Які сёння дзень: 29 верасня 2020 года

Які сёння дзень: 29 верасня 2020 года

103
(абноўлена 09:59 21.09.2020)
Гэты дзень з'яўляецца дзвесце семдзесят трэцім па грыгарыянскім календары, да канца года застаецца 93 дні.

У гэты дзень у Гэты дзень у 1529 годзе быў зацверджаны Статут ВКЛ. Якія яшчэ падзеі адбыліся 29 верасня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 29 верасня

  • У 1529 годзе быў зацверджаны Статут Вялікага Княства Літоўскага, першы збор законаў феадальнага права.
  • У 1621 годзе паводле Хоцінскага дагавору Рэч Паспалітая абавязалася перад Асманскай імперыяй стрымліваць запарожскіх казакаў ад нападаў на Крымскае ханства.
  • У 1772 Сеймам быў зацверджаны першы падзел Рэчы Паспалітай.
  • У 1939 годзе быў знішчаны абраз Будслаўскай Маці Божай, адна з галоўных хрысціянскіх святыняў Беларусі. Аатрад чырвонаармейцаў расстраляў цудатворны абраз. Ён быў адрэстаўраваны ў 1991 годзе.

Хто нарадзіўся 29 верасня

  • 1823 год: Уладзіслаў Сыракомля, беларускі і польскі паэт.
  • 1880 год: Сяргей Сахараў, беларускі фалькларыст і педагог.
  • 1907 год: Міхаіл Натарэвіч, савецкі жывапісец і педагог родам з Беларусі, вучань Юдэля Пэна.
  • 1923 год: Арсень Лабовіч, беларускі тэатразнавец.
  • 1932 год: Міхась Рагалевіч, беларускі мастак.
  • 1958 год: Адам Глобус, беларускі пісьменнік.
  • 1959: Вітаўт Мартыненка, беларускі журналіст, пісьменнік, паэт.

Таксама сёння нарадзіліся іспанскі пісьменнік Мігель Сервантэс і французскі мастак Франсуа Бушэ.

29 верасня ў народным календары

У гэты дзень праваслаўныя вернікі ўспамінаюць вялікапакутніцу Яўхіму Усхвалебную, а таксама пакутніцу княгіню Людмілу, якая лічыцца заступніцай Чэхіі.

Птушкі працягваюць адлятаць у вырай. Калі нейкая слабая птушка адбівалася ад чарады, яе звычайна падбіралі і трымалі ў хаце да вясны.

Назіралі за надвор'ем: калі ў гэты дзень цёпла і суха, зіма будзе позняя. Лісце пажоўкла, але трымаецца на дрэвах – восень будзе доўгай.

103
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей (322)
Які сёння дзень: 26 кастрычніка 2020 года

Які сёння дзень: 26 кастрычніка 2020 года

170
(абноўлена 09:47 20.10.2020)
Гэты дзень з'яўляецца трохсотым па грыгарыянскім календары, да канца года застаецца 66 дзён.

У гэты дзень у 1492 годзе быў вынайдзены аловак з грыфелем. Якія яшчэ падзеі адбыліся 26 кастрычніка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 26 кастрычніка

  • У 2011 годзе Нацыянальны банк Рэспублікі Беларусь выпусціў у абарачэнне дзве памятныя манеты, прысвечаныя Максіму Багдановічу.

Хто нарадзіўся 26 кастрычніка

  • 1635 год: Міхал Казімір Радзівіл, дзяржаўны дзеяч ВКЛ.
  • 1810 год: Генрых Дмахоўскі, беларускі скульптар.
  • 1890 год: Янка Пачопка, беларускі аграном і публіцыст.
  • 1959 год: Анатоль Сыс, беларускі паэт.

Таксама сёння нарадзіліся італьянскі кампазітар Даменіка Скарлаці і амерыканскі палітык Хілары Клінтан.

26 кастрычніка ў народным календары

Сёння праваслаўныя вернікі шануюць памяць пакутнікаў Карпа, дыякана Папілы, яго сястры Агафонікі і пакутніка Агафадора.

Лічылася, што ў гэты дзень можна развітацца з прыгожай "залатой" восенню – далей толькі шэрае неба, чорныя галінкі дрэў, туман, макрота і снег. У вёсцы рыхтуюць месца для новых пасадак.

Таксама прыбіралі ў лазні, чысцілі печ, рабілі настоі з лекавых раслін. У лазні нельга было мыцца аднаму, а таксама пасля захаду сонца.

У гэты дзень лячылі людзей, хворых на падучую: чыталі на ваду малітву і давалі яе піць.

Перамену надвор'я прадвяшчаў крык пеўня, а калі пачуць яго рана, гэта значыць, будзе дождж. Макроту таксама абяцалі чырвоныя аблокі на захадзе.

