Цветы в августе

Які сёння дзень: 11 верасня 2019 года

190
(абноўлена 09:39 10.09.2019)
Гэты дзень з'яўляецца дзвесце пяцьдзесят чацвёртым па грыгарыянскім календары, да канца года застаецца 111 дзён.

У гэты дзень у 2001 годзе была здзейсненая тэрарыстычная атака на Сусветны гандлёвы цэнтр у ЗША. Якія яшчэ падзеі адбыліся 11 верасня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 11 верасня

  • У 1938 годзе быў адкрыты для наведвальнікаў Дом-музей Адама Міцкевіча ў Наваградку.
  • У 1992 годзе адбылося адкрыццё Навагрудскага гісторыка-краязнаўчага музея.

Хто нарадзіўся 11 верасня

  • 1855 год: Еўдакім Раманаў, беларускі фалькларыст, этнограф, археолаг.
  • 1953 год: Вінцэсь Мудроў, беларускі пісьменнік.
  • 1972 год: Алесь Пашкевіч, беларускі паэт, празаік, літаратуразнаўца.

Таксама сёння нарадзіліся савецкі дзяржаўны дзеяч Фелікс Дзяржынскі, савецкі касманаўт Герман Цітоў і савецкі і расійскі спявак, Народны артыст СССР Іосіф Кабзон.

11 верасня ў народным календары

У гэты дзень адбылося адсячэнне галавы Іаана Прадцечы. 11 верасня ў народзе нацываюць Іван Галавасек або Іван Калінавік. На Іаана прынята было пасціцца і забаранялася есці круглыя плады, таму што Ірадыяда, нібыта з яблыкам, гуляла з адсечанай галавой Хрысціцеля, якую паднеслі на талерцы. Нельгя таксама было нешта рэзаць – хлеб ламалі рукамі. 

Калінавік гэты дзень называецца таму, што збіралі саспелыя ягады каліны і рабілі з іх кісель, дадавалі ў пірагі і кашы.

Пачынаецца бабіна лета – крыху цяплее, радзей ідуць восеньскія дажджы. Ёсць меркаванне, што "бабіным" гэты перыяд называецца таму, што ў гаспадарцы пачыналіся жаночыя справы: трэба было сабраць садавіну і гародніну, высушыць і спрасці лён і каноплі.

У гэты час, які доўжыўся звычайна два-тры тыдні, пакуль прыгожа і сонечна, імкнуліся справіць вяселлі.

190
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей (324)
Які сёння дзень: 15 жніўня 2020 года

Які сёння дзень: 15 жніўня 2020 года

113
(абноўлена 10:21 12.08.2020)
Гэты дзень з'яўляецца дзвесце дваццаць сёмым па Грыгарыянскім календары, да канца года застаецца 138 дзён.

А вы ведалі, што сёння ў Беларусі адзначаецца Дзень археолага? Якія яшчэ падзеі адбыліся 15 жніўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 15 жніўня

  • У 1390 годзе Бярэсце атрымала магдэбургскае права.
  • У 1483 годзе адбылося святочнае адкрыццё Сіксцінскай капэлы.
  • У 1945 годзе Японія пасля атамнай бамбардыроўкі Хірасімы і Нагасакі і аб'яўлення Савецкім саюзам вайны аб’явіла капітуляцыю.

Хто нарадзіўся 15 жніўня

  • 1831 год: Вінцэсь Каратынскі, беларускі паэт і журналіст.
  • 1927 год: Аляксандр Крывіцкі, беларускі мовазнаўца.
  • 1960 год: Ігар Варашкевіч, беларускі музыка, лідар гурта "Крама".

Таксама ў гэты дзень нарадзіліся французскі імператар Напалеон Банапарт, англійскі пісьменнік Вальтэр Скот і амерыканскі акцёр Бен Афлек.

15 жніўня ў народным календары

У гэты дзень праваслаўныя шануюць памяць вялебнага Васіля Спаса-Кубенскага, якога ў народзе клічуць Базыль. Кажуць: "Базыль авечкам воўну дае". Авец у Беларусі пачыналі стрыгчы ўвосень. Авечая воўна, як і лён, была асноўнай сыравінай для ткацтва.

Успамінаюць і святога першапакутніка Стэфана (Сцяпана). Па 15 жніўня вызначалі, якім будзе надвор'е напачатку восені: "Які Сцяпан, такі верасень". Святы Сцяпан вядомы як заступнік канёў, таму ў гэты дзень касілі атаву і нарыхтоўвалі сена. Да каня-кармільца сяляне заўсёды ставіліся з вялікай павагай, а ў гэты дзень асабліва: трэба было напаіць яго "праз срэбра", то бок паклаўны нешта срэбнае ў ваду. Звычайна гэта была дробная манетка, якую потым хавалі ў стайні. Такім чынам каня аберагалі ад сурокаў і хваробаў.

Каталікі 15 жніўня святкуюць Унебаўзяцце (Успенне) Божай Маці – Прачыстую. Існуе прымаўка: "Прыйшла Прачыста – стала поле чыста", гэта значыць, працы ў полі па ўборцы ўраджаю да гэтага часу ўжо набліжаліся да завяршэння. Таксама Божаю Маці называлі Зёльнай і ішлі ў гэты дзень у царкву асвячаць сабраную садавіну, збожжа, а таксама лекавыя травы і кветкі.

113
Тэги:
народны каляндар, які сёння дзень
Тэмы:
Які сёння дзень: каляндар знакавых падзей (324)
Які сёння дзень: 14 жніўня 2020 года

Які сёння дзень: 14 жніўня 2020 года

210
(абноўлена 11:50 11.08.2020)
Гэты дзень з'яўляецца дзвесце дваццаць сёмым па Грыгарыянскім календары, да канца года застаецца 139 дзён.

У гэты дзень была падпісаная Крэўская унія. Якія яшчэ падзеі адбыліся 14 жніўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 14 жніўня

Хто нарадзіўся 14 жніўня

  • 1794 год: Міхал Балінскі, беларускі гісторык і публіцыст.
  • 1882 год: Аляксандр Мікульчык, беларускі паэт.
  • 1925 год: Сяргей Міхальчук, беларускі празаік, перакладчык.
  • 1965 год: Алена Купчына, беларускі дыпламат.

Таксама ў гэты дзень нарадзіліся канадскі пісьменнік, прыродазнавец, мастак-анімаліст Эрнест Сетан-Томпсан, англійскі пісьменнік, лаўрэат Нобелеўскай прэміі па літаратуры Джон Галсуорсі і амерыканская кінаактрыса Міла Куніс.

14 жніўня ў народным календары

Сёння адзначаецца Мядовы Спас — пачынаецца Успенскі пост. Таксама ў гэты дзень шануюць сем святых пакутнікаў Макавеяў, адкуль другая назва гэтага свята – Макавей. 

Пчаляры пачынаюць збіраць мёд – "заломваюць соты". Іх потым свецяць у царкве, дзе пакідаюць частку мёду і частуюць жабракоў, адсюль прымаўка: "Сёння і жабрак мядку паесць". На Першы Спас таксама свецяць ваду: калодзежы, ручаі, рэкі, таму іншая яго назва – Спас на вадзе. Свячонай вадой акрапляюць хворых і дамашні скот. Гэты дзень лічыўся добрым для капання калодзежаў, іншыя цяжкія справы забараняліся.

Раніцай дзяўчыны ўмывалі твары расой, каб захаваць прыгажосць. "Ад першага Спаса халодныя росы" – блізка ўжо восень.

Гаспадыні ў гэты дзень рабілі пірагі з макам, а ўвечары ў хаце збіралася моладзь – танцаваць і спяваць песні. Дзяўчыны варажылі: "Макавею, Макавею, я на цябе канапелькі сею. Скажы, Макавею, дзе мая пара, каб я з ім у гэтую ноч канапельку брала".

210
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей (324)
Прафесар, доктар біялагічных навук, загадчык лабараторыі Новасібірскага дзяржаўнага універсітэта Сяргей Няцёсаў

Пакуль не забыліся: другая хваля COVID-19 узнікне невыпадкова - вірусолаг

0
(абноўлена 09:54 15.08.2020)
Другая хваля каронавіруса ўжо пачала ўзнікаць у тых краінах і рэгіёнах, дзе мясцовыя ўлады аб'яўляюць аб палягчэнні супрацьэпідэмічных мер, і людзі значна менш носяць маскі, кажа аўтарытэтны расійскі вірусолаг Сяргей Няцёсаў.
Вторая волна COVID-19 возникнет неслучайно ― вирусолог

Нагадаем, раней прэм'ер-міністр РФ Міхаіл Мішусцін заявіў, што медыцынскія спецыялісты аднымі з першых атрымаюць новую вакцыну ад COVID-19, што знізіць рызыкі захворвання.

У дадзеным выпадку гаворка можа ісці аб так званых "клінічных выпрабаваннях трэцяй фазы", калі будуць вакцынавацца групы людзей з высокай рызыкай захварэць, растлумачыў на радыё Sputnik прафесар, доктар біялагічных навук, загадчык лабараторыі біятэхналогіі і вірусалогіі Факультэта натуральных навук Новасібірскага дзяржаўнага ўніверсітэта Сяргей Няцёсаў.

"Як правіла, гэта робіцца ў мясцовасці з высокай рызыкай захворвання або для груп насельніцтва з павышанай рызыкай заражэння. У шэрагу краін у якасці такіх груп выбіраюцца медыцынскія работнікі. У Расіі такім рэгіёнам можа стаць Масква", - распавёў Няцёсаў.

Другая хваля невыпадковая

Магутнасці для вытворчасці вакцын ў Расіі маюцца, як мінімум некалькі мільёнаў вакцын у месяц можа выпускацца, мяркуе вірусолаг. Аднак верагодна, што "гэта будзе 10-15 мільёнаў у год, і на працягу года-паўтара Расію можна будзе забяспечыць тымі вакцынамі, якія будуць эфэктыўнымі", лічыць Няцёсаў.

Акрамя таго, спецыяліст растлумачыў і ўзнікненне другой хвалі COVID-19, па словах Няцёсава, "другая хваля ўзнікне ў краінах невыпадкова, там урады абвясцілі аб палягчэнні мер, людзі сталі значна менш насіць маскі ў месцах агульнага карыстання, і менавіта гэта выклікала другую хвалю, а не нейкія там міфічныя іншыя рэчы".

"Калі мы хочам, каб хвалі не было, ні ў якім разе ніякіх масак здымаць нельга, трэба працягваць насіць маскі, мыць рукі і рабіць гэта да таго часу, пакуль вам не паставяць вакцыну, і не забываць пра тое, што ў чалавека ёсць такая ўласцівасць - прыкладна раз 20 у гадзіну абавязкова трэба рукамі памацаць твар, вось гэта трэба не забываць, пакуль вы рукі не пацерлі, гэтага не рабіць", - кажа Няцёсаў.

0
Тэги:
каронавірус
Тэмы:
Каронавірус COVID-19