У гадавіну тэракта ў мінскім метро каля памятнага знака варта вахта памяці з супрацоўніц метрапалітэна

Фотафакт: гадавіна тэракту ў мінскім метро

25
(абноўлена 12:18 11.04.2017)
Самы страшны ў гісторыі суверэннай Беларусі тэракт забраў жыцці 15 чалавек.

МІНСК, 11 кра — Sputnik. Сёння Беларусь узгадвае ахвяр тэракту ў мінскім метрапалітэне, які адбыўся шэсць гадоў таму на станцыі "Кастрычніцкая".

11 красавіка 2011 года ў 17:55 на цэнтральнай станцыі сталічнага метрапалітэна адбыўся выбух, у выніку якога траўмы атрымалі сотні чалавек, а 15 беларусаў загінулі.

У гадавіну мінскага тэракту ля мемарыяла "Рака памяці" на выхадзе з вестыбюля станцыі метро "Кастрычніцкая" ганаровай вартай стаяць супрацоўніцы метрапалітэна.

Да мемарыяла ў гэты дзень прынеслі жывыя кветкі, часам ля памятнага знака спыняюцца мінчукі — ушанаваць памяць пацярпелых у самым страшным тэракце ў гісторыі суверэннай Беларусі.

Станцыя метро "Кастрычніцкая" размешчана ў цэнтры Мінска, недалёка ад будынка Адміністрацыі прэзідэнта, Палаца прафсаюзаў, Палаца Рэспублікі, ГУМа і "нулявога кіламетра". Станцыя — адна з самых загружаных у Мінску, з'яўляецца перасадачным вузлом паміж двума лініямі метрапалітэна.

11 красавіка 2011 года выбухная прылада знаходзілася пад лаўкай на платформе насупраць другога вагона цягніка, які рухаўся з боку станцыі "Плошча Перамогі". У выніку выбуху на платформе ўтварылася варонка дыяметрам каля 80 сантыметраў. Магутнасць выбуху ў трацілавым эквіваленце склала ад пяці да сямі кілаграмаў. Выбуховае прыстасаванне было начынена металічнымі шарыкамі дыяметрам каля аднаго сантыметра. У гэты ж час у процілеглым напрамку рухаўся іншы склад, які быў вымушаны прайсці без прыпынку. Як пазней распавядаў машыніст пацярпелага цягніка, выбух адбыўся прыкладна праз дзве секунды пасля адкрыцця дзвярэй вагонаў.

Праз тры хвіліны пасля выбуху на месца прыбылі першыя падраздзяленні выратавальнікаў, людзей са станцыі эвакуявалі. Уваход у метро зачынілі, рух па праспекце Незалежнасці, на які выходзіць станцыя, быў часткова перакрыты. Да месца здарэння былі сцягнутыя карэты "хуткай дапамогі", спецтэхніка МНС, міліцыі, КДБ, ля ўваходу ў метро дзяжурылі пажарныя. У Мінск прыбылі эксперты-крыміналісты ФСБ Расіі для аказання дапамогі ў расследаванні тэракту.

Па факце выбуху Генпракуратура Беларусі ўзбудзіла крымінальную справу, праз суткі пасля тэракту беларускія спецслужбы затрымалі падазраваных у тэрарызме, ураджэнцаў Віцебска Дзмітрыя Канавалава і Уладзіслава Кавалёва.

Падчас аднаго з допытаў Канавалаў паведаміў, што здзейсніў тэракт "для дэстабілізацыі абстаноўкі ў Рэспубліцы Беларусь", каб "пасеяць страх, паніку". Абвяшчэнне прысуду абвінавачаным па справе аб тэракце ў мінскім метро адбылося 30 лістапада 2011 года. Вярхоўны суд Беларусі прысудзіў Канавалава і Кавалёва да вышэйшай меры пакарання — расстрэлу, матываваўшы сваё рашэнне тым, што арганізатар тэракту Канавалаў здзяйсняў неаднаразовыя акты тэрарызму, апошні з якіх пацягнуў смерць 15 чалавек, а Кавалёў, як саўдзельнік, на працягу многіх гадоў ведаючы аб дзеяннях Канавалава, не паведамляў пра гэта праваахоўным органам.

Кавалёў падаваў прашэнне аб памілаванні, Канавалаў гэтага рабіць не стаў. Прэзідэнт Беларусі Аляксандр Лукашэнка адмовіўся памілаваць асуджаных у сувязі з выключнай небяспекай і цяжарам наступстваў для грамадства ад учыненых злачынстваў. 18 сакавіка 2012 года беларускае Агульнанацыянальнае тэлебачанне паведаміла, што смяротныя прысуды ў дачыненні да грамадзян Беларусі Дзмітрыя Канавалава і Уладзіслава Кавалёва, асуджаных за тэрарызм, у тым ліку за выбух у мінскім метро ў красавіку 2011 года, прыведзены ў выкананне.

25
Тэги:
Тэракт, Мінск, Беларусь
Які сёння дзень: 3 сакавіка 2021 года

Які сёння дзень: 3 сакавіка 2021 года

201
(абноўлена 09:17 03.03.2021)
Гэты дзень з'яўляецца шэсцьдзясят другім па грыгарыянскім календары, да канца года засталося 303 дні.

