Які сёння дзень: 8 жніўня 2020 года

Які сёння дзень: 8 жніўня 2020 года

156
(абноўлена 10:46 30.07.2020)
Гэты дзень з'яўляецца дзвесце дваццаць першым па Грыгарыянскім календары, да канца года застаецца 145 дзён.

Дзевяноста дзевяць гадоў таму падчас польска-савецкай вайны польскія войскі занялі Мінск. Якія яшчэ падзеі адбыліся 8 жніўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 8 жніўня

  • У 1655 годзе маскоўскія войскі ў ходзе вайны з Рэччу Паспалітай занялі Вільню.
  • У 1794 годзе пачалася двухдзённая атака расійскіх войскаў на Вільню.
  • У 1919 годзе польскія войскі занялі Мінск.
  • У 1925 годзе пад рэдакцыяй Язэпа Туркевіча выдадзеная газэта-аднадзёнка "Селянін".
  • У 2006 годзе ўсталяваныя дыпламатычныя зносіны паміж Беларуссю і Чарнагорыяй.

Хто нарадзіўся 8 жніўня

  • 1882 год: Уладзіслаў Старэвіч, рэжысёр-аніматар беларускага паходжання.
  • 1912 год: Аркадзь Чарнышэвіч, беларускі пісьменнік.
  • 1926 год: Аляксандр Надсан, беларускі рэлігійны дзеяч, дырэктар Беларускай бібліятэкі і музея імя Францішка Скарыны ў Лондане.
  • 1953 год: Уладзімір Пракапцоў, беларускі мастак, генеральны дырэктар Нацыянальнага мастацкага музея Рэспублікі Беларусь.

Таксама ў гэты дзень нарадзіліся прэм’ер-міністр Вялікабрытаніі Джон Расэл, амерыканскі кінаакцёр Дасцін Хофман і адзін з заснавальнікаў квантавай мэханікі, брытанскі фізык-тэарэтык Поль Дырак.

8 жніўня ў народным календары

У гэты дзень успамінаюць святых Ермалая, Ярміла, Майсея і Параскеву. На Ермалая людзі гаворылі: "Асенняе марыва па травах ідзе, гаючую моц ім дае". Раніцай выпадала халодная раса, якая быццам і надавала ім гаючыя ўласцівасці.

Час ужо збіраць ураджай карняплодаў – на агародах паспявае першая салодкая бульба. Таксама у гэты дзень пачынаюць рыхтаваць млыны да памолаў.

Каля цэркваў 8 жніўня збіраліся жабракі і юродзівыя, бо святая Параскева з'яўляецца іх заступніцай. На Параскеву-Пятніцу жанчыны не браліся за сваё рукадзелле, бо лічылася, што гэта можа ўгнявіць святую, якая "адказвае" таксама за жаночую працу.

156
Тэги:
які сёння дзень, Беларусь
Тэмы:
Які сёння дзень: каляндар знакавых падзей (327)
Які сёння дзень: 28 верасня 2020 года

Які сёння дзень: 28 верасня 2020 года

180
(абноўлена 09:58 21.09.2020)
Гэты дзень з'яўляецца дзвесце семдзесят другім па грыгарыянскім календары, да канца года застаецца 94 дні.

Сёння святкуецца Міжнародны дзень прававых ведаў. Якія яшчэ падзеі адбыліся 28 верасня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 28 верасня

  • У 1708 годзе падчас Паўночнай вайны ў бітве пры Лясной расійскія войскі разбілі шведаў.
  • У 1921 годзе ў Празе скончылася Першая Усебеларуская канферэнцыя – сход прадстаўнікоў беларускіх арганізацый з Заходняй Беларусі, Латвіі, Літвы, Германіі, Чэхаславакіі, на якім быў ухвалены прынцып незалежнасці і непадзельнасці Беларусі і названы ворагамі беларускага народа ўсе, хто прызнае Рыжскі мірны дагавор.
  • У 1939 годзе ў Маскве міністры замежных спраў СССР і Германіі падпісалі нямецка-савецкі Дагавор аб дружбе і мяжы СССР і Германіі.
  • У 1939 годзе перад нацыстамі капітулявалі абаронцы Варшавы.

