Глушанскі хутарок-2018

Які сёння дзень: 24 жніўня 2019 года

117
(абноўлена 10:54 20.08.2019)
Гэты дзень з'яўляецца дзвесце трыццаць шостым па грыгарыянскім календары, да канца года застаецца 129 дзён.

Сёння Украіна святкуе Дзень незалежнасці. Якія яшчэ падзеі адбыліся 24 жніўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 24 жніўня

  • У  1654 годзе адбылася Бітва пад Шапялевічамі, у якой літоўскае войска пацярпела першую паразу падчас Трынаццацігадовай вайны.
  • У 1991 годзе Вярхоўная Рада Украіны прыняла дэклярацыю аб незалежнасці.
  • У 1991 годзе Міхаіл Гарбачоў сышоў з пасады генэральнага сакратара КПСС.

Хто нарадзіўся 24 жніўня

  • 1879 год: Іван Пуліхаў, беларускі рэвалюцыянер.
  • 1896 год: Янка Чарапук, беларускі грамадска-палітычны дзеяч.
  • 1901 год: Сямён Гершгорын, савецкі матэматык беларускага паходжання.
  • 1906 год: Юльян Саковіч, беларускі грамадска-палітычны дзеяч.
  • 1928 год: Янка Раманоўскі, беларускі мастак.

Таксама ў гэты дзень нарадзіліся аргенцінскі пісьменнік Хорхе Луіс Борхес, лідар Палесціны Ясір Арафат і бразільскі пісьменнік Паала Каэльё.

24 жніўня ў народным календары

Праваслаўныя вернікі сёння ўшаноўваюць памяць святых Еўпла, Васіля і Феадора. Апошнім моляцца, каб яны пазбавілі ад граха срэбралюбія. Гэта тлумачыць наступнае паданне. Васіль і Феадор былі сябрамі. Аднойчы, калі Васіль адсутнічаў, к Феадору прыйшоў бес у яго абліччы і расказаў, дзе зарыты скарб. Феадор знайшоў золата і хацеў купіць дом і пайсці з манастыра, але неўзабаве вярнуўся Васіль, і падман быў раскрыты. Князь Мсціслаў між тым даведаўся пра скарб, але Феадор адказаў, што зарыў золата, а Бог адняў у яго памяць, і ён не можа сказаць, дзе. Князь не паверыў і катаваў, а затым забіў Феадора і Васіля. Васіль перад смерцю прадказаў Мсціславу, што ён загіне ад стралы – менавіта так і адбылося.

Каталікі у гэты дзень успамінаюць святога Барталамея (Баўтрамея). Менавіта 24 жніўня 1572 года адбылася жудасная падзея — разня пратэстантаў у Парыжы, якая і атрымала назву Барталамееўскай ночы.

У народзе казалі: прыйшоў Барталамей – на зіму жыта сей. Жыта ўжо сабрана, але палявыя працы не прыпыняліся.

117
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей (325)
Які сёння дзень: 6 жніўня 2020 года

Які сёння дзень: 6 жніўня 2020 года

115
(абноўлена 10:43 30.07.2020)
Гэты дзень з'яўляецца дзвесце дзевятнаццатым па Грыгарыянскім календары, да канца года застаецца 147 дзён.

Шостага жніўня ўбачыла свет першая друкаваная беларуская кніга — "Псалтыр". Якія яшчэ падзеі адбыліся 6 жніўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 6 жніўня

  • У 1409 годзе вялікі магістар Ордэну Ульрых фон Юнгінгэн абвясціў вайну Вялікаму Княству Літоўскаму і Польскаму Каралеўству.
  • У 1500 годзе Маскоўскія войскі ўзялі Пуціўль у ходзе маскоўска-літоўскай вайны 1500—1503 гадоў.
  • У 1517 годзе Францыск Скарына выдаў першую друкаваную беларускую кнігу — "Псалтыр".
  • У 1945 годзе ўпершыню ў гісторыі ўжылі атамную зброю падчас бамбардыроўкі Хірасімы (Японія).

Хто нарадзіўся 6 жніўня

  • 1715 год: Мацей Догель, гісторык-археограф, правазнаўца ВКЛ.
  • 1840 год: Альгерд Абуховіч, беларускі літаратар.
  • 1884 год: Яўген Хлябцэвіч, беларускі нацыянальны дзеяч, бібліятэказнаўца, бібліёграф, літаратуразнаўца.
  • 1903 год: Барыс Платонаў, акцёр, педагог, народны артыст Беларусі, народны артыст СССР.
  • 1938 год: Ігар Лучанок, беларускі кампазітар.
  • 1957 год: Мікалай Пінігін, беларускі рэжысёр.

Таксама ў гэты дзень нарадзіліся амерыканская актрыса Люсіль Бол і амерыканскі мастак Эндзі Уорхал.

6 жніўня ў народным календары

У гэты дзень ушаноўвалі святых Барыса, Глеба і Палікарпа (Палікопа). У народзе казалі: "Барыс і Глеб — паспеў хлеб". Працягваліся работы на полі, але ў гэты дзень забараняліся цяжкія працы: нельга было ставіць снапы і вазіць зярно ў гумно, каб не наклікаць на сваю гаспадарку пажар. Гэта рабілася з практычнага пункту гледжання, бо падчас нечаканай навальніцы, на якія заўсёды багаты жнівень, маланка магла патрапіць у стог, або моцны вецер мог раскідаць яго.

Лічылася, што надвор'е ў гэты дзень цалкам непрадказальнае: калі вельмі спякотна, спелае зерне магло высыпацца з коласа, а будзе дождж – ды і ўвогуле яно прарасце, таму нават ужо зжатае збожжа нельгя было лічыць сабраным: "Палікопы — не твае ў полі копы".

6 жніўня хадзілі ў лес — па грыбы, а таксама каб нарыхтаваць бярозавых галінак, з якіх рабілі венікі для лазні. А вось рыбачыць у гэты дзень было нельга — лічалася, што ў таго, хто будзе лавіць рыбу 6 жніўня ўлову ўвесь год потым не будзе.

115
Тэги:
які сёння дзень, Беларусь
Тэмы:
Які сёння дзень: каляндар знакавых падзей (325)
Які сёння дзень: 5 жніўня 2020 года

Які сёння дзень: 5 жніўня 2020 года

219
(абноўлена 10:41 30.07.2020)
Гэты дзень з'яўляецца дзвесце васямнаццатым па Грыгарыянскім календары, да канца года застаецца 148 дзён.

У 1772 годзе 5 жніўня адбыўся першы падзел Рэчы Паспалітай паміж Аўстра-венгрыяй, Расіяй і Прусіяй. Якія яшчэ падзеі адбыліся 5 жніўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 5 жніўня

  • У 1262 годзе войскі Міндоўга і Шварна нанеслі паражэнне мазавецкаму рыцарству пад Длугасёдламі.
  • У 1392 годзе Ягайла і Вітаўт заключылі Востраўскае пагадненне, паводле якога Вітаўту перадавалася ўлада ў Вялікім Княстве Літоўскім.
  • У 1506 годзе адбылася бітва пад Клецкам, у якой Міхал Глінскі на чале войска ВКЛ разбіў войска крымскага хана.
  • У 1772 годзе Расія, Прусія і Аўстра-Венгрыя падпісалі ў Санкт-Пецярбургу дакумент, які замацаваў першы падзел Рэчы Паспалітай.

Хто нарадзіўся 5 жніўня

  • 1461 год: Аляксандар Ягелончык, вялікі князь літоўскі і кароль польскі.
  • 1924 год: Аркадзь Жураўскі, беларускі мовазнаўца.
  • 1947 год: Віктар Маркавец, беларускі жывапісец.
  • 1947 год: Віталь Скалабан, беларускі гісторык, літаратуразнавец.
  • 1958 год: Уладзімір Макей, беларускі дзяржаўны дзеяч, дыпламат, міністр замежных спраў Беларусі.

Таксама ў гэты дзень нарадзіліся французскі гуманіст Жазеф Скалігер, нарвежскі матэматык Нільс Абель, рускі мастак Ілля Рэпін і амерыканскі астранаўт Ніл Армстранг.

5 жніўня ў народным календары

У гэты дзень успамінаюць апосталаў Пуда і Трафіма. Яны былі з ліку 70-ці апосталаў, якіх Хрыстос паслаў перад сабой з Евангельскім благавешчаннем і прынялі пакутніцкую смерць у Рыме адначасова са святымі апосталамі Паўлам і Арыстархам.

