Макі

Эфект "Матылька" вершы Яўгеніі Янішчыц спявае Таццяна Беланогая

202
(абноўлена 12:42 20.05.2016)
Выйшаў дыск, які знаўцы лічаць ўнікальным: музыка, высокая паэзія і фатаздымкі з архіва паэткі, якую называюць "палескай ластаўкай".

МІНСК, 19 мая — Sputnik. Альбом "Матылёк" — плён шматгадовай працы барда Таццяны Беланогай, які з поўным правам можна назваць унікальным: пад дызайнерскай вокладкай змяшчаюцца музыка, высокая паэзія і фотаздымкі з архіва Яўгеніі Янішчыц, якую называюць "палескай ластаўкай". Альбом, што пабачыў свет дзякуючы кампаніі "Будзьма беларусамі!", ужо ў продажы.

Вокладка дыска
© Sputnik
Вокладка дыска

Выданне ўключае не толькі 28 песень Таццяны Беланогай на вершы Яўгеніі Янішчыц, але і рарытэт — аўдыёзапісы 66 вершаў паэткі ў аўтарскім выкананні з залатой калекцыі Белтэлерадыёкампаніі.

Трапныя словы ў правільным парадку, праспяваныя пад аўтарскую музыку, завабліваюць у космас далікатных пачуццяў не толькі паэткі, але і самой выканаўцы, запрашаючы ў сусвет тонкага светаўспрымання і любові ва ўсіх яе праявах.

Розныя па настроі і змесце, песні распавядаюць пра складаную і шырокую палітру пачуццяў простай музычнай мовай і дакладнымі паэтычнымі фармулёўкамі, ствараючы ва ўспрыманні ўважлівага слухача сапраўдны эфект "Матылька"

Дыск можна набыць у крамах "Акадэмічная кніга", этнацэнтры "Рагна" кнігарні "ЛогвінаЎ", (г. Мінск) і ў інтэрнэт-краме knihi.by

Яўгенія Янішчыц (20 лістапада 1948, в — 25 лістапада 1988) — беларуская паэтка, перакладчыца. Лаўрэат Дзяржаўнай прэміі БССР імя Янкі Купалы (1986) за кнігу лірыкі "Пара любові і жалю". Паэтычную спадчыну Яўгеніі Янішчыц літаратуразнаўцы называюць адной з самых яскравых і таленавітых старонак беларускай літаратуры другой паловы XX стагоддзя.

 

202
Тэги:
музычная падзея, Мастацкая літаратура, культура і мастацтва, Беларусь
Дабравешчанне

Які сёння дзень: 7 красавіка 2020 года

72
(абноўлена 15:39 06.04.2020)
Гэты дзень з'яўляецца дзевяноста восьмым па грыгарыянскім календары, да канца года засталося 268 дзён.

Сёння праваслаўныя вернікі святкуюць Дабравешчанне. Якія яшчэ падзеі адбыліся 7 красавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 7 красавіка

  • У 1992 годзе Беларусь устанавіла дыпламатычныя адносіны з Латвіяй.

Хто нарадзіўся 7 красавіка

  • 1947 год: Валерый Славук, беларускі мастак.

Таксама сёння нарадзіліся французскі паэт Шарль Бадлер, амерыканская джазавая спявачка Білі Холідэй, амерыканскі кінарэжысёр Фрэнсіс Форд Копала і ганконгскі і амерыканскі акцёр Джэкі Чан.

7 красавіка ў народным календары

Сёння праваслаўныя вернікі святкуюць Дабравешчанне Прасвятой Багародзіцы. У гэты дзень архангел Гаўрыіл прыйшоў да Марыі са звесткай, што яна прывядзе ў свет Сына Божага.

Дзева Марыя была дачкой праведных Анны і Іакава і да 14 гадоў выхоўвалася ў храме. Пасля яна павінна была вярнуцца да бацькоў або абрацца шлюбам, але дзяўчына вырашыла захаваць цнатлівасць. У царкве для яе знайшлі праведнага чалавека – Іосіфа, які павінен быў клапаціцца пра яе.

Дабравешчанне адзначаецца за 9 месяцаў да Каляд.

У Беларусі ў гэты дзень шанавалі буслоў, якія вырталіся з выраю ў свае гнёзды.

Лічылася, якое надвор'е будзе на Дабравешчанне, такое і на Вялікдзень. Калі у гэты дзень быў туман або вецер, год чакалі ўраджайны. Туман таксама прадвяшчаў паводку.

72
Тэги:
народны каляндар, які сёння дзень, Дабравешчанне Прасвятой Багародзіцы
Які сёння дзень: 6 красавіка

Які сёння дзень: 6 красавіка 2020 года

198
(абноўлена 22:51 05.04.2020)
Гэты дзень з'яўляецца дзевяноста сёмым па грыгарыянскім календары, да канца года засталося 269 дзён.

