1 верасня

Які сёння дзень: 1 верасня 2018 года

17
(абноўлена 22:27 31.08.2018)
Гэты дзень з'яўляецца дзвесце сорак чацвёртым па Грыгарыянскім календары, да канца года застаецца 121 дзень.

Сёння ў Беларусі і Расіі святкуюць Дзень ведаў. Якія яшчэ падзеі адбыліся 1 верасня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 1 верасня

  • У 1435 годзе адбылася бітва пад Вількамірам, войскі Жыгімонта Кейстутавіча разам з палякамі разбілі Свідрыгайлу і яго саюзнікаў.
  • У 1482 годзе Крымскія татары на чале з Менглы-Гірэям разрабавалі і спалілі Кіеў, кіеўскі ваявода Івашка Хадкевіч трапіў у палон.
  • У 1827 годзе ў Расійскай імперыі было забаронена прымаць сялян у вышэйшыя і сярэднія навучальныя ўстановы.
  • У 1906 годзе ў Вільні выйшла першая легальная беларуская газета "Наша доля". Упершыню надрукаваны верш Якуба Коласа.
  • У 1944 годзе пачалі працаваць беларускія гімназіі ў Бельску і Гайнаўцы, беларуска-руская ў Беластоку і беларускія пачатковыя школы ва ўсёй Усходняй Беласточчыне, але праз год яны былі ліквідаваныя польскімі ўладамі.
  • У 1978 годзе адбыўся пуск першага тралейбуса ў Віцебску.
  • У 1992 годзе быў адкрыты Чэрвеньскі раённы краязнаўчы музей.
  • У 2002 годзе школы Беларусі перавялі на 12-гадовую навучальную праграму.
  • У 2007 годзе быў адкрыты помнік Усяславу Чарадзею ў Полацку.
  • У 2015 годзе быў адкрыты Верхнядзвінскі гісторыка-краязнаўчы музей.

Хто нарадзіўся 1 верасня

  • 1743 год: Кароль Антоні Жэра, польскі і беларускі пісьменнік.   
  • 1853 год: Міхал Федароўскі, беларускі фалькларыст, этнограф, археолаг.
  • 1900 год: Сымон Баранавых, беларускі празаік.
  • 1913 год: Масей Сяднёў, беларускі пісьменнік.
  • 1942 год: Іван Басюк, беларускі гісторык.
  • 1956 год: Уладзімір Салодкі, беларускі спявак.

Таксама ў гэты дзень нарадзіліся амерыканскі пісьменнік Эдгар Райс Бероўз і расійсці пісьменнік Андрэй Платонаў.

1 верасня ў народным календары

Сёння дзень святых Андрэя Страцілата і Фёклы. Страцілата яшчэ называюць "цяпляк", таму што дні пачатку восені часам бываюць нават цяплей за летнія, быццам бы сонейка развітваецца з зямлёю. А Фёклу – "бурачніцай", бо пачынаюць у гэты дзень убіраць саспелыя буракі. 

На полі касілі авёс – дарэчы, любімы сняданак канёў. Сноп аўса ставілі ў сенцах і ў хаце, а часам падвешвалі з конскай збруяй: верылі, што ён зможа адагнаць ад хаты і хатніх жывёл нячысцікаў.

У некаторых вёсках жанчыны пасля таго, як авёс быў скошаны, каталіся па полі — зміналі астаткі сцеблаў – і галасілі. Гэты старажытны абрад азначаў аднаўдленне поля, зямлі і жанчыны, якія заўсёды ў вераваннях былі звязаныя разам. 

17
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей (69)
Каментары