1 жніўня

Які сёння дзень: 1 жніўня 2018 года

55
(абноўлена 09:10 02.08.2018)
Гэты дзень з'яўляецца дзвесце трынаццатым па грыгарыянскім календары, да канца года застаецца 152 дні.

Ці ведаеце вы, што ў гэты дзень у 1920 годзе было абвешчана аб стварэнні БССР? Якія яшчэ падзеі адбыліся 1 жніўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 1 жніўня

  • У 1812 годзе Напалеон Банапарт выдаў дэкрэт аб стварэнні войска адноўленага ВКЛ.
  • У 1834 годзе брытанскі праламент абвясціў закон аб адмене рабства.
  • У 1914 годзе пачалася Першая сусветная вайна.
  • У 1937 годзе супрацоўнікі НКВД спалілі ў Мінску некалькі дзесяткаў тысяч рукапісаў беларускіх літаратараў.
  • У 1944 годзе пачалося Варшаўскае паўстанне, падчас якога партызаны змагаліся супраць нямецкіx акупантаў.

Хто нарадзіўся 1 жніўня

  • 1520 год: Жыгімонт Аўгуст, кароль польскі і вялікі князь літоўскі.
  • 1923 год: Мікола Грынчык, беларускі літаратуразнавец і крытык.
  • 1977 год: Аляксей Бацюкоў, беларускі пісьменнік.

Таксама ў гэты дзень нарадзіліся французскі сацыёлаг і філосаф П'ер Бурдзьё, французскі мадэльер Іў Сен Ларан і Фрэнсіс Скот Кі, амерыканскі правазнаўца, паэт і аўтар нацыянальнага гімна ЗША.

1 жніўня ў народным календары

Напачатку апошняга летняга месяца ў народзе казалі: "Да полудня – лета, пасля полудня – восень". У гэты дзень адзначалі прысвятак Макрыны (таксама Макрэня, Макрэні, Макрыдка), з якім асацыявалася дажджлівае надвор’е. Па 1 жніўня вызначалі, якім будзе надвор'е ўвосень: "Глядзі восень па Макрыне", "Не палі грады на Макрыну — ад дажджоў ураджай загіне", "Як не будзе на Макрыні дажджу, то не будзе бульба гнісці ў зямлі", "Як на Макрэню дождж, то будзе ўсю Спасаўку дождж".

55
Тэги:
які сёння дзень
Тэмы:
Які сёння дзень: каляндар знакавых падзей (68)
Каментары