Які сёння дзень: 21 чэрвеня 2020 года

Які сёння дзень: 21 чэрвеня 2020 года

93
(абноўлена 11:38 19.06.2020)
Гэты дзень з'яўляецца сто семдзесят трэцім па грыгарыянскім календары, да канца года засталося 193 дні.

Сёння Дзень летняга сонцастаяння. Якія падзеі адбыліся 21 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 21 чэрвеня

  • У 1663 годзе ў Мастах завяршыліся перамовы караля і вялікага князя Яна Казіміра з вайсковай канфедэрацыяй, якой была выплачана запазычанасць у суме 19 млн злотых.

Хто нарадзіўся 21 чэрвеня

  • 1864: Аляксандр Сержпутоўскі, беларускі этнограф і фалькларыст.
  • 1908: Павел Шыдлоўскі, дзеяч самадзейнага мастацтва, заснавальнік Прысынкаўскага хору — старэйшага беларускага хору ў Заходняй Беларусі, кампазітар.

Таксама сёння нарадзіліся французскі філосаф-экзістэнцыяліст  Жан-Поль Сартр, рускі савецкі паэт Аляксандр Твардоўскі і савецкі і расійскі музыкант, лідар рок-гурта "Кіно" Віктар Цой.

21 чэрвеня ў народным календары

Сёння праваслаўныя вернікі шануюць памяць вялікапакутніка Феадора Страцілата, заступніка праваслаўных воінаў.

У народзе святога празвалі Фёдарам Калодзежнікам. У гэты дзень асабліва шанавалі майстроў, якія будавалі калодзежы. Яны ведалі, як знайсці падземныя ключы, як збудаваць сруб і на якую глыбіню капаць калодзеж. Адпаведна, 21 чэрвеня лічылася добрым днём для будавання калодзежа.

Акрамя таго, сёння самая кароткая ноч у годзе. Гэты дзень атрымаў назву Летняга санцастаяння і шырока святкаваўся не толькі ў Беларусі. Людзі палілі вогнішчы і скакалі праз іх, каб ачысціцца і знайсці сваё шчасце. 

Калі ў гэты дзень навальніца і грымоты вельмі громкія, непагадзь будзе яшчэ некалькі дзён. Калі ж да поўдня раса не высахла, дождж не пойдзе.  

93
Тэги:
народны каляндар, які сёння дзень
Тэмы:
Які сёння дзень: каляндар знакавых падзей (322)
(1:34 / 11.16Mb / просмотров видео: 4277)

Дзень вызвалення Мінска: 3 ліпеня ў архіўных кадрах

172
(абноўлена 12:30 03.07.2020)
3 ліпеня 1944 года савецкія войскі вызвалілі Мінск ад нямецка-фашысцкіх захопнікаў, сучасная Беларусь адзначае ў гэты дзень свята Незалежнасці. Глядзіце архіўныя кадры вызвалення беларускай сталіцы.

Беларусь тры гады знаходзілася пад акупацыяй нацыстаў. Захопнікі за гэты час знішчылі больш за дзвесце вёсак і паўтара мільёна мірных грамадзян, у Германію было вывезена чатырыста тысяч беларусаў.

Вызваленне рэспублікі адбывалася ў ходзе найбуйнейшай з ваенных аперацый у гісторыі — "Баграціён". Гэтаму папярэднічала яшчэ адна аперацыя, праведзеная партызанскімі злучэннямі рэспублікі — "Рэйкавая вайна".

Аперацыя "Баграціён" пачалася роўна праз тры гады пасля пачатку Вялікай Айчыннай — 22 чэрвеня. У гэты дзень савецкая армія, прарваўшы абарону суперніка, выйшла на аператыўны прастор. У ноч на 2 ліпеня танкавыя часткі прарваліся да ўскраіны Мінска, а на наступны дзень сталіца Беларусі была вызвалена.

Пасля вызвалення па вуліцах Мінска правялі калоны палонных немцаў, захопленых падчас баёў пад сталіцай.

172
Тэги:
Вялікая Айчынная вайна (1941-1945), Дзень Незалежнасці Рэспублікі Беларусь, Мінск, Беларусь
Які сёння дзень: 3 ліпеня 2020 года

Які сёння дзень: 3 ліпеня 2020 года

48
(абноўлена 10:51 30.06.2020)
Гэты дзень з'яўляецца сто восемдзесят пятым па грыгарыянскім календары, да канца года застаўся 181 дзень.