170
Тэги:
Беларусь, які сёння дзень, народны каляндар
Тэмы:
Які сёння дзень: каляндар знакавых падзей (322)
Які сёння дзень: 25 кастрычніка 2020 года

Які сёння дзень: 25 кастрычніка 2020 года

305
(абноўлена 09:46 20.10.2020)
Гэты дзень з'яўляецца дзвесце дзевяноста дзявятым па грыгарыянскім календары, да канца года застаецца 67 дзён.

У гэты дзень каталікі святкуюць Дзень святога Марціна. Якія яшчэ падзеі адбыліся 25 кастрычніка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 25 кастрычніка

  • У 1920 годзе войскі генерала Станіслава Булак-Балаховіча перайшлі часовую мяжу, пачаўшы ваенныя дзеянні супраць Чырвонай Арміі.
  • У 2010 годзе ў Пінску адбыўся выбух і пажар на заводзе "Пінскдрэў-ДСП", які стаў буйнейшай прамысловай аварый Беларусі за некалькі дзесяцігоддзяў.

Хто нарадзіўся 25 кастрычніка

  • 1858 год: Эдвард Пякарскі, беларускі этнограф, географ, фалькларыст.
  • 1868 год: Карл Грыгаровіч, беларускі скрыпач і педагог.
  • 1884 год: Сяргей Дубінскі, беларускі археолаг і гісторык.
  • 1932 год: Уладзімір Анісковіч, беларускі літаратурны крытык, перакладчык.
  • 1933 год: Нінэль Шчасная, беларускі жывапісец і графік.
  • 1934 год: Яўген Адамовіч, беларускі літаратуразнавец, фалькларыст, педагог.
  • 1936 год: Віктар Тураў, беларускі кінарэжысёр.

Таксама сёння нарадзіліся аўстрыйскі кампазітар Іаган Штраўс, французскі кампазітар Жорж Бізэ, а таксама мастак Пабла Пікаса.

25 кастрычніка ў народным календары

У гэты дзень праваслаўныя вернікі ўспамінаюць святых пакутнікаў Прова, Тараха і Андроніка. Народныя павер'і звязваюць святога Прова з зоркамі: у гэты дзень па іх колькасці і ззянню можна было прадказаць надвор'е. Калі зорак шмат – будзе добры ўраджай, калі яны яркія – хутка прыйдуць маразы, а калі тусклыя – будзе холадна. Упаўшая зорка прадракала ветранае надвор'е.

У каталікоў жа гэта Дзень святога Марціна, у які прынята рэзаць гусей. У народзе казалі: "Марцін святы – губіцель гагаты". Лічылася, што па грудной костцы запечанай птушкі можна меркаваць пра будучую зіму.

305
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей (322)
Беларускія грошы

Амаль 500$: сярэдні заробак па Беларусі ў верасні склаў 1264,5 рубля

0
(абноўлена 17:11 26.10.2020)
Самыя высокія даходы ў краіне традыцыйна ў Мінску: жыхары сталіцы ў сярэднім зарабілі амаль 1800 рублёў.

МІНСК, 26 кас - Sputnik. Намінальны налічаны сярэдні заробак работнікаў у Беларусі ў верасні склаў 1264,5 рубля. У лідарах традыцыйна Мінск: тут работнікі атрымліваюць у сярэднім 1780,8 рублёў, паведамляе БЕЛТА са спасылкай на Нацыянальны статыстычны камітэт.

У Мінскай вобласці сярэдні заробак у верасні быў на ўзроўні 1239,8 рублёў, у Гомельскай - 1131,4, Гродзенскай - 1102,4, Брэсцкай - 1088,8, Віцебскай - 1061,1, Магілёўскай - 1036,6.

Рэальны заробак (разлічаны з улікам росту цэн на тавары і паслугі) у цэлым па краіне ў студзені-верасні вырасла на 8% у параўнанні з тым жа перыядам мінулага года. Дарэчы, у жніўні сярэдні заробак па краіне складала 1276,4 рублёў, у ліпені - 1287,5.

У чэрвені больш за ўсё атрымлівалі ў сферы інфармацыйнага абслугоўвання - 5503,3 рублёў, паветранага транспарту - 2816,8, дапаможнай дзейнасці ў сферы фінансавых паслуг і страхавання - 2663,2. Менш за ўсё зараблялі працаўнікі цырульняў і салонаў прыгажосці (593,3 рубля), сфера забаў і творчыя работнікі (679,6 руб.), сацработнікі і супрацоўнікі па догляду ў спецыялізаваных установах (703,9 рублёў).

0
Тэги:
Беларусь, заробак