Скульптуру Мінскага гарадавога адкрылі напярэдадні 100-годдзя міліцыі

Фотафакт: "Мінскага гарадавога" адкрылі напярэдадні 100-годдзя міліцыі

31
(абноўлена 14:28 02.03.2017)
Сёння міністр унутраных спраў Беларусі Шуневіч сустрэнецца з вышэйшым афіцэрскім складам органаў унутраных спраў і ўнутраных войскаў, былымі і цяперашнімі кіраўнікамі МУС.

МІНСК, 2 сак — Sputnik. Міністр унутраных спраў Беларусі генерал-лейтэнант міліцыі Ігар Шуневіч прыняў удзел у цырымоніі адкрыцця скульптурнай групы "Мінскі гарадавы", перадае карэспандэнт Sputnik у чацвер.

Дадзенае мерапрыемства праходзіць у рамках святкавання 100-годдзя беларускай міліцыі.

Глава МВД Игорь Шуневич перед открытием памятника городовому
© Sputnik / Виктор Толочко
Кіраўнік МУС Ігар Шуневіч перад адкрыццём помніка гарадавога

Скульптурная кампазіцыя "Мінскі гарадавы" выканана з бронзы. "Гарадавы" ўстаноўлены насупраць будынку МУС Беларусі, на тратуары каля ўваходу ў музей МУС.

Таксама сёння ў Мінску адкрыўся рэканструяваны музей цэнтра культурна-выхаваўчай працы МУС. У цырымоніі адкрыцця музея прынялі ўдзел міністр культуры Беларусі Міхаіл Святлоў, кіраўнік Следчага камітэта Іван Наскевіч, міністр па надзвычайных сітуацыях Уладзімір Вашчанка, старшыня Мінгарвыканкама Андрэй Шорац.

Глава МВД Игорь Шуневич открыл памятник городовому
© Sputnik / Виктор Толочко
Ігар Шуневіч адкрыў помнік гарадавому

Як паведамілі ў МУС, сёння міністр унутраных спраў Беларусі Шуневіч сустрэнецца з вышэйшым афіцэрскім саставам органаў унутраных спраў і ўнутраных войскаў, былымі і цяперашнімі кіраўнікамі МУС.

Открытие реконструированного музея центра культурно-воспитательной работы неподалеку от здания МВД Беларуси
© Sputnik / Виктор Толочко
Адкрыццё рэканструяванага музея цэнтра культурна-выхаваўчай працы непадалёк ад будынка МУС Беларусі

Распавядаючы пра іншыя мерапрыемствы, прымеркаваныя да 100-годдзя міліцыі, у МУС паведамілі, што 3 сакавіка запланавана ўскладанне кветак да мемарыяльнага знака памяці генерал-палкоўніка Сяргея Савіча Бельчанкі — першага пасляваеннага міністра ўнутраных спраў.

Памятник минскому городовому
© Sputnik / Виктор Толочко
Скульптурная кампазіцыя "Мінскі гарадавы"

Шуневіч сустрэнецца з роднымі міліцыянтаў, якія загінулі, выконваючы службовы абавязак. Таксама ў пятніцу будзе адслужана памінальная малітва аб загінуўшых міліцыянерах і вайскоўцах у храме Мінскага Свята-Духава кафедральнага сабора. Вечар завершыцца ў Палацы Рэспублікі ўрачыстым сходам і святочным канцэртам, паведамілі ў МУС.

Глава МВД Игорь Шуневич перед открытием памятника городовому
© Sputnik / Виктор Толочко
Кіраўнік МУС перад адкрыццём помніка гарадавому

У дзень 100-годдзя міліцыі Беларусі, 4 сакавіка, супрацоўнікі органаў унутраных спраў і ваеннаслужачыя ўнутраных войскаў МУС прымуць удзел ва ўрачыстым маршы на праспекце Незалежнасці, сказалі ў МУС.

31
Тэги:
помнік, МУС Беларусі, Іван Наскевіч, Андрэй Шорац, Барыс Святлоў, Уладзімір Вашчанка, Ігар Шуневіч, Мінск