Які сёння дзень: 8 верасня 2023 года

© Sputnik / Сергей ПушкинЯкі сёння дзень: 8 верасня 2023 года
Які сёння дзень: 8 верасня 2023 года - Sputnik Беларусь, 1920, 08.09.2023
Падпісацца
Гэты дзень з'яўляецца дзвесце пяцьдзесят першым па грыгарыянскім календары, да канца года застаецца 114 дзён.
Якія падзеі адбыліся 8 верасня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 8 верасня

У 1380 годзе адбылася Кулікоўская бітва паміж войскам цемніка Мамая і маскоўскай арміяй, на баку Масквы ў бітве прынялі ўдзел шмат выхадцаў з ВКЛ, у тым ліку Андрэй і Дзмітрый Альгердавічы.
У 1655 годзе Шведскія войскі занялі Варшаву.
У 1794 годзе войскі Рэчы Паспалітай пацярпелі паражэнне ў бітве пры Брэсце ад расійскіх войск на чале з Аляксандрам Суворавым.
У 1844 годзе свет убачыла кніга "Шляхціц Завальня, або Беларусь у фантастычных апавяданнях".
У 1990 годзе быў адкрыты Музей беларускага кнігадрукавання ў Полацку.
У 1992 годзе Прадстаўніцтва ААН з'явілася ў Рэспубліцы Беларусь.

Хто нарадзіўся 8 верасня

1922 год: Альгерд Малішэўскі, беларускі мастак.
1938 год: Анатоль Грачанікаў, беларускі паэт і перакладчык.
Таксама сёння нарадзіліся чэшскі кампазітар Антанін Дворжак і савецкі паэт Расул Гамзатаў.

8 верасня ў народным календары

Сёння праваслаўныя вернікі ўспамінаюць пакутнікаў Адрыяна і Наталлю, якую ў народзе празвалі Аўсянніцай, таму што ў гэты дзень касілі авёс.
Згодна з традыцыяй апошні сабраны сноп прыносяць з поля і ставяць на падворку. У гэты дзень пасля працы частуюцца аўсяным кісялём і блінамі, кажуць: "Адрыян талакно мясіў, Наталля бліны пякла".
Таксама 8 верасня збіраюць каліну і рабіну.
Назіралі і за надвор'ем: калі рабіны шмат, хутка будзе холадна, а калі лісце на бярозах трымаецца, то і зіма будзе марознай.
Стужка навiн
0