Які сёння дзень: 23 жніўня 2020 года

Які сёння дзень: 23 жніўня 2020 года

146
(абноўлена 09:41 20.08.2020)
Гэты дзень з'яўляецца дзвесце трыццаць шостым па грыгарыянскім календары, да канца года застаецца 130 дзён.

Сёння Украіна адзначае Дзень дзяржаўнага сцяга. Якія яшчэ падзеі адбыліся 23 жніўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 23 жніўня

  • У 1561 годзе Мікалай Радзівіл Чорны з початам у 900 чалавек увайшоў у Рыгу, якая пераходзіла пад уладу ВКЛ.
  • У 1653 годзе Крычаў атрымаў магдэбургскае права і герб.
  • У 1939 годзе ў Маскве быў падпісаны Пакт Молатава-Рыбэнтропа.

Хто нарадзіўся 23 жніўня

  • 1898 год: Генрык Лаўмянскі, гісторык, даследчык ВКЛ.
  • 1917 год: Пімен Панчанка, беларускі паэт.
  • 1938 год: Мікола Сташкевіч, беларускі гісторык.
  • 1968 год: Мікалай Бонч-Асмалоўскі, беларускі і расійскі, савецкі мастак.

Таксама ў гэты дзень нарадзіліся кароль Францыі Людовік XVI, рускі пісьменнік Аляксандр Грын і ўкраінскі паэт Сяргей Жадан.

23 жніўня ў народным календары

У гэты дзень праваслаўныя вернікі шануюць памяць святога пакутніка Лаўрына. Лічыцца, што гэты святы дапамагае вылечыць хваробы вачэй – пры жыцці Лаўрын даваў зрок людзям, якія нарадзіліся сляпымі.

Ураджай ужо сабраны – час рабіць са збожжа муку. "На Лаўрына спяшай да млына", казалі ў народзе.

Таксама па гэтаму дню вызначалі, якое надвор'е будзе ўвосень і ўзімку. Калі вецер не гоніць па вадзе хвалі, то і восень будзе бязветраная, а зіма – без завей. Калі ж ідзе дождж або наадварот сонца прыпякае – такое надвор'е будзе і ўвосень.

146
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей (324)
Які сёння дзень: 7 траўня

Які сёння дзень: 7 траўня 2021 года

82
(абноўлена 22:41 28.04.2021)
Гэты дзень з'яўляецца сто дваццаць сёмым па грыгарыянскім календары, да канца года засталося 238 дзён.

Сёння ў Беларусі, Расіі і Балгарыі адзначаецца Дзень супрацоўнікаў радыё, тэлебачання і сувязі. Якія яшчэ падзеі адбыліся 7 траўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 7 траўня

  • У 1583 годзе была завершана перабудова Нясвіжскага замка.
  • У 1794 годзе Тадэвуш Касцюшка выдаў Паланецкі універсал.

Хто нарадзіўся 7 траўня

  • 1911 год: Канстанцін Касмачоў, беларускі мастак.

Таксама сёння нарадзіліся індыйскі пісьменнік Рабіндранат Тагор і амерыканскі акцёр Гэры Купер.

7 траўня ў народным календары

Сёння праваслаўныя вернікі шануюць памяць пакутнікаў Савы Страцілата, Яўсевія, Неона, Ляонція і інш., а таксама вялебных Савы Пячэрскага, Фамы юродзівага і Лізаветы цудатворцы, якой маліліся пра пазбаўленне ад стомы.

Імя Яўсей асацыявалася ў нашых продкаў з пасяўной, Таму казалі: "Прыйшоў Яўсей – аўсы сей". Пра тое, што прыйшла пара сеяць авёс сведчылі "завушніцы", якімі прыбіраліся бярозы, а таксама з'яўленне мурашоў.

Калі над гарызонтам у гэты дзень нізкія аблокі, у якіх добра відаць край, будзе навальніца і моцны вецер.

82
Тэги:
народны каляндар, які сёння дзень
Тэмы:
Які сёння дзень: каляндар знакавых падзей (324)
Які сёння дзень: 6 траўня

Які сёння дзень: 6 траўня 2021 года

257
(абноўлена 22:34 28.04.2021)
Гэты дзень з'яўляецца сто дваццаць шостым па грыгарыянскім календары, да канца года засталося 239 дзён.

Якія падзеі адбыліся 6 траўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 6 траўня

  • У 1434 годзе ў Троках вялікі князь Жыгімонт Кейстутавіч выдаў вялікі земскі прывілей, які ўраўнаваў у правах каталікоў і праваслаўных.
  • У 1589 годзе кароль польскі і вялікі князь літоўскі Жыгімонт Ваза надаў Пружанам Магдэбурскае права і герб.
  • У 1686 годзе адбылося падпісаньне Вечнага міру паміж Маскоўскай дзяржавай і Рэччу Паспалітай.

Хто нарадзіўся 6 траўня

  • 1761: Станіслаў Юндзіл, адзін з першых даследчыкаў беларускай флоры і фаўны. 
  • 1904: Паўлюк Трус, беларускі паэт.
  • 1905: Юрка Гаўрук, беларускі перакладчык і рэжысёр.
  • 1933: Юрась Свірка, беларускі паэт.

Таксама сёння нарадзіліся адзін з лідараў Вялікай Французскай рэвалюцыі Максімільен Рабесп'ер і аўстрыйскі псіхіятр Зігмунд Фрэйд.

6 траўня ў народным календары

Сёння праваслаўныя вернікі шануюць памяць Георгія Пермоганосца. У народзе гэта свята атрымала назву Юр'еў дзень або Юры Вясновы.

Георгія Перамоганосца лічылі абаронцам палёў, зямных пладоў і хатняй жывёлы. Яму маліліся пра добры ўраджай, а таксама аб абароне жывёл ад хвароб, ведзьмаў і іншых пошасцяў.

Існавала шмат павер'яў і традыцый, звязаных з Юр'явым днём. Посля гэтага дня пастухі ўжо не бралі ў статак новых жывёл, таму што верылі: калі гэта зрабіць, на статак нападуць валкі.

Жанчыны плялі вянкі і збіраліся ў карагоды. У гэты дзень хадзілі на поле і закопвалі там лустачку хлеба. Лічылася, што так ураджай будзе лепей.

Таксама ў свята, звязанае з пладароддзем, спрабавалі пазбавіцца ад бясплоддзя. Для гэтага збіралі ранішнюю расу рушніком і выціраліся ім.

257
Тэги:
народны каляндар, які сёння дзень
Тэмы:
Які сёння дзень: каляндар знакавых падзей (324)

На вуліцы Мінска і абласных гарадоў выйдуць новыя электробусы відэа

0
(абноўлена 10:09 06.05.2021)
Год таму доследны ўзор электробуса МАЗ прадэманстравалі прэзідэнту. Тады Аляксандр Лукашэнка паставіў задачу вырабіць першыя 10 адзінак такой тэхнікі і паставіць у аўтапаркі краіны. Уласна, даручэнне сёння выканана. Глядзіце відэа Sputnik.

Электробус пабудаваны на базе ўжо вядомай мадэлі МАЗ-303. Іх лёгка пазнаць па каларытнай "гарбінцы" на даху, якая паўтарае сілуэт зубра.

Цяпер на сталічныя маршруты выйдуць чатыры электробусы ў кузаве МАЗ-303, яшчэ шэсць адзінак электратэхнікі адправяцца ў абласныя цэнтры.

Паколькі мадэль электробуса нізкапольная, батарэі размясцілі па ўсім даху, частка цягавых акумулятараў - у маторнай шахце. Але галоўная асаблівасць у зарадцы.

Беларускія вытворцы ўжо робяць розныя мадэлі электробусаў. Але яны працуюць на суперкандэнсатарах, пры гэтым маюць малы запас ходу і зараджаюцца на кожнай канчатковай станцыі. Электробус МАЗ працуе на начной зарадцы.

"Сутнасць у тым, што батареянакапіцелі на машыне забяспечваюць назапашванне энергіі ў межах 4-6 гадзін. Гэта дазваляе забяспечыць запас ходу электробуса ў 300 кіламетраў, інакш кажучы машына адпрацоўвае змену на маршруце і вяртаецца ў парк. А ўжо ў начны час адбываецца зарадка батарэі. І гэта выгадна - начны тарыф на электраэнергію больш танны", - распавёў намеснік дырэктара па маркетынгу прадпрыемства Уладзімір Янушка.

Сам электробус не толькі экалагічны, але і практычна бясшумны. Мае плыўны ход, а для пасажыраў у салоне працуе кандыцыянер, ёсць USB-порт для зарадкі гаджэтаў. Месца кіроўцы выглядае вельмі сучасна, уражвае панэль прыбораў - яна "віртуальная".

Тэхнікай зацікавіліся аўтапаркі ў Расіі і Украіне. Дарэчы, там ужо "ходзяць" некалькі адзінак гэтай мадэлі электробусаў.

"Мы бачым перспектывы дадзенага прадукту на рынках сумежных краін, ён добра сябе зарэкамендаваў у Кіеве, у Санкт-Пецярбургу. Гэта канкурэнтаздольны прадукт, які можа заняць цалкам добрую долю рынку", - заявіў генеральны дырэктар ААТ "МАЗ" Валерый Іванковіч.

Асноўная праблема беларускіх электробусаў - дарагоўля, да паловы кошту складае батарэя, а яна імпартная. Але ў Беларусі плануюць стварыць вытворчасць айчынных батарэй, за кошт чаго знізіць кошт электратранспарту.

Мінтранс, з улікам уводу ў поўную эксплуатацыю Беларускай АЭС, а таксама ў цэлым развіцця напрамкаў электратранспарту, не мае намеру зніжаць абароты па закупцы беларускай тэхнікі на электрацязе. А таму экалагічны грамадскі транспарт паступова заменіць амаль усю тэхніку з рухавікамі ўнутранага згарання.

Чытайце таксама:

0
Тэги:
Аляксандр Лукашэнка, МАЗ, відэа, электробус, горад, Мінск