Які сёння дзень: 23 красавіка

Які сёння дзень: 23 красавіка 2020 года

206
(абноўлена 15:14 20.04.2020)
Гэты дзень з'яўляецца сто чатырнаццатым па грыгарыянскім календары, да канца года засталося 252 дні.

Сёння адзначаецца Сусветны дзень кніг і аўтарскага права і Міжнародны дзень англійскай мовы. Якія яшчэ падзеі адбыліся 23 красавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 23 красавіка

  • У 1586 годзе горад Нясвіж атрымаў магдэбургскае права і герб.
  • У 1794 годзе ўтварылася Найвышэйшая літоўская рада - рэвалюцыйны ўрад ВКЛ падчас паўстання Т. Касцюшкі.
  • У 1917 годзе спектаклямі "Паўлінка" Я. Купалы і "У зімовы вечар" паводле Э. Ажэшкі ў Мінску адкрылася Першае беларускае таварыства драмы і камедыі.

Хто нарадзіўся 23 красавіка

  • 1886 год: Змітрок Бядуля, беларускі пісьменнік.
  • 1913 год: Рыгор Рэлес, беларускі пісьменнік і паэт, які пісаў на ідыш.
  • 1904 год: Паўлюк Трус, беларускі паэт.
  • 1934 год: Уладзімір Конан, беларускі філосаф, гісторык, літаратурны крытык.

Таксама сёння нарадзіліся англійскі драматург і паэт Уільям Шэкспір і французскі пісьменнік  Марыс Друон.

23 красавіка ў народным календары

Сёння праваслаўныя вернікі шануюць памяць пакутніка Цярэнція.

У гэты дзень гадалі, якімі будуць наступныя тры месяцы. Для гэтага трэба было паглядзець у вакно – каго першым убачылі, такі будзе лёс. Так, убачыць маладых людзей значыла спакойнае і добрае жыццё, старых – наадварот, хваробы і няўдачу. Самым дрэнным лічылася ўбачыць калеку – гэты значыць, страціць каго-небудзь з сям'і. Птушкі абяцалі новыя знаёмствы і важныя весткі, сабака сведчыў пра гора, а кот – што ў хаце з'явяцца грошы.

Ранішні туман 23 красавіка прадвяшчаў дажджлівы дзень. Сонейка абяцала добрае надвор'е на наступныя дні, якое спрыяе сельскагаспадарчым працам.

206
Тэги:
народны каляндар, які сёння дзень
Тэмы:
Які сёння дзень: каляндар знакавых падзей (329)
Які сёння дзень: 27 мая 2019 года

Які сёння дзень: 27 мая 2020 года

168
(абноўлена 17:05 25.05.2020)
Гэты дзень з'яўляецца сто сорак восьмым па грыгарыянскім календары, да канца года засталося 218 дзён.

Якія падзеі адбыліся 27 мая і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 27 мая

  • У 1634 годзе ў вёсцы Палянава пачаліся перамовы між прадстаўнікамі Рэчы Паспалітай і Расіі аб заканчэнні вайны 1632—1634 гадоў.
  • У 1991 годзе ў Мінску завяршыўся I Міжнародны кангрэс беларусістаў.

Хто нарадзіўся 27 мая

  • 1895 год: Ігнат Дварчанін, беларускі грамадска-палітычны дзеяч, скарыназнаўца.
  • 1900 год: Уладзімір Жылка, беларускі паэт.
  • 1931 год: Васіль Жураўлёў, беларускі літаратуразнаўца.
  • 1932 год: Анатоль Сабалеўскі, беларускі тэатразнаўца і педагог.
  • 1937 год: Міхаіл Біч, беларускі гісторык.
  • 1957 год: Алег Латышонак, беларускі гісторык.

Таксама сёння нарадзіліся амерыканская танцоўшчыца Айседора Дункан і іспанская спявачка Ана Белен.

27 мая ў народным календары

Сёння праваслаўныя вернікі шануюць памяць святога Ісідора, якога ў народзе звалі проста Сідар.

Святога Сідара празвалі Агурочнік, таму што па надвор'ю ў гэты дзень вызначалі, які будзе ўраджай агуркоў. Калі ўвесь дзень было ясна, то агуркоў будзе шмат, а калі ідзе дождж – мала і яны будуць вадзяністыя.

