Які сёння дзень: 5 кастрычніка 2020 года

Які сёння дзень: 5 кастрычніка 2020 года

196
(абноўлена 10:52 30.09.2020)
Гэты дзень з'яўляецца дзвесце семдзесят дзявятым па грыгарыянскім календары, да канца года застаецца 87 дзён.

У гэты дзень у 1582 годзе Рэч Паспалітая перайшла на грыгарыянскі каляндар. Якія яшчэ падзеі адбыліся 5 кастрычніка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 5 кастрычніка

  • У 1582 годзе Іспанія і Рэч Паспалітая перайшлі на грыгарыянскі каляндар.
  • У 1648 годзе войскі ВКЛ на чале з Янушам Радзівілам узялі ў аблогу Пінск.
  • У 1733 годзе саксонскі курфюрст Фрыдрых Аўгуст II Ветын абраны каралём польскім і вялікім князем літоўскім.

Хто нарадзіўся 5 кастрычніка

  • 1967 год: Сяргей Харэўскі, беларускі мастак.
  • 1974 год: Аляксей Зайцаў, беларускі музыкант, удзельнік гурта "J:морс".
  • 1982 год: Вікторыя Чаўлытка, беларуская тэатральная актрыса.

Таксама сёння нарадзіліся французскі пісьменнік Дэні Дзідро і руская актрыса Іна Чурыкава.

5 кастрычніка ў народным календары

У гэты дзень праваслаўныя вернікі шануюць памяць ветхазапаветнага прарока Іёны, кніга якога ўваходзіць у састаў Бібліі.

Аднойчы Іёна быў пасланы Богам у горад Ніневія з пропаведзю. Але ён замест гэтага накіраваўся ў іншую краіну – Іспанію. Калі Іёна плыў на караблі, здарылася страшэнная бура. Калі каманда карабля даведалася, што непагадзь наслаў Бог таму, што Іёна не паслухаўся ўказу, яны бросілі яго ў мора, якое адразу супакоілася. Там Іёну праглынуў кіт. Унутры кіта ён знаходзіўся тры дні і ўвесь гэты час маліў Госпада злітавацца. Той паслухаў Іёну, і кіт выкінуў яго на сушу. 

5 кастрычніка ў памяць аб Іёне забараняецца есці рыбу. У гэты дзень маліліся, каб выратавацца ад ліхаманкі і суцішыць зубны боль.

Назіралі за прыродай: калі лісце з клёнаў ужо апала, хутка прыйдзе зіма.

196
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей (324)
Які сёння дзень: 23 чэрвеня 2021 года

Які сёння дзень: 23 чэрвеня 2021 года

84
(абноўлена 19:25 21.06.2021)
Гэты дзень з'яўляецца сто семдзесят чацвёртым па грыгарыянскім календары, да канца года застаўся 191 дзень.

Сёння святкуецца Міжнародны Алімпійскі Дзень. Якія яшчэ падзеі адбыліся 23 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 23 чэрвеня

  • У 1941 годзе войскі нацысцкай Германіі занялі гарады Беласток і Гродна.
  • У 1944 годзе савецкія войскі пачалі аперацыю «Баграціён».
  • У 1946 годзе было заснавана Крывіцкае (Беларускае) навуковае таварыства.

Хто нарадзіўся 23 чэрвеня

  • 1938 год: Юрый Хадыка, беларускі грамадскі і культурны дзеяч, навуковец.

Таксама сёння нарадзіліся руская паэтэса Ганна Ахматава і амерыканскі пісьменнік Рычард Бах.

23 чэрвеня ў народным календары

Сёння праваслаўныя вернікі шануюць памяць двух святапакутнікаў Цімафеяў – Прускага і Ульянава.

Дзень лічыўся не вельмі добрым, а знаменні, якія з'яўляліся 23 чэрвеня, трактаваліся як неспрыяльныя. Па павер'і, у гэты дзень духі маглі хадзіць па зямлі і турбаваць людзей.

Асабліва дрэнна было разбіць 23 чэрвеня люстэрка або ўбачыць вясёлку – яна прадвяшчала галодны год. Сцерагліся таксама пажараў.