Сёння адзначаецца Міжнародны дзень спорта на карысць міру і развіцця. Якія яшчэ падзеі адбыліся 6 красавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 6 красавіка

  • У 1955 годзе выйшаў першы нумар газеты "Голас Радзімы".
  • У 1992 годзе Беларусь устанавіла дыпламатычныя адносіны з Эстоніяй.

Хто нарадзіўся 6 красавіка

  • 1904 год: Мікола Хведаровіч, беларускі паэт.
  • 1910 год: Барыс Кіт, навуковец, актыўны дзеяч беларускай эміграцыі.
  • 1951 год: Алег Яноўскі, беларускі гісторык

Таксама сёння нарадзіліся мастак Рафаэль і расійскі філосаф і публіцыст Аляксандр Герцэн.

6 красавіка ў народным календары

Сёння праваслаўныя вернікі шануюць памяць вялебнага Захарыя манаха і Захарыя, посніка Пячэрскага, свяціцеля Арцемія і вялебнага Іакава.

6 красавіка - пярэдадне свята Дабравешчанне, да якога заўсёды старанна рыхтаваліся: прыбіралі ў хаце, гатавалі святочную ежу. У храмах у гэты дзень праводзіцца ўсяночная.

Калі ў гэты дзень ішоў дождж, лічылася, гэты год будзе добры для дамашніх жывёл.

198
Тэги:
народны каляндар, які сёння дзень
Тэмы:
Які сёння дзень: каляндар знакавых падзей
Палата для каранціну тых, хто захварэў на каронавірус мінскай бальніцы

Каранік: з вылучаных пад пацыентаў з COVID-19 ложкаў занятыя менш за 30%

0
(абноўлена 17:04 07.04.2020)
Міністэрства аховы здароўя штодня ўносіць змены ў свае нарматыўныя дакументы і прымае рашэнні аб перапрафіляванні ложкавага фонду.

МІНСК, 7 кра - Sputnik. Менш за 30% ложкаў з вылучаных для аказання меддапамогі пацыентам з каронавіруснай інфекцыяй занятыя ў бальніцах Беларусі, заявіў кіраўнік Міністэрства аховы здароўя краіны Уладзімір Каранік.

Прэзідэнт Беларусі Аляксандр Лукашэнка правёў сёння нараду па тэме барацьбы з каронавіруснай інфекцыяй.

Пасля мерапрыемства журналісты пацікавіліся ў міністра, ці патрэбныя дадатковыя меры па барацьбе з COVID-19.

"На сённяшні момант карэкціроўкі адбываюцца практычна штодня. Мы, зыходзячы з сітуацыі, штодня ўносім змяненні ў свае нарматыўныя дакументы, перапрафіляванне ложкавага фонду. Ёсць і пытанне жорсткіх абмежавальных мерапрыемстваў, якое часта падымаецца", - распавёў Каранік, яго словы прывяла БелТА.

Па словах міністра, для аказання меддапамогі пацыентам з каронавірусам у краіне выдзелена больш за сем тысяч ложкаў, з іх заняты менш за 30%.

Адзначым, што гэтыя койкі выкарыстоўваюцца не толькі для інфіцыраваных, але і для іх кантактаў, якія таксама знаходзяцца пад наглядам урачоў.

Прымаюцца ўсе меры

"Сусветная арганізацыя аховы здароўя дакладна кажа: гэтыя меры патрэбныя, каб стварыць акно магчымасцяў для таго, каб даць сістэме аховы здароўя, калі яна перагружаная, аднавіцца і ўвайсці ў звыклы рытм працы. І гэтае пытанне сёння ўздымаў кіраўнік дзяржавы: калі ёсць нейкая неабходнасць уводзіць дадатковыя меры, то яны будуць уведзеныя", - падкрэсліў Каранік.

Па словах міністра, "прыкмет перагрузкі сістэмы аховы здароўя на сённяшні момант няма".

"Сітуацыя, натуральна, адсочваецца пастаянна. У нейкіх рэгіёнах яна лепей, у нейкіх горш з-за таго, што там ёсць хворыя з каронавіруснай інфекцыяй, а таксама не скончыўся пік сезоннага ўздыму рэспіраторных інфекцый. Гэта значыць гэтыя два фактары сустрэліся , што павялічыла ў дадзеных рэгіёнах нагрузку", - дадаў кіраўнік Міністэрства аховы здароўя.

Аднак і там, па словах Караніка, прымаюцца ўсе неабходныя меры.

0
Тэги:
Міністэрства аховы здароўя Рэспублікі Беларусь, каронавірус, Беларусь
Тэмы:
Успышка каронавіруса з Уханя