Хто нарадзіўся 28 верасня

  • 1924 год: Анджэй Цеханавецкі, польскі навуковец, беларусіст, грамадска-культурны дзеяч.
  • 1938 год: Мечыслаў Грыб, беларускі палітык.

Таксама сёння нарадзіліся кітайскі філосаф Канфуцый, італьянскі жывапісец Мікеланджэла Караваджа, італьянскі акцёр Марчэла Мастраяні і французская актрыса Брыжыт Бардо.

28 верасня ў народным календары

Сёння вернікі ўспамінаюць вялікапакутніка Мікіты Готскага. Ён лічыўся ахоўнікам дзяцей ад хваробаў.

У народзе святога называлі Мікіта Гусятнік, яму маліліся, каб дамашняя птушка была здаровая. У гэты дзень гусакі ляцяць у вырай. Казалі: "Гусакі ляцяць — зіміцу на хвасце цягнуць, снег нясуць". Па паводзінах гэтай птушкі даведваліся пра надвор'е на бліжэйшы час. Калі гусі ляцяць нізка, не будзе вясенняй паводкі. Калі лезуць у ваду – крыху пацяплее, а калі стаяць, схаваўшы адну нагу – хутка будзе мароз. 

На Мікіту Гусятніка ішлі на паляванне, а ў вёсках ладзілі гусіныя баі.

180
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей (327)
Які сёння дзень: 27 верасня 2020 года

Які сёння дзень: 27 верасня 2020 года

484
(абноўлена 09:57 21.09.2020)
Гэты дзень з'яўляецца дзвесце семдзесят першым па грыгарыянскім календары, да канца года застаецца 95 дзён.

У гэты дзень святкуецца сусветны дзень турызму. Якія яшчэ падзеі адбыліся 27 верасня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 27 верасня

  • У 1605 годзе войскі Рэчы Паспалітай у Кірхгольмскай бітве разбілі шведскую армію.
  • У 1920 годзе войскі Станіслава Булак-Балаховіча занялі Пінск.
  • У 1944 годзе пачаліся Маанзундская дэсантная аперацыя савецкіх войскаў і Белградская аперацыя савецкіх, балгарскіх і югаслаўскіх войскаў
  • У 1977 годзе пачала працаваць Чарнобыльская АЭС.

Хто нарадзіўся 27 верасня

  • 1533 год: Стэфан Баторый, кароль польскі і вялікі князь літоўскі
  • 1882 год: Міхал Кахановіч, беларускі грамадскі дзеяч, педагог.
  • 1903 год: Вера Харужая, дзеячка КПЗБ.
  • 1906 год: Ірына Ждановіч, беларуская артыстка.
  • 1909 год: Лукаш Калюга, беларускі пісьменнік.
  • 1947 год: Уладзімір Міхнюк, беларускі гісторык.

Таксама сёння нарадзіліся італьянскі футбаліст Франчэска Тоці і канадская спявачка Аўрыл Лавін.

27 верасня ў народным календары

Сёння Праваслаўная царква святкуе Узвіжанне. Гэта свята ў памяць аб пакутах Хрыста на крыжы дзеля выратавання роду чалавечага. Гэты дзень праводзяць у малітвах і пасце. Свята называецца Узвіжанне таму, што падчас яго крыж уздымаецца (здвіжаецца) над натоўпам вернікаў.

Лічылася, што ў гэты дзень ўсе змеі накіроўваюцца ў лес, каб паснуць там да вясны. У народзе казалі: "Ва Узвіжання пару гадзюкі і вужакі хаваюцца ў нару". На Узвіжанне ў лес не хадзілі – баяліся ўкусаў. Калі ж раптам хтосьці сустракаў вужынага караля – вялізарную змяю ў залатой кароне – трэба было не пужацца, а разаслаць перад ім абрус, падаць хлеб-соль і пакланіцца. Тады той, калі папаўзе праз абрус, скіне карону. Яна нібыта надавала ўладальніку мудрасць і здольнасць чытаць чужыя думкі.

Існуе яшчэ адно прачытанне легенды, толькі змяіны цар мае не карону, а залатыя рожкі. Раніцай на Узвіжанне трэба было знайсці клубок гадзюк, якія ахоўваюць цара, і ўдарыць па ім, а потым схапіць рожкі і хутчэй бегчы. Лічыцца, што з дапамогай гэтых рожак можна адчыніць любы замок.