Іх у народзе называлі "бяссоннікі", бо трэба было шмат працаваць. Казалі: "Добраму гаспадару й дзень малы здаецца", "Трэба жыць – не драмаць", "Доўга спаць – дабра не відаць".

5 жніўня заканчвалі ўбіраць зімовае жыта. Таксама ў гэты дзень спраўлялі "каліннікі-маліннікі" – пачынаўся збор саспелых ягад каліны і малін. У ягад каліны спецыфічны, гаркаваты смак, таму казалі: "З малінніка лыкі не вялікія, ды ягады салодкія; а з калінніка лыка надзярэш, ды ягад у рот не возьмеш".

Назіраючы за прыродай і надвор'ем 5 жніўня, даведваліся пра тое, калі прыйдзе восень: калі лісце на кустах ужо пажоўкла, яна будзе ранняя, а калі грыміць навальніца – доўгая і цёплая.

219
Тэги:
які сёння дзень, Беларусь
Тэмы:
Які сёння дзень: каляндар знакавых падзей (325)
Кандыдат у прэзідэнты Святлана Ціханоўская

У Мінску затрымлівалі давераную асобу Святланы Ціханоўскай

2
(абноўлена 12:59 06.08.2020)
За што Марыю Мароз затрымалі, пакуль не вядома. У праваахоўных органах удакладнілі, што "яе, хутчэй за ўсё, затрымлівалі не супрацоўнікі ГУУС Мінска, а аператыўнікі ДФР або АБЭП".

МІНСК, 6 жні - Sputnik. Давераная асоба кандыдата ў прэзідэнты Святланы Ціханоўскай Марыя Мароз затрыманая ў Мінску, паведамілі ў чацвер у аб'яднаным штабе кандыдата.

Пра затрыманне Мароз стала вядома днём у чацвер. У аб'яднаным штабе палітыка гэтую інфармацыю пацвердзілі.
"Была затрыманая людзьмі, якія прадставіліся супрацоўнікамі МУС, каля 11 раніцы сёння пры выхадзе з літоўскага пасольства пасля падачы дакументаў на візу", - распавялі ў аб'яднаным штабе.

Штаб Святланы Ціханоўскай, а таксама штабы Валерыя Цапкалы і Віктара Бабарыкі, якія падтрымліваюць кандыдата, працягваюць сваю працу.

На пытанне Sputnik аб затрыманні Мароз у ГУУС Мінгарвыканкама сказалі, што такой інфармацыяй на дадзены момант не маюць.

У праваахоўных органах Sputnik пацвердзілі інфармацыю аб затрыманні Мароз, але ўдакладнілі, што "яе, хутчэй за ўсё, затрымлівалі не супрацоўнікі ГУУС Мінска, а аператыўнікі ДФР або АБЭП". Там таксама адзначылі, што "можа быць, яе проста даставілі для высвятлення асобы, альбо высвятлення нейкіх іншых абставінаў".

У сваю чаргу афіцыйны прадстаўнік МУС Беларусі Вольга Чамоданова паведаміла Sputnik, што "інфармацыі пра затрыманне дадзенай асобы (Марыі Мароз Sputnik) у МУС няма. Магчыма, яе запрасілі. Затрымалі і запрасілі - гэта два цалкам розных паняцця".

Як пазней паведамілі ў штабе Ціханоўскай, у 12:45 Марыю Мароз праваахоўнікі адпусцілі. Прычына правядзення гутаркі пакуль не вядомая.

У жніўні былі затрыманыя некалькі іншых давераных асоб Ціханоўскай, у тым ліку Валянцін Троцкі і Мікалай Маслоўскі.

У ходзе кампаніі па зборы подпісаў таксама затрымліваўся шэраг сяброў ініцыятыўнай групы Святланы Ціханоўскай, у тым ліку - кіраўнік групы, яе муж Сяргей Ціханоўскі, які на дадзены момант знаходзіцца ў СІЗА і падазраецца ў арганізацыі масавых беспарадках і гвалце ў дачыненьні да супрацоўніка міліцыі.

2
Тэги:
Святлана Ціханоўская, Беларусь, Выбары
Тэмы:
Выбары прэзідэнта Беларусі - 2020