Які сёння дзень: 22 снежня 2020 года
(абноўлена 15:57 21.12.2020)
Гэты дзень з'яўляецца трыста пяцьдзесят сёмым па грыгарыянскім календары, да канца года застаецца 9 дзён.Якія падзеі адбыліся 22 снежня і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 22 снежня
- У 1264 годзе быў падпісаны князем Гердзенем мірны і гандлёвы дагавор Полацка з Рыгай і Лівонскім ордэнам.
- У 1917 годзе ў Мінску быў створаны Выканаўчы камітэт 1-га Усебеларускага з'езду.
- У 1918 годзе ў Мінску заснаваны Беларускі савецкі тэатр.
- У 1932 годзе афіцыйна зарэгістравана Таварыства беларускай асветы, створанае ў Вільні.
- У 1989 годзе была заснавана Беларуская федэрацыя футбола.
Хто нарадзіўся 22 снежня
- 1922 год: Алена Васілевіч, беларуская пісьменніца.
Таксама сёння нарадзіліся італьянскі кампазітар Джакама Пучыні, рускі пісьменнік Эдуард Успенскі і французская спявачка Ванэса Парады.
22 снежня ў народным календары
Сёння адзначаецца праваслаўнае свята, усталяванае ў гонар зачацця святой Ганнай Багародзіцы. Ганне маліліся пры бясплоддзі.
У народным календары гэты дзень называгі Ганна Цёмная або Ганна Зімовая. Лічылася, што сённяшняя ноч самая доўгая, а дзень самы кароткі. 22 снежня з дому імкнуліся не выходзіць, таму што гэта было небяспечна: у маразы ваўкі блізка падыходзілі да вёскі.
Па шэрані на дрэвах вызначалі, будзе год ураджайны ці не. Таксама калі ёсць шэрань і пахмурна, апошні дзень года будзе цёплым і нянасным.
Тэги:
Які сёння дзень: 19 чэрвеня 2021 года
(абноўлена 13:26 16.06.2021)
Гэты дзень з'яўляецца сто сямідзясятым па грыгарыянскім календары, да канца года засталося 195 дзён.Якія падзеі адбыліся 19 чэрвеня і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 19 чэрвеня
- У 1574 годзе Кароль польскі і вялікі князь літоўскі Генрых III Валуа тайна пакінуў Кракаў.
- У 1669 годзе Міхал Вішнявецкі абраны каралём польскім.
- У 2008 годзе афіцыйна скончана дэмаркацыя дзяржаўнай мяжы паміж Рэспублікай Беларусь і Літоўскай Рэспублікай.
Хто нарадзіўся 19 чэрвеня
- 1912 год: Пятро Бітэль, беларускі паэт, перакладчык, краязнавец, настаўнік.
- 1924 год: Васіль Быкаў, беларускі пісьменнік.
- 1941 год: Іван Ласкоў, беларускі пісьменнік, перакладчык, крытык, гісторык.
- 1976 год: Ірына Хадарэнка, беларуская паэтэса, празаік, перакладчыца, журналіст, навуковец.
Таксама сёння нарадзіліся французскі матэматык, фізік і філосаф Блез Паскаль і рускі паэт Фёдар Глінка.
19 чэрвеня ў народным календары
Сёння праваслаўныя вернікі шануюць памяць вялебнага Іларыёна новага, якога таксама часам называлі Ларыёнам.
На Ларыёна гаспадыні змагаліся з пустазеллем - прапалвалі гароды. Калі часова не пазбавіцца ад шкоднай травы, яна можа задушыць пасевы. У народзе верылі, што займацца праполкай трэба на ўбываючы месяц – тады пустазелле зноў з'явіцца не так хутка.
Калі ў полі чуваць конікаў, будзе добрае надвор'е. Халодная раніца таксама прадвяшчае ясны дзень.
Пуцін не плануе наведваць Беларусь 22 чэрвеня - Пяскоў
(абноўлена 16:31 18.06.2021)
Раней кіраўнікі дзяржаў дамовіліся ў гэты дзень высадзіць дрэвы ў Брэсцкай крэпасці ў памяць аб яе абаронцах.МІНСК, 18 чэр – Sputnik. Уладзімір Пуцін не плануе наведваць Беларусь 22 чэрвеня, пра гэта заявіў прэс-сакратар прэзідэнта РФ Дзмітрый Пяскоў.
Аб іншых намечаных у графіку расійскага лідэра мерапрыемствах Крэмль паведаміць своечасова.
Раней паведамлялася, што кіраўнікі дзвюх дзяржаў дамовіліся ў гэты дзень высадзіць дрэвы ў Брэсцкай крэпасці ў памяць аб яе абаронцах.
Да гэтага Пуцін і Лукашэнка сустракаліся ў Сочы. Афіцыйны візіт прэзідэнта Беларусі адбыўся 28-29 траўня, па выніках перагавораў быў дасягнуты шэраг дамоўленасцяў.
Кіраўнікі дзяржаў абмеркавалі пастаўкі нафты і газу, супрацоўніцтва ў мытнай і падатковай сферах і развіццё ваенна-тэхнічнага супрацоўніцтва.
Таксама ўзнімалася тэма заходніх санкцый, аднаўлення паўнавартасных авіязносін паміж Беларуссю і Расіяй, затрыманне Рамана Пратасевіча і Сафіі Сапегі.