Сёння ў Беларусі адзначаецца Дзень незалежнасці Рэспублікі Беларусь (Дзень Рэспублікі). Якія яшчэ падзеі адбыліся 3 ліпеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 3 ліпеня

  • У 1410 годзе злучаныя польска-літоўскія войскі пад кіраўніцтвам Уладзіслава II Ягайлы рушылі да мяжы Тэўтонскага ордэна.
  • У 1941 годзе ўпершыню пасля пачатку вайны Іосіф Сталін выступіў з радыёзваротам да савецкага народа.
  • У 1944 годзе адбылося вызваленне Мінска ад нацысцкіх захопнікаў.

Хто нарадзіўся 3 ліпеня

  • 1876 год: Алаіза Пашкевіч, беларуская паэтэса, грамадскі дзеяч.
  • 1918 год: Рыгор Бярозкін, беларускі літаратуразнавец
  • 1958 год: Генадзь Лаўрэцкі, беларускі архітэктар і гісторык архітэктуры.

Таксама сёння нарадзіліся нямецкі пісьменнік Франц Кафка і амерыканскі акцёр Том Круз.

3 ліпеня ў народным календары

Сёння праваслаўныя вернікі шануюць памяць святапакутніка Мефодзія, епіскапа Патарскага.

У гэты час пачыналася паляванне на перапёлак, якія зляталіся на поле, дзе амаль ужо паспела жыта.

Па народных прыкметах, калі дождж пачнецца на Мефодзія, ён будзе ісці яшчэ 40 дзён. Калі ж заўважалі павуков, якія плятуць павуцінне, гэта значыла, што надвор'е палепшыцца. Пра тое ж самае сведчылі спевы птушак і аблокі, якія плывуць высока над зямлёй.  

48
Тэги:
народны каляндар, які сёння дзень
Тэмы:
Які сёння дзень: каляндар знакавых падзей (322)
Прэзідэнт Расіі Уладзімір Пуцін

Папраўкі ў Канстытуцыю Расіі ўвойдуць у сілу 4 ліпеня

0
(абноўлена 17:29 03.07.2020)
Расійскі прэзідэнт заклікаў не страціць каштоўныя прапановы, якія не ўвайшлі ў Канстытуцыю.

МІНСК, 3 ліп - Sputnik. Канстытуцыя Расійскай Федэрацыі з унесенымі ў яе папраўкамі ўвойдзе ў сілу 4 ліпеня. Дату вызначыў прэзідэнт РФ Уладзімір Пуцін сваім указам, які быў апублікаваны ў пятніцу на афіцыйным партале прававой інфармацыі.

Галасаванне па папраўках (было прапанавана 206 паправак) да расійскай Канстытуцыі праходзіла з 25 чэрвеня па 1 ліпеня. Сёння кіраўнік ЦВК РФ Эла Памфілава абвясціла канчатковыя дадзеныя плебісцыту: 77,92% тых, хто прагаласаваў падтрымалі змены, супраць выказаліся 21,27%.

"Папраўкі ў Канстытуцыю Расійскай Федэрацыі (...) ўступаюць моц 4 ліпеня 2020 года", - гаворыцца ў тэксце ўказу.
Расійскі прэзідэнт у ходзе сустрэчы з рабочай групай па падрыхтоўцы паправак у Канстытуцыю падкрэсліў, што "людзі сэрцам адчулі, што тое, што было прапанавана самімі грамадзянамі Расіі, рабочай групай, дэпутатамі парламента, запатрабавана і трэба краіне".

Разам з тым ён звярнуў увагу, што ўсе "ўпакаваць" у канстытуцыю немагчыма, але іншыя каштоўныя прапановы ад людзей павінны быць рэалізаваныя.

"Усе спакаваць у канстытуцыю практычна не магчыма, нерэальна, ды і па сутнасьці не трэба, гэта не канстытуцыйны ўзровень. Але прапановы, якія паступілі ад людзей, якія мы не можам ўлічыць ў канстытуцыі і якія ўяўляюць з сябе безумоўную каштоўнасць для грамадства, гэтыя прапановы, без усялякіх сумневаў, павінны быць рэалізаваныя. альбо ў законах, альбо ў падзаконных актаў", - сказаў Пуцін.

"Галоўнае, каб нам нічога не страціць з таго, што людзі напрацавалі і прапанавалі карыснага для краіны", - дадаў прэзідэнт.

0
Тэги:
Канстытуцыя, Расія