484
Тэги:
народны каляндар, які сёння дзень, Узвіжанне, Беларусь
Тэмы:
Які сёння дзень: каляндар знакавых падзей (327)
Дзяржаўны сакратар Саюзнай дзяржавы Рыгор Рапота

Хуткасная магістраль можа звязаць Мінск і Санкт-Пецярбург

4
(абноўлена 11:44 28.09.2020)
Дзяржаўны сакратар Саюзнай дзяржавы Рыгор Рапота распавёў аб магчымым стварэнні беларуска-расійскіх энергаёмістых прадпрыемстваў, новых транспартных артэрый і адмене роўмінгу.

МІНСК, 28 вер - Sputnik. Цяпер прапрацоўваецца ідэя будаўніцтва высакахуткасны магістралі Санкт-Пецярбург - Мінск - Варшава - Гамбург, заявіў журналістам у панядзелак дзяржаўны сакратар Саюзнай дзяржавы Рыгор Рапота.

VII Форум рэгіёнаў Беларусі і Расіі праходзіць 28-29 верасня ў анлайн-фармаце. Падчас мерапрыемстваў плануецца заключыць дамовы з пяццю рэгіёнамі Расіі і падпісаць некалькі дзясяткаў кантрактаў. Аб значных праектах у беларуска-расійскіх адносінах распавёў падчас форуму генеральны сакратар Саюзнай дзяржавы.

Хуткасныя магістралі

Зараз з Санкт-Пецярбурга ў Мінск цягнік ідзе 13-14 гадзін, таму, на думку Рапоты, неабходна, як мага хутчэй пераходзіць на новы тэхналагічны ўзровень. Пастаянны Камітэт Саюзнай дзяржавы прапрацоўвае стварэнне высакахуткаснай чыгуначнай магістралі Санкт-Пецярбург - Мінск - Варшава - Гамбург працягласцю амаль 2,5 тысяч кіламетраў. Ужо распрацавана бізнес-мадэль праекта, праведзены кансультацыі ў чатырох дзяржавах, па тэрыторыі якіх ён можа прайсці.

"Усюды стаўленне да гэтага праекта станоўчае. Калі ён будзе рэалізаваны, то стане найбуйнейшым праектам высакахуткаснай магістралі на еўрапейскім кантыненце", - прыводзіць словы Рапоты БЕЛТА.

Суразмоўца агенцтва ўдакладніў, што праект у сапраўдны момант прапрацоўваецца на ўзроўні ўрада.

Таксама ў планах значыцца аўтастрада "Мерыдыян", якая пройдзе з Кітая праз Казахстан і РФ у Беларусь і далей у Еўропу.

Сумесныя прадпрыемствы

Таксама генеральны сакратар лічыць неабходным стварэнне буйных сумесных прадпрыемстваў з улікам запуску БелАЭС. Перспектыўнымі ён назваў металургію, шкляную вытворчасць, нафтахімію, вытворчасць электратранспарту, камплектуючых і сілавых агрэгатаў.

Рапота распавёў, што адпаведныя вытворчыя магутнасці ёсць у Іжэўску, Ніжнім Ноўгарадзе і Мінску.

Адмена роўмінгу

Ідэя адмены роўмінгу паміж Расіяй і Беларуссю ўпершыню была агучана менавіта на Форуме рэгіёнаў.

"Міністэрствы сувязі на сваім апошнім сумесным пасяджэнні абяцалі да 1 кастрычніка ўжо прынцыпова (тэхнічна гэта яшчэ зойме нейкі час) вырашыць гэтае пытанне. Праца ідзе досыць інтэнсіўна", - удакладніў Рапота.

Раней старшыня Савета Федэрацыі Валянціна Мацвіенка паведаміла, што ўжо зацверджана "дарожная карта" па адмене роўмінгу на тэрыторыі Саюзнай дзяржавы, і профільныя міністэрствы цяпер вельмі актыўна працуюць над яе рэалізацыяй.

4
Тэги:
Рыгор Рапота, Беларусь, Расія