Калі ў гэты дзень не бачна казурак – чакаецца перамена надвор'я.

84
Тэги:
народны каляндар, які сёння дзень
Тэмы:
Які сёння дзень: каляндар знакавых падзей (324)
(13:11 / 103.61Mb / просмотров видео: 8887)

Пуцін усклаў кветкі да Магілы Невядомага салдата - відэа

19
(абноўлена 17:45 22.06.2021)
Прэзідэнт Расіі Уладзімір Пуцін у Дзень памяці і смутку ўсклаў кветкі да Магілы Невядомага салдата ў Маскве. Падрабязнасці глядзіце на відэа.

Цырымонія прайшла ў аўторак у Аляксандраўскім садзе расійскай сталіцы. У ёй прынялі ўдзел ветэраны Вялікай Айчыннай вайны, міністр абароны Расіі Сяргей Шайгу, мэр Масквы Сяргей Сабянін.

Пасля ўскладання кветак Пуцін выступіў з кароткай прамовай, адзначыўшы, што гісторыя не ведала такога жорсткага генацыду да з'яўлення нацызму.

"Ворагу было мала завалодаць чужой зямлёй. Ён прыйшоў, каб знішчыць наш народ. А тых, хто застанецца - ператварыць у рабоў, пазбавіўшы роднай мовы, традыцый продкаў, нашай культуры", - сказаў прэзідэнт Расіі.

Ён адзначыў, што адказам злу стаў масавы гераізм савецкага народа, адзінства і згуртаванасць людзей, якія прайшлі праз гора, пакуты і смерць.

Дзень памяці і смутку - дзень пачатку Вялікай Айчыннай вайны. У гэтым годзе 22 чэрвеня - васьмідзесятая гадавіна нападзення фашысцкай Германіі на СССР.

Чытайце таксама:

19
Тэги:
Расія, прэзідэнт, відэа, Масква, магіла Невядомага салдата, магіла, кветкі, Уладзімір Пуцін
Адпачынак на рацэ Прыпяць

За ўсю гісторыю метэаназіранняў: тэмпературны рэкорд чэрвеня пабіты ў Беларусі

9
(абноўлена 17:10 23.06.2021)
Тэмпературныя рэкорды сіноптыкі звычайна фіксуюць у ліпені і жніўні, але ў 2021-м годзе першы летні месяц здзівіў усіх.

МІНСК, 23 чэр - Sputnik. У аўторак у Беларусі быў зафіксаваны тэмпературны рэкорд 35,9 градусы, паведаміў начальнік службы метэаралагічных прагнозаў Белгідрамета Аляксандр Бяганскі.

Тэмпературныя рэкорды месяца былі ўсталяваны ў аўторак на шэрагу станцый па ўсходзе Беларусі: на большай частцы Гомельскай, Магілёўскай і па ўсходзе Віцебскай і Мінскай абласцей.

"Учора максімум быў зафіксаваны 35,9 градусы на метэастанцыі "Кастрычнік" (Гомельская вобласць). Гэта была самая высокая тэмпература па краіне за ўсю гісторыю назіранняў у чэрвені - парадку 120-130 гадоў", - сказаў Sputnik Бяганскі.

Ён удакладніў, што гаворка ідзе пра самы гарачы чэрвень, абсалютныя гадавыя рэкорды не перавышаны, так як яны значна вышэй. "Мы пакуль на іх не прэтэндуем. Максімумы характэрны звычайна для ліпеня і жніўня, усе рэкорды звычайна прыпадаюць на гэтыя перыяды", - дадаў начальнік службы.

З 23 па 25 чэрвеня з-за спякоты беларускія сіноптыкі ўсталявалі чырвоны ўзровень небяспекі. У большасці рэгіёнаў слупок тэрмометра падбіраецца да адзнакі +34 градусы.

Белгідрамет прагназуе, што спёка ў Беларусі захаваецца да канца тыдня, але дададуцца дажджы з навальніцамі. У апошнія выхадныя чэрвеня тэмпература пачне зніжацца.

Чытайце таксама:

9
Тэги:
Лета, сіноптыкі, Беларусь, тэмпературны рэкорд, Гідраметэацэнтр Рэспублікі Беларусь