Які сёння дзень: 12 снежня 2020 года
(абноўлена 15:22 09.12.2020)
Гэты дзень з'яўляецца трыста сорак сёмым па грыгарыянскім календары, да канца года застаецца 19 дзён.Якія падзеі адбыліся 12 снежня і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 12 снежня
- У 1991 годзе Расія выйшла са складу СССР.
Хто нарадзіўся 12 снежня
- 1886 год: Юліяна Вітан-Дубейкаўская, беларуская мастацтвазнаўца, педагог, мемуарыстка.
- 1968 год: Усевалад Гарачка, беларускі паэт.
Таксама сёння нарадзіліся французскі пісьменнік Гюстаў Флабер, нарвежскі мастак Эдвард Мунк і амерыканскі акцёр, спявак і шоўмен Фрэнк Сінатра.
12 снежня ў народным календары
У гэты дзень праваслаўныя вернікі шануюць памяць святога пакутніка Парамона і 370 пакутнікаў.
У гэты час рэкі замярзаюць, вялікая рыба хаваецца, мядзведзі засынаюць у бярлогах. Да 12 снежня імкнуліся назапасіць дровы на зіму, таму што пасля шлях у лес замяце і зрабіць гэта будзе вельмі цяжка. У народзе існавала прымаўка: "Дроў напасіся, лесу пакланіся". Лес і карміў нашых продкаў, і саграваў іх.
Таксама ў некаторых мясцінах існаваў звычай прасіць у гэты дзень пазыку – не важна, што: муку, яйкі, дробныя прылады для працы. Лічылася, што той, каму пазыку дадуць, будзе шчаслівы ў наступным годзе.
Калі раніцай ішоў снег, завіруха будзе працягвацца яшчэ амаль тыдзень – да Мікалая, 19 снежня. Снегапад лічыўся добрай прыкметай – значыць, будзе добры ўраджай.
Які сёння дзень: 19 студзеня 2021 года
(абноўлена 21:16 18.01.2021)
Гэты дзень з'яўляецца дзевятнаццатым па грыгарыянскім календары, а да канца года засталося 346 дзён.Сёння ў Беларусі святкуееца Дзень ратавальніка. Якія яшчэ падзеі адбыліся 19 студзеня і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 19 студзеня
- У 1970 годзе адбыўся пуск першага тралейбуса ў Магілёве.
Хто нарадзіўся 19 студзеня
- 1910 год: Іван Ушакоў, беларускі тэатральны мастак.
- 1931 год: Наталля Паплаўская, беларуская мастачка.
Таксама сёння нарадзіліся шатландскі інжынер, вынаходнік-механік Джэймс Ват, амерыканскі пісьменнік Эдгар Алан По і французскі мастак Поль Сезан.
19 студзеня ў народным календары
Сёння Праваслаўная Царква адзначае вялікае двунадзесятае свята Вадохрышча. Сваю другую назву – Богаяўленне – свята атрымала таму, што падчас хрышчэння Ісуса ў рацэ Іардан да яго сышоў Святы Дух.
З 19 студзеня і на працягу ўсяго тыдня забаранялася мыць бялізну ў рацэ: у лёдзе на Вадохрышча выразалі палонкі, звычайна ў форме крыжа, у якія акуналіся вернікі. Святую ваду, набраную на Вадохрышча, захоўвалі ўвесь год: ёй акраплялі хату і пілі падчас хвароб або жыццёвых выпрабаванняў.
Калі на Вадохрышча цёпла і сонечна, такое надвор'е будзе трымацца яшчэ некалькі тыдняў.
Тэги:
Які сёння дзень: 18 студзеня 2021 года
(абноўлена 10:54 28.12.2020)
Гэты дзень з'яўляецца васямнаццатым па грыгарыянскім календары, а да канца года засталося 347 дзён. Якія падзеі адбыліся 18 студзеня і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 18 студзеня
- У 1401 годзе ў Вільні Вітаўт разам з біскупамі, князямі і баярамі ВКЛ выдаў першыя акты Віленска-Радамскай уніі.
- У 1921 годзе было заснавана Дзяржаўнае выдавецтва Беларусі.
Хто нарадзіўся 18 студзеня
- 1892 год: Іосіф Лангбард, беларускі савецкі архітэктар.
- 1895 год: Лявон Більдзюкевіч, беларускі педагог, матэматык, грамадскі дзеяч.
- 1903 год: Аляксандр Васілевіч Фурсенка, беларускі навуковец-палеантолаг.
Таксама сёння нарадзіліся англійскі пісьменнік Алан Аляксандр Мілн, англа-амерыканскі акцёр Кэры Грант і амерыканскі акцёр Кевін Костнер.
18 студзеня ў народным календары
Сёння ў праваслаўных вернікаў Вадохрышчанская куцця, або Галодны вечар. У гэты час прыпыняліся застоллі і гулянні, людзі рыхтаваліся да посту, варылі прэсную куццю без алею і тварагу.
Сёння апошні вечар, калі дзяўчыны маглі паваражыць на нарачонага. Існавала шмат спосабаў даведацца пра свой лёс. Напрыклад, трэба было зняць з нагі абутак і кінуць яго за плот – у які бок ён лёг наском, адтуль і будзе жаніх.
Таксама перад сном дзяўчыны часалі валасы і клалі грэбень пад падушку са словамі "Хто прыйдзе і мяне прычэша?" У сне павінен быў з'явіцца нарачоны.
Напярэдадні Вадохрышча нельга прыбіраць у хаце, мыць бялізну, сварыцца і крыўдзіць каго-небудзь. Нельга таксама пазычаць грошы.
Калі 8 студзеня шоў снег, гэта было добрым знакам – будзе добры ўраджай мёду. Але завіруха прадвяшчала, што і праз тры месяцы будзе снег.
Мінск можа аспрэчыць рашэнне IIHF пра перанос хакейнага чэмпіянату - эксперт
(абноўлена 16:08 19.01.2021)
Рашэнне IIHF парушае статут арганізацыі і многія міжнародныя дакументы ў галіне спорту, беларускі бок павінен запатрабаваць кампенсацыі ўжо панесеных страт на арганізацыю першынства, лічыць расійскі юрыст Сяргей Аляксееў.МІНСК, 19 сту – Sputnik. Рашэнне савета Міжнароднай федэрацыі хакея (IIHF) парушае статут арганізацыі, а таксама іншыя міжнародныя дакументы, заявіў старшыня камісіі па спартыўным праве Асацыяцыі юрыстаў Расіі Сяргей Аляксееў, каментуючы адмену федэрацыяй правядзення ЧС у Мінску. Ён падкрэсліў, што рашэнне можна абскардзіць у Спартыўным арбітражным судзе (CAS).
Таксама юрыст зазначыў, што беларускі бок можа запатрабаваць кампенсацыі страт, якія панесены пры арганізацыі чэмпіянату. Калі Мінск дакументальна пацвердзіць расходы, тады ёсць шанец гэтыя сродкі спагнаць.
"Гэта паспешлівае рашэнне, непрадуманае і юрыдычна непрапрацаванае. Яно можа негатыўна адбіцца і на маральным стане спартсменаў, можа дэмаралізаваць беларускіх спартсменаў", - дадаў ён.
Аляксееў удакладніў, што IIHF прыняла чыста палітычнае рашэнне.
"Рашэнне IIHF, прынятае па навядзенні членаў Еўрапарламента, уяўляе элемент ціску на "непаслухмяныя" краіны, якія паказваюць добрыя вынікі ў спорце", - адзначыў ён.
Эксперт упэўнены, што трэба дамагацца аргументаванага адказу МАК па прынятаму рашэнню, "каб спадзявацца не на сілу палітычнай кан'юнктуры і рэверансаў, а на сілу прававых нормаў, якія дзейнічаюць у сферы спартыўнага і алімпійскага руху".
Што не так з чэмпіянатам
Чэмпіянат свету па хакеі планавалі правесці ў сталіцах Беларусі і Латвіі. У панядзелак, 18 студзеня, Міжнародная федэрацыя хакея абвясціла, што Мінск пазбаўлены права на правядзенне мерапрыемства.
Рашэнне IIHF патлумачыла тым, што ў краіне існуюць праблемы з бяспекай з-за палітычнай сітуацыі, якая склалася. Таксама ёсць пытанні, звязаныя з пандэміяй каронавіруса.
Нагадаем, што раней Мінск заяўляў аб поўнай гатоўнасці правесці ЧС сваімі сіламі, калі Рыга адмовіцца ад сумеснай арганізацыі форуму. Цяпер статус Латвіі як суарганізатара чэмпіянату не вядомы, рашэнне па гэтым пытанні будзе разглядаць федэрацыя ў бліжэйшыя дні.
Што тычыцца кампенсацыі, Міжнародная федэрацыя хакея паабяцала выплаціць яе Беларусі, як толькі ўсе пытанні па канчатковым правядзенні форуму будуць вырашаны.
У Мінску ўжо выказалі шкадаванне з прычыны адмены чэмпіянату. Як заявіў старшыня Федэрацыі хакея Беларусі Дзмітрый Баскаў, турнір 2021 года быў бы праведзены не горш, чым у 2014 годзе. Паводле яго слоў, форум прыцягнуў бы ў краіну тысячы балельшчыкаў і журналістаў, якія "на свае вочы ўбачылі б прыгажосці Беларусі і пераканаліся ў бяспецы краіны".
Чытайце таксама:
- Лукашэнка: у нас нармальная абстаноўка для развіцця дэмакратыі
- "Ёсць план Б": Фазэль заявіў, што ЧС па хакеі адбудзецца
- Урад патлумачыў сітуацыю з чэмпіянатам свету па хакеі ў Мінску
Тэги: