Які сёння дзень: 30 снежня 2020 года

Які сёння дзень: 30 снежня 2020 года

71
(абноўлена 16:03 21.12.2020)
Гэты дзень з'яўляецца трыста шэсцьдзесят пятым па грыгарыянскім календары, да канца года застаецца 1 дзень.

Якія падзеі адбыліся 30