У Мінску адкрылі мемарыяльны комплекс “Трасцянец”

© Sputnik / Виктор ТолочкоПерад адкрыццём мемарыяльнага комплекса ў Трасцянцэ
Перад адкрыццём мемарыяльнага комплекса ў Трасцянцэ - Sputnik Беларусь
Падпісацца
Мітынг-рэквіем завершыўся звонавым перазвонам, а дзеці выпусцілі у неба галубоў.

МІНСК, 23 — Sputnik. У беларускай сталіцы адбыўся мітынг-рэквіем "Брама памяці", прысвечаны адкрыццю мемарыяльнага комплексу "Трасцянец", на мерапрыемстве прысутнічаў прэзідэнт Беларусі Аляксандр Лукашэнка, паведаміў карэспандэнт Sputnik.

"Такія помнікі напамін пра вайну і павінны быць скіраваны ў будучыню і тым больш у сённяшні дзень. На густанаселенай планеце няма месца войнам, а тым больш у Еўропе", — сказаў Лукашэнка, выступаючы ў панядзелак на мітынгу-рэквіеме "Брама памяці", прысвечанаму адкрыцця гэтага мемарыяла.

Вялікая колькасць мінчан, сярод якіх як пажылыя грамадзяне, так і моладзь, а таксама бацькі з дзецьмі прыйшлі да месца правядзення мітынгу.

Трасцянец — адзін з найбуйнейшых нямецкіх канцлагераў ў Еўропе — чацвёрты па колькасці ахвяр пасля Асвенцыма, Майданека і Трэблінкі. Афіцыйная лічба абвяшчае, што ў Трасцянцы загінула 206,5 тысячы чалавек. Але ёсць і іншыя дадзеныя. Па выніках першых аглядаў пахаванняў і расследавання нямецкіх злачынстваў Мінская абласная камісія ў ліпені 1944 прыйшла да высновы, што за няпоўныя тры гады ў канцлагеры загінулі 546 тысяч чалавек. Памяць пра іх да апошняга часу была ўвекавечана двума невялікімі абеліскамі.

Стужка навiн
0