Беларусь. Журавінавае сэрца. Мая планета, адзінкавыя фотаздымкі

Які сёння дзень: 14 лютага 2020 года

199
(абноўлена 10:12 10.02.2020)
Гэты дзень з'яўляецца сорак пятым па грыгарыянскім календары, але гэты год вісакосны, таму да канца года застаўся 321 дзень.

Сёння святкуецца Дзень усіх закаханых. Якія яшчэ падзеі адбыліся 14 лютага і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 14 лютага

  • У 1950 годзе быў падпісаны савецка-кітайскі дагавор аб сяброўстве і ўзаемнай дапамозе.
  • У 1956 годзе пачаўся XX з’езд КПСС, дзе Мікіта Хрушчоў асудзіў культ асобы Сталіна.

Хто нарадзіўся 14 лютага

  • 1800 год: Валянцін Ваньковіч, беларускі мастак.
  • 1906 год: Мікалай Улашчык, беларускі гісторык і археограф.
  • 1907 год: Алесь Звонак, беларускі паэт.
  • 1913 год: Віталь Канстанцінавіч Цвірка, беларускі жывапісец, народны мастак БССР.

Таксама сёння нарадзіліся рускі кампазітар Аляксандр Даргамыжскі і нямецкі філосаф Макс Хоркхаймер.

14 лютага ў народным календары

Сёння праваслаўныя вернікі шануюць памяць пакутніка Трыфана. У народзе яго называюць Трыфан-перазімнік або Трыфан-мышагон. Гэта звязана з паданнем, па якому ў дзяцінстве Трыфан пазбавіў вёску, у якой жыў, ад нашэсця шкоднікаў. Таксама Трыфан мог ацаляць хворых і выганяць бесаў.

У гэты дзень дзяўчыны па птушках варажылі, які ў іх будзе муж. Калі ўбачыць пару сініц – добрым і вясёлым, варон – старэй за яе і жосткім, сарок – балбатлівы і легкадумны.

Калі на Трыфана доўгія ледзяшы, лён таксама вырасце доўгі. Марозны дзень прадвяшчае познюю і халодную вясну, а снегапад – дажджлівую.

199
Тэги:
народны каляндар, які сёння дзень
Тэмы:
Які сёння дзень: каляндар знакавых падзей (328)
Дабравешчанне

Які сёння дзень: 7 красавіка 2020 года

67
(абноўлена 15:39 06.04.2020)
Гэты дзень з'яўляецца дзевяноста восьмым па грыгарыянскім календары, да канца года засталося 268 дзён.

Сёння праваслаўныя вернікі святкуюць Дабравешчанне. Якія яшчэ падзеі адбыліся 7 красавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 7 красавіка

  • У 1992 годзе Беларусь устанавіла дыпламатычныя адносіны з Латвіяй.

Хто нарадзіўся 7 красавіка

  • 1947 год: Валерый Славук, беларускі мастак.

Таксама сёння нарадзіліся французскі паэт Шарль Бадлер, амерыканская джазавая спявачка Білі Холідэй, амерыканскі кінарэжысёр Фрэнсіс Форд Копала і ганконгскі і амерыканскі акцёр Джэкі Чан.

7 красавіка ў народным календары

Сёння праваслаўныя вернікі святкуюць Дабравешчанне Прасвятой Багародзіцы. У гэты дзень архангел Гаўрыіл прыйшоў да Марыі са звесткай, што яна прывядзе ў свет Сына Божага.

Дзева Марыя была дачкой праведных Анны і Іакава і да 14 гадоў выхоўвалася ў храме. Пасля яна павінна была вярнуцца да бацькоў або абрацца шлюбам, але дзяўчына вырашыла захаваць цнатлівасць. У царкве для яе знайшлі праведнага чалавека – Іосіфа, які павінен быў клапаціцца пра яе.

Дабравешчанне адзначаецца за 9 месяцаў да Каляд.

У Беларусі ў гэты дзень шанавалі буслоў, якія вырталіся з выраю ў свае гнёзды.

Лічылася, якое надвор'е будзе на Дабравешчанне, такое і на Вялікдзень. Калі у гэты дзень быў туман або вецер, год чакалі ўраджайны. Туман таксама прадвяшчаў паводку.

67
Тэги:
народны каляндар, які сёння дзень, Дабравешчанне Прасвятой Багародзіцы
Які сёння дзень: 6 красавіка

Які сёння дзень: 6 красавіка 2020 года

197
(абноўлена 22:51 05.04.2020)
Гэты дзень з'яўляецца дзевяноста сёмым па грыгарыянскім календары, да канца года засталося 269 дзён.

Сёння адзначаецца Міжнародны дзень спорта на карысць міру і развіцця. Якія яшчэ падзеі адбыліся 6 красавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 6 красавіка

  • У 1955 годзе выйшаў першы нумар газеты "Голас Радзімы".
  • У 1992 годзе Беларусь устанавіла дыпламатычныя адносіны з Эстоніяй.

Хто нарадзіўся 6 красавіка

  • 1904 год: Мікола Хведаровіч, беларускі паэт.
  • 1910 год: Барыс Кіт, навуковец, актыўны дзеяч беларускай эміграцыі.
  • 1951 год: Алег Яноўскі, беларускі гісторык

Таксама сёння нарадзіліся мастак Рафаэль і расійскі філосаф і публіцыст Аляксандр Герцэн.

6 красавіка ў народным календары

Сёння праваслаўныя вернікі шануюць памяць вялебнага Захарыя манаха і Захарыя, посніка Пячэрскага, свяціцеля Арцемія і вялебнага Іакава.

6 красавіка - пярэдадне свята Дабравешчанне, да якога заўсёды старанна рыхтаваліся: прыбіралі ў хаце, гатавалі святочную ежу. У храмах у гэты дзень праводзіцца ўсяночная.

Калі ў гэты дзень ішоў дождж, лічылася, гэты год будзе добры для дамашніх жывёл.

197
Тэги:
народны каляндар, які сёння дзень
Тэмы:
Які сёння дзень: каляндар знакавых падзей (328)
(0:41 / 5.29Mb / просмотров видео: 1186)

Падняцца на Рэйхстаг: цяпер кожны можа стаць сцяганосцам віртуальна

0
(абноўлена 13:32 07.04.2020)
Пакуль зачыненыя межы, і на Рэйхстаг доступу няма, сучасныя тэхналогіі дазволілі зрабіць гэта віртуальна, прычым у ролі сцяганосца савецкай арміі. Як гэта адбываецца - глядзіце на відэа.

Падняцце сцягоў Чырвонай арміі над Рэйхстагам зараз даступна ў фармаце VR-рэканструкцыі - у рамках праекта "Невядомы сцяганосец", які створаны сумесна Грамадскім грамадзянска-патрыятычным рухам "Бессмяротны полк Расіі" і РІА "Новости" пры падтрымцы медыягрупы "Чырвоны квадрат".

Праект падрыхтаваны да 75-годдзя Вялікай Перамогі і ў фармаце віртуальнай рэальнасці распавядае аб устанаўленні на Рэйхстаг сцягоў Чырвонай арміі, аб сімвалічным і стратэгічным значэнні спецаперацыі "Сцяг Перамогі", у якой планава і стыхійна прымалі ўдзел дзясяткі штурмавых груп і байцоў-адзіночак.

У праекце, які выкананы ў тэхналогіі VR-рэканструкцыі, прадстаўлена гісторыя 12 сцягоў, а таксама груп чырвонаармейцаў, якія імкнуліся і змаглі ўсталяваць свае сцягі над Рэйхстагам.

Праект узнаўляе падзеі 30 красавіка - 2 мая 1945 года. У першай сцэне праекта карыстальнік аказваецца "у целе" аднаго з байцоў Чырвонай арміі, яго задача - усталяваць Сцяг Перамогі. У другой распавядаецца гісторыя цэлага тузіна чырвоных сцягоў, якія развязаліся над зрынутай сталіцай Трэцяга рэйха падчас і пасля баёў. У эпілогу прадстаўлена сцэна-метафара вызваленай ад нацызму Еўропы.

Агучвалі праект вядомыя расійскія артысты Ягор Бяроеў, Віктар Дабранраваў, Ігар Пятрэнка, Максім Дземчанка. У запісе прыняў удзел тэлевядучы, генеральны дырэктар МІА "Россия сегодня" Дзмітрый Кісялёў.

"Для працы мы выкарыстоўвалі вялікую колькасць архіўных матэрыялаў, фотаздымкаў, дакументальнай здымкі. Увесь дах Рэйхстага цалкам нам прыйшлося ўзнаўляць па чарцяжах і абрывачных малюнках, - распавяла намеснік галоўнага рэдактара МИА "Россия сегодня" Наталля Лосева. - Я рада, што нам удалося па кавалачках сабраць нейкую частку асабістых гісторый байцоў і груп. Гэта ж тычыцца гісторыі сцягоў, абставінаў баявых дзеянняў тых дзён".

"Адкрываючы новыя старонкі гісторыі, асабліва звязаныя з пераможным завяршэннем страшнай вайны, мы яшчэ глыбей апускаемся не проста ў мінулае, а ў тую рэальнасць, у якой жылі нашы бабулі і дзядулі. Яны не шкадавалі свайго жыцця і здароўя дзеля сваіх унукаў. Каб яны маглі намі ганарыцца, кожны з нас павінен быць сцяганосцам ў добрых мэтах і ў працы, - лічыць кіраўнік Выканкама руху "Бессмяротны полк Расіі" Арцём Хутарскі. - Інтэрактыўны праект "Невядомы сцяганосец" - гэта частка вялікага праекту "Сцяганосцы Перамогі".

"Аб Перамозе можна расказваць рознай мовай, у тым ліку з дапамогай такіх імерсіўных, высокатэхналагічных праектаў, - адзначыў генеральны дырэктар "Чырвонага квадрата" Ілля Крывіцкі. - Зараз канкурэнцыя за ўвагу аўдыторыі асабліва высокая, і маладых людзей, дзяцей трэба ўражваць, дзівіць, каб прымусіць спыніцца і задумацца. Магчыма, паглядзеўшы "Невядомага сцяганосца", хтосьці ўпершыню вырашыць прачытаць кнігу пра вайну ці паглядзіць гістарычны фільм. Увогуле, такія праекты - гэта свайго роду працэс выхавання, пытанне культуры".

Праект "Невядомы сцяганосец" працягвае серыю эксперыментаў МІА "Россия сегодня" ў галіне высокатэхналагічнай журналістыкі. Ён даступны ў дадатку РІА.Lab, які можна спампаваць на прылады з iOS ў AppStore і Android у Google Play у дадатку. Для прагляду карыстачу неабходныя акуляры віртуальнай рэальнасці любога фармату, уключаючы кардонныя. Таксама даступны прагляд без кардборда ў рэжыме 360.

РІА "Новости" - флагманскі інфармацыйны рэсурс медыягрупа "Россия сегодня". Агенцтва з'яўляецца самым цытуемым сярод расійскіх СМІ і ў сацсетках. Сайт RIA.ru чытаюць каля чатырох з паловай мільёнаў карыстальнікаў штодня, што выводзіць рэсурс у лідары сярод усіх навінавых парталаў Рунэту. Карэспандэнцкая сетка агенцтва ахоплівае больш за 100 гарадоў свету. Сукупная аўдыторыя РІА "Новости" ў сацыяльных сетках Facebook, Twitter, УКантакце, Аднакласнікі, Instagram, G + і Youtube складае каля дзевяці мільёнаў падпісчыкаў.

Агульнарасійски грамадски грамадзянска-патрыятычны рух "Бессмяротны полк Расіі" быў створаны 30 верасня 2015 года. Яго задача - увекавечанне подзвігу салдат Вялікай Айчыннай вайны, захаванне памяці аб доблесці і гераізме народа, асэнсаванне вопыту гераічных продкаў, аднаўленне пераемнасці пакаленняў. Афіцыйны сайт: http://polkrf.ru.

0
Тэги:
МІА "Россия сегодня", Вялікая Айчынная вайна