Францыск Скарына

Дзень пісьменства ў Полацку: Скарына і тысячы гасцей

77
(абноўлена 10:53 02.09.2017)
Дзеці змогуць паўдзельнічаць у скарынаўскай алімпіядзе, а дарослыя - асвоіць 3D-мадэляванне і вывучыць найстарэйшы горад Беларусі.

МІНСК, 31 жні — Sputnik. Святочныя мерапрыемствы да Дня пісьменства ў Полацку пройдуць 1-3 верасня. Пачнецца ўсё са скарынаўскай алімпіяды, у рамках якой школьнікі змогуць паўдзельнічаць у конкурсе прамоўцаў на рускай або беларускай мовах. А тыя, хто хоча вярнуцца ў часы Скарыны, змогуць папрысутнічаць на ўроку "Дзень гімназісткі", вывучыць не толькі мовы, але і мастацтва, а скончыць дзень урачыстым балем.

Памятаючы пра наватарства Скарыны, палачане прыўнясуць у Дзень пісьменства элемент сучасных тэхналогій. Каля помніка Сімяону Полацкаму арганізуюць лабараторыю, дзе можна будзе навучыцца 3D-друку.

Шпацыруючы па горадзе, можна будзе паўдзельнічаць у квэсце "Мы — Нашчадкі Скарыны", наведаць тэатр жывых фігур скарынаўскай эпохі і мноства выстаў, прысвечаных першадрукару. Ледзь не каля кожнага помніка ў горадзе будзе праходзіць сваё тэматычнае святочнае мерапрыемства.

У Полацку ў гэтыя дні пройдзе круглы стол з удзелам беларускіх і замежных пісьменнікаў, фестываль кнігі і прэсы і нават прэзентацыя "Малой падарожнай кніжкі" Францыска Скарыны.

На працягу ўсіх трох дзён у горадзе будуць дзейнічаць кірмашы і выставы, плануецца, што самым папулярным таварам стануць кнігі.

77
Тэги:
Дзень беларускага пісьменства, Францыск Скарына, Полацк, Беларусь
Тэмы:
500-годдзе беларусскага кнігадрукавання (39)
По теме
500-годдзе беларусскага кнігадрукавання
Які сёння дзень: 12 траўня

Які сёння дзень: 12 траўня 2021 года

85
(абноўлена 22:50 28.04.2021)
Гэты дзень з'яўляецца сто трыццаць другім па грыгарыянскім календары, да канца года засталося 233 дні.

Сёння адзначаецца Міжнародны дзень медыцынскай сястры. Якія яшчэ падзеі адбыліся 12 траўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 12 траўня

  • У 996 годзе ў Кіеве была асвечана Дзесяцінная царква, першая вядомая каменная царква Русі.
  • У 1364 годзе быў заснаваны Кракаўскі ўніверсітэт.

Хто нарадзіўся 12 траўня

  • 1670 год: Аўгуст Моцны, курфюрст Саксоніі, кароль польскі і вялікі князь літоўскі.
  • 1909 год: Язэп Найдзюк, беларускі нацыянальны дзеяч, выдавец.
  • Таксама сёння нарадзіліся англійскі мастак і паэт Эдвард Лір і расійскі паэт Андрэй Вазнясенскі.

12 траўня ў народным календары

Сёння праваслаўныя вернікі шануюць памяць дзевяці пакутнікаў Кізічаскіх – хрысціянскіх святых і лекараў, якія прынялі пакутніцкую смерць у ІІІ в. у горадзе Кізік.

У народзе лічыліся, што сны, якія прысніліся на 12 траўня, абавязкова спраўдзяцца. Так, калі прыснілась чыстае возера, чалавек не будзе ў гэтым годзе хварэць. Калі снілася, што чалавек чытае святое пісанне, гэта прадвяшчала яму доўгае жыццё. А вось камандаваць іншымі людзмі значыла страціць давер у калектыве.

Калі ноч цёплая і на небе шмат зорак, ураджай будзе добры. Мурашы збіраюцца на сухім месцы – хутка пойдзе дождж. Шмат хрушчоў – лета будзе сухім.

85
Тэги:
народны каляндар, які сёння дзень
Тэмы:
Які сёння дзень: каляндар знакавых падзей
Які сёння дзень: 11 траўня

Які сёння дзень: 11 траўня 2021 года

279
(абноўлена 22:47 28.04.2021)
Гэты дзень з'яўляецца сто трыццаць першым па грыгарыянскім календары, да канца года засталося 234 дні.

Якія падзеі адбыліся 11 траўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 11 траўня

  • У 1855 годзе Я. Тышкевіч заснаваў Віленскі музей старажытнасцяў.

Хто нарадзіўся 11 траўня

  • 1833 год: Бенедыкт Дыбоўскі, беларускі заолаг, прыродазнаўца, урач.
  • 1899 год: Глеб Глебаў, беларускі акцёр.

Таксама сёння нарадзіліся нямецкі барон і падарожнік Мюнхгаўзен і іспанскі мастак Сальвадор Далі.

11 траўня ў народным календары

Сёння праваслаўныя вернікі шануюць памяць пакутнікаў Дады, Максіма і Квінціліяна. Святому Максіму маліліся пра пазбаўленне ад ліхаманкі. У народзе яго лічылі апекуном бяроз і ў гэты дзень паілі бярозавым сокам хворых.

Калі 11 траўня дзьме паўднёвы вецер, вясна будзе цёплая і сонечная. Ясны ўзыход сонца прадвяшчае гарачае і пагодлівае лета.

279
Тэмы:
Які сёння дзень: каляндар знакавых падзей
Прадстаўлены медалі чэмпіянату свету па хакеі ў Рызе

Прадстаўлены медалі чэмпіянату свету па хакеі ў Рызе

0
(абноўлена 16:01 12.05.2021)
Узнагароды сусветнага хакейнага форуму чаканіліся на манетным двары ў Нарвегіі, дзе быў выраблены і медаль Нобелеўскай прэміі міру.

МІНСК, 12 траўня - Sputnik. Аргкамітэт чэмпіянату свету па хакеі-2021 у Рызе прадставіў дызайн медалёў, імі будуць узнагароджваць пераможцаў і прызёраў турніру, паведаміла прэс-служба Міжнароднай федэрацыі хакея (IIHF).

На ўзнагародах намаляваны лагатып сусветнага форуму - хакеіст на фоне стылізаванай хакейнай пляцоўкі. Па краях медалёў нанесена назва і месца правядзення чэмпіянату. Вага адной адзінкі - звыш 400 грамаў, дыяметр складае 10 сантыметраў.

Дызайн распрацавала IIHF разам з Латвійскім манетным дваром за два тыдні. Цікава, што чаканіліся ўзнагароды на манетным двары ў Нарвегіі. Дарэчы, там жа быў выраблены медаль Нобелеўскай прэміі міру.

Па словах кіраўніка аргкамітэта чэмпіянату Эдгарса Бунціса, ажыццёўлена задума - выкарыстоўваць моцны і выразны хакейны знак у дызайне.

"Не забыліся і пра нацыянальны сімвал Латвіі, які будзе прадстаўлены на стужках. Цырымонія ўручэння медалёў і атрыманне трафея - адзін з самых эмацыйных момантаў на кожным спартыўным турніры. Праз 64 матчы мы даведаемся, якія каманды прывязуць гэтыя медалі дадому", - дадаў ён.

Медалі чэмпіянату свету будуць разыграны 6 чэрвеня, калі лепшыя каманды згуляюць у матчах за залатыя і бронзавыя ўзнагароды.

Сусветнае хакейнае першынства ў Рызе пройдзе з 21 траўня па 6 чэрвеня. Беларусь і Расія згуляюць у групе А. Апроч беларусаў і расіян, у групе яшчэ Швецыя, Чэхія, Швейцарыя, Славакія, Данія і Вялікабрытанія. У групе В - Канада, Фінляндыя, ЗША, Германія, Латвія, Нарвегія, Італія і Казахстан. Турнір пройдзе без гледачоў.

Чытайце таксама:

0
Тэги:
Нобелеўская прэмія міру, Нарвегія, Узнагароды, Рыга, Хакей, чэмпіянат, медалі