Якія падзеі адбыліся 3 сакавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 3 сакавіка

  • У 1067 годзе адбылася бітва на Нямізе паміж злучанымі дружынамі Яраславічаў і войскам полацкага князя Усяслава Брачыславіча. Першая летапісная згадка пра Менеск (Мінск): горад спалены, гараджане забіты або выведзены ў палон.
  • У 1930 годзе з Беларусі ў Сібір адправіўся першы эшалон з "раскулачанымі" сялянскімі сем’ямі.

Хто нарадзіўся 3 сакавіка

  • 1777 год: Юзаф Маралёўскі, беларускі паэт і педагог.
  • 1900 год: Герасім Якушка, беларускі архітэктар.
  • 1940 год: Уладзімір Ладысеў, беларускі гісторык.
  • 1942 год: Уладзімір Кавалёнак, беларускі, савецкі касманаўт.
  • 1953 год: Валерый Маслюк, беларускі рэжысёр.

Таксама сёння нарадзіліся амерыканскі навуковец, вынаходнік тэлефона Аляксандр Бел і амерыканскі сцэнарыст Лора Зіскін.

3 сакавіка ў народным календары

Сёння праваслаўныя вернікі шануюць памяць Папы Рымскага Льва.

З гэтага дня пачыналі рыхтавацца да работы ў полі. Рамантавалі сельскагаспадарчыя прылады, правяралі вазы і ўсё, што спатрэбіцца для сяўбы.

Калі ў гэты дзень бачылі матылька, гэта значыла, што снег хутка растане і прыйдзе цяпло. Сухі дзень абяцаў добры ўраджай. Паводка – добрую і высокую траву. Калі 3 сакавіка быў туман, гэта прадвяшчала дажджлівае лета.

201
Тэги:
народны каляндар, які сёння дзень
Тэмы:
Які сёння дзень: каляндар знакавых падзей
Які сёння дзень: 2 сакавіка

Які сёння дзень: 2 сакавіка 2021 года

273
(абноўлена 18:06 01.03.2021)
Гэты дзень з'яўляецца шэсцьдзясят першым па грыгарыянскім календары, таму да канца года засталося 304 дні.

Якія падзеі адбыліся 2 сакавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 2 сакавіка

  • У 1992 годзе Беларусь устанавіла дыпламатычныя адносіны з Польшчай.
  • У 1994 годзе Вярхоўны Савет Беларусі пpагаласаваў за пpэзідэнцкyю фоpмy кipавання.

Хто нарадзіўся 2 сакавіка

  • 1562 год: Крыштаф Дарагастайскі, дзяржаўны дзеяч ВКЛ, доктар медыцыны.
  • 1896 год: Станіслаў Глякоўскі, каталіцкі святар, беларускі рэлігійна-грамадскі дзеяч, выдавец.
  • 1918 год: Алесь Бачыла, беларускі паэт.
  • 1931 год: Леніна Міронава, беларускі архітэктар, педагог, мастацтвазнаўца.

Таксама сёння нарадзіліся чэшскі кампазітар Бедржых Сметана, яўрэйскi пiсьменнiк Шолам-Алейхем і прэзідэнт СССР Міхаіл Гарбачоў.

2 сакавіка ў народным календары

Сёння праваслаўныя вернікі шануюць памяць вялікапакутніка Фёдара, якому моляцца пра знаходку страчаных рэчаў і людзей, якія зніклі без вестак. Таксама лічыцца, што святы абараняе дом ад злодзеяў.

У народзе лічылі, што сны, якія бачылі з 1 на 2 сакавіка, хутка спраўдзяцца.

Калі 2 сакавіка шмат ледзяшоў, будзе добры ўраджай. Калі аблокі плывуць з заходу – будзе дождж.

273
Тэги:
народны каляндар, які сёння дзень
Тэмы:
Які сёння дзень: каляндар знакавых падзей
Здымак планеты Зямля з космасу, архіўны фотаздымак

Два ўсплёскі магнітнай буры зафіксавалі навукоўцы

0
(абноўлена 17:57 03.03.2021)
Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

МІНСК, 3 сак – Sputnik. Адразу два ўсплёскі магнітнай буры адбыліся на працягу мінулай ночы, паведамляе сайт Лабараторыі рэнтгенаўскай астраноміі Сонца Фізічнага інстытута акадэміі навук.

Па дадзеных навукоўцаў, слабыя магнітныя буры адбыліся да паўночы і ў раёне з 3 да 6-й раніцы. Да гэтага яны лічылі, што ў другой палове ночы ніякіх бур быць не павінна, а магнітасфэра Зямлі павінна была быць спакойнай.

Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

Усяго ў класіфікацыі магнітных бур пяць узроўняў - ад G1 да G5. Лічыцца, што слабая бура можа справакаваць нязначныя збоі ў працы энергасістэм, а таксама паўплываць на шляхі міграцый птушак і жывёл.

Больш моцныя буры выклікаюць парушэнні караткахвалевай сувязі і работы навігацыйных сістэм, а таксама збоі напружання ў прамысловых сетках.

0
Тэги:
магнітная бура, Навукоўцы