Праграма мерапрыемстваў у Брэсце
У Брэсце плануюць маштабна адзначыць Дзень усенароднай памяці ахвяр Вялікай Айчыннай вайны і пачатку гераічнай абароны Брэсцкай крэпасці.
20 чэрвеня
Ля кінатэатра "Беларусь" размесціцца выязная экспазіцыя "Жыць, каб памятаць!" Беларускага дзяржаўнага музея гісторыі Вялікай Айчыннай вайны.
21 чэрвеня
У музеі абароны Брэсцкай крэпасці правядуць міжнародную акцыю "Сад памяці", удзельнікі перададуць сцяг Усерасійскай патрыятычнай акцыі, прысвечанай перамозе ў Вялікай Айчыннай вайне.
У 17:00 стартуе "Эстафета сцяга "Перамога" - марш з удзелам рэканструктараў перадваеннай пары.
З 17:00 да 20:00 на вуліцы Савецкай пройдзе "Мірны вечар". У рамках праекта выступіць Брэсцкі гарадскі духавы аркестр і адбудзецца тэматычная музычна-літаратурная праграма цэнтральнай гарадской бібліятэкі імя Пушкіна з удзелам выканаўцаў з Кёльна.
У 19.00 ля Цярэспальскіх варот Брэсцкай крэпасці арганізуюць акцыю памяці "Баявы разлік" з удзелам курсантаў Інстытута пагранічнай службы Рэспублікі Беларусь.
У 22.00 на пляцоўцы перад галоўным уваходам мемарыяльнага комплексу пачнецца міжнародная акцыя "Вогненныя карціны".
22 чэрвеня
У 3.30 пройдзе мітынг-рэквіем, прысвечаны 80-й гадавіне пачатку Вялікай Айчыннай вайны.
Знакавай падзеяй у гэтыя дні стане X міжнародны ваенна-гістарычны злёт-рэканструкцыя "22 чэрвеня 1941 года. Брэсцкая крэпасць". Ён пройдзе ў Кобрынскім умацаванні Брэсцкай крэпасці. Удзельнікі, у ліку іншага, прадставяць інсцэніроўку апошняга мірнага дня і эпізодаў абароны крэпасці з выкарыстаннем тэхнікі.
Чытайце таксама:
- Пасол Лук'янаў у Брэсцкай крэпасці: свае вароты нельга адчыняць знутры
- "1941. Першыя дні вайны": Sputnik Беларусь адкрывае фотавыставу
- Памёр апошні абаронца Брэсцкай крэпасці Пётр Кацельнікаў
- Як выглядае абноўлены музей "Пяты форт" у Брэсце
Тэги:
Дрэнная вада: забаронена купацца ў пяці вадаёмах Беларусі
(абноўлена 14:58 19.06.2021)
На працягу тыдня спецыялісты санэпідслужбы абследавалі 329 зон рэкрэацыі. Было ўзята 806 проб вады. Многія з іх не адпавядаюць нарматыўным паказчыкам.МІНСК, 19 чэр - Sputnik. Санітарна-эпідэміялагічная служба забараніла купанне ў пяці вадаёмах Беларусі, паведамляе Рэспубліканскі цэнтр гігіены, эпідэміялогіі і грамадскага здароўя.
На працягу тыдня спецыялісты санэпідслужбы абследавалі 329 зон рэкрэацыі. Было ўзята 806 проб вады. Як высветлілася, 20 проб не адпавядалі гігіенічным нарматывам па санітарна-хімічных паказчыках, 12 - па мікрабіялагічных паказчыках.
Па выніках праверак абмежавана купанне ў зонах адпачынку Брэсцкай вобласці: пляжы "Цэнтральны" правы і левы бераг ракі Мухавец і цэнтральны пляж возера Алтушскае, а таксама на пляжы Вільчыцкага вадасховішча Магілёўскага раёна.
На Гомельшчыне пляж на Дняпры ў парку культуры і адпачынку "Прыдняпроўскі" ў Жлобіне зачынены для купання, але даступны для заняткаў воднымі відамі спорту.
Забаронена купанне і заняткі воднымі відамі спорту на чатырох пляжах ў Магілёве і Магілёўскім раёне: пляж на Грэбенеўскім вадасховішчы Магілёва; гарадскі пляж на Дняпры ў Магілёве; пляж на Пячэрскім вадасховішчы Магілёва і пляж на Дняпры ў аграгарадку Палыкавічы Магілёўскага раёна.
Між тым забароны на наведванне грамадзянамі лясных угоддзяў уведзены ўжо ў 25 раёнах Беларусі, паведамляе міністэрства лясной гаспадаркі рэспублікі.
Увядзенне падобных забарон - гэта вымушаны крок, каб пазбегнуць пажараў у лясных угоддзях рэспублікі. Па меры стабілізацыі пажаранебяспечнай абстаноўкі абмежаванні на наведванне лясоў аператыўна здымаюцца.
Чытайце таксама:
- Сіноптыкі абяцаюць спякоту на выхадных: будзе да +33°С
- "Мальдывы" без ПЦР: куды паехаць у Беларусі на выхадныя
- Егіпет, Турцыя - што яшчэ? Куды паляцець на адпачынак беларусам
Тэги: