевіч, беларускі грамадскі і культурны дзеяч.
  • 1902 год: Анатоль Вольны, беларускі паэт, празаік, кінадраматург, журналіст.

Таксама сёння нарадзіліся нямецкі мастак і графік Ота Дзікс, оперная спявачка Марыя Калас, італьянскі мадэльер Джані Версачэ і амерыканская спявачка Брытні Спірс.

2 снежня ў народным календары

Сёння праваслаўныя вернікі шануюць памяць прарока Аўдзея. У народзе яго лічылі ахоўнікам  хатняй гаспадаркі і сямейнага шчасця і называлі Аўдзей-заступнік.

У гэты дзень імкнуліся без неабходнасці не выходзіць з хаты, таму што верылі, што нячысцікі становяцца асабліва агрэсіўнымі. Збіраліся каля цёплай печы, пілі гарбату з мёдам, якая, да таго ж, выдатна абараняе ад хвароб. А каб нячысцікі не сунуліся ў хату, гаспадар абыходзіў усе вокны і дзверы злёгку стукаў па рамах і касяках тапаром.

Калі 2 снежня ідзе снег і дзьмуе моцны вецер, зіма будзе халодная, а вясна позняя. Калі ў гэты дзень ясна, хутка будзе мароз, а калі пахмурна – адліга.

153
Тэги:
народны каляндар, які сёння дзень
Тэмы:
Які сёння дзень: каляндар знакавых падзей
Праца марскога гандлёвага порта Усць-Луга

Чаму Беларусі выгадна экспартаваць угнаенні праз Расію?

0
(абноўлена 15:36 03.12.2020)
Як абсталяванне новага тэрмінала "Ультрамар" у Ленінградскай вобласці дазволіць паскорыць апрацоўку беларускіх угнаенняў для іх далейшай транспарціроўкі, разбіралася карэспандэнт Sputnik Данара Курманава.

Мінск і Масква працягваюць перамовы аб перакіданні беларускага грузапатоку з партоў Латвіі і Літвы ў Расію. У канцы кастрычніка беларуская дэлегацыя на чале з першым намеснікам прэм'ер-міністра рэспублікі Мікалаем Снапковым наведала Ленінградскую вобласць, дзе ў порце Усць-Луга будуюцца адразу некалькі тэрміналаў па перавалцы грузаў. Адзін з іх - гэта тэрмінал "Ультрамар" па адгрузцы мінеральных угнаенняў. Sputnik разбіраўся, чым прывабная гэтая інфраструктура для кампаній Беларусі і як яна можа паўплываць на экспарт хімічнай прадукцыі.

Беларускія ўгнаенні стануць яшчэ больш запатрабаванымі

Мінеральныя ўгнаенні - адна з ключавых катэгорый беларускага экспарту. Пра гэта сведчаць лічбы: па ацэнцы самога прадпрыемства, "Беларуськалій" выпускае кожную шостую тону калійных угнаенняў у свеце. У чэрвені гэтага года кампанія ўстанавіла рэкорд, даслаўшы на экспарт больш за мільён тон калійных угнаенняў, што амаль на 17% вышэй за паказчыкі за аналагічны перыяд 2019-га.

Як прагназуе Міжнародная асацыяцыя вытворцаў угнаенняў, да 2022 года попыт на ўгнаенні толькі павялічыцца - у калійным сегменце ён павінен скласці каля 2% у год. Прычына меркаванага павышэння попыту простая - людзей на планеце становіцца ўсё больш, і ўсім ім трэба нешта есці, а для вырошчвання ўраджаю неабходныя ўгнаенні.

Нядзіўна, што асноўнымі спажыўцамі беларускіх калійных угнаенняў з'яўляюцца густанаселеныя краіны. Так, па дадзеных Нацыянальнага статыстычнага камітэта рэспублікі (Белстата), Кітай са студзеня па жнівень бягучага года закупіў у Беларусі ўгнаенні на суму 181,6 мільёна долараў, Індыя - амаль на 175 мільёнаў, а Бразілія - ​​на 368,7 мільёна.

Хуткасць апрацоўкі грузаў павінна расці

Кампанія "Ультрамар" - найбуйнейшы ў Расіі экспедытар мінеральных угнаенняў, і у 2019 годзе яна пачала будаўніцтва спецыялізаванага тэрмінала.

Першы грузавы састаў прыбыў ва "Ультрамар" у чэрвені 2020 года. Да канца года тэрмінал чакае прыняць каля мільёна тон акатышаў і угнаенняў, а затым - працаваць на прырост грузаў.

Партнёрамі тэрмінала ўжо сталі такія буйныя кампаніі, як "ФосАгра" і "Металаінвест", распавёў у інтэрв'ю Baltnews дырэктар па развіцці ТАА "Ультрамар" Віктар Гешэле. А ў найбліжэйшай будучыні супрацоўнічаць з "Ультрамарам" плануюць іншыя пастаўшчыкі мінеральных угнаенняў - Уралхім, Уралкалій, Акрон і Еўрахім.

"І атрымліваецца, што на наступны год мы будзем толькі расці. І задача першага этапу рэалізацыі праекта - выйсці на 12 мільёнаў тон (перавалкі - рэд.) у год", - паведаміў Гешэле.

На яго думку, новы тэрмінал прывабны для пастаўшчыкоў угнаенняў у сілу інавацыйных тэхналогій, якія павялічваюць хуткасць апрацоўкі грузаў.

Максімальны камфорт для Беларусі

"Ультрамар" можа быць прывабным для Беларусі сваім зручным размяшчэннем, лічыць Віктар Гешэле.

"Наш тэрмінал размешчаны вельмі ўдала. У нас адбылася сапраўдная сінэргія. Калі б не было каласальных інвестыцый у жалезныя дарогі, якія дазволілі пабудаваць новыя магутнасці па транспарціроўцы вагонаў на дадзеную тэрыторыю, калі б мы не стварылі ўмовы, стварыўшы новую чыгуначную станцыю самастойна - гэтаму праекту не быць ", - распавёў ён.

У сваю чаргу, пагадненне з Беларуссю па пераарыентыроўцы грузаў будзе выгадна і для самога "Ультрамара". Кампанія выступае за супрацоўніцтва з любым пастаўшчыком грузаў, падкрэсліў Віктар Гешэле. "Павінна быць эканамічная мэтазгоднасць як нашага кліента, так і нас у працэсе гэтай працы. Таму што мы абмежаваныя сваёй нормай прыбытку, рэнтабельнасцю, вяртаннем сродкаў банкам, выплатай працэнтаў падаткаў і ўсяго іншага. І вось калі мы месціць у схему бюджэту, то грузы могуць паехаць сюды хоць з Японіі", - сказаў на заканчэнне ён.

0
Тэги:
Расія, Беларусь
Тэмы:
Саюзная дзяржава Беларусі і Расіі