Таксама ў гэты дзень сеялі лён. Калі вецер дзьмуў з севера, саджаць агуркі было яшчэ нельга.

Халодны дзень прадвяшчаў халоднае і непагодлівае лета.

168
Тэги:
народны каляндар, які сёння дзень
Тэмы:
Які сёння дзень: каляндар знакавых падзей (329)
Камар

Які сёння дзень: 26 мая 2020 года

55
(абноўлена 17:04 25.05.2020)
Гэты дзень з'яўляецца сто сорак шостым па грыгарыянскім календары, да канца года засталося 219 дзён.

Якія падзеі адбыліся 26 мая і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 26 мая

  • У 1926 годзе пачало дзейнасць у БССР літаратурнага аб’яднання "Узвышша".
  • У 1926 годзе быў заснаваны Беларускі інстытут гаспадаркі і культуры (БІГіК) у Вільні.
  • У 1976 годзе ў Мінску ўстаноўлены мемарыяльны знак у гонар Тараса Шаўчэнкі.
  • У 1992 годзе Беларусь устанавіла дыпламатычныя адносіны з Ізраілем.

Хто нарадзіўся 26 мая

  • 1910 год: Эдзі Рознер, джазавы трубач, заслуджаны артыст Беларусі.
  • 1958 год: Аляксандр Кушнярэвіч, беларускі археолаг.

Таксама сёння нарадзіліся амерыканскі акцёр Джон Уэйн і джазавы музыкант Майлс Дэйвіс.

26 мая ў народным календары

Сёння праваслаўныя вернікі шануюць памяць пакутніцы Глікерыі Іраклійскай, якую ў народзе празвалі Лукер'я камарніца, таму што ў гэты перыяд з'яўляюцца першыя камары.

Калі да 26 мая камары ўжо лятаюць, значыць, летам будзе шмат ягад. Таксама ў народзе верылі, што ўбачыць вялікага камара абяцае добры год. А калі камароў мала і яны маленькія – гэта дрэнна, бо будзе мала аўса і травы.

55
Тэги:
народны каляндар, які сёння дзень
Тэмы:
Які сёння дзень: каляндар знакавых падзей (329)
Медсястра ў рэанімацыйным аддзяленні, архіўнае фота

Колькі ўрачоў і медсясцёр не хапае ў Беларусі

0
(абноўлена 17:37 27.05.2020)
Пэўны дэфіцыт назіраецца сярод медработнікаў усіх звёнаў - ад санітараў да ўрачоў-спецыялістаў.

МІНСК, 27 мая - Sputnik. Больш за сем тысяч вакансій для медыцынскіх работнікаў адкрыты сёння ў Беларусі, сведчаць дадзеныя Дзяржаўнай службы занятасці.

Рынак працы Беларусі традыцыйна адчувае пэўны дэфіцыт медыцынскіх работнікаў: вялікая колькасць вакансій для такіх спецыялістаў рэгіструецца ў рэспубліканскім банку вакансій пастаянна.

Па дадзеных на 27 мая, у Беларусі не хапае больш за сем тысяч медработнікаў. Часцей за ўсё патрабуюцца ўрачы - іх чакаюць 3230 працоўных месцаў.

Максімальны заробак, абяцаны ўрачу-спецыялісту, пачынаецца ад двух тысяч рублёў. Пры гэтым у пераважнай большасці (2823 вакансіі) даходы будуць больш за тысячу рублёў, а ў 785 - ніжэй за 500 рублёў.

Нямала адкрыта вакансій і на пасаду медыцынская сястра-спецыяліст: 3181. Максімальны заробак - ад 1,5 тысячы рублёў, пры гэтым больш чым палове (1759) абяцаюць заробак ніжэй за 500 рублёў.

Нарэшце, Беларусі патрабуюцца 1372 санітара. Максімальны даход - 1200 рублёў. У большасці ж (1022 вакансіі) магчымы заробак складзе да 500 рублёў.

Адзначым, што прыкметнае колькасць вакансій мяркуе працу не на поўную стаўку - гэтым можна часткова растлумачыць такую колькасць месцаў з вельмі нізкімі даходамі.

Паводле звестак Белстата, у красавіку сярэдні заробак у сферы аховы здароўя ў Беларусі склала 1056,9 рубля, з пачатку года яна вырасла на 17%.

0
Тэги:
Медыцына (навука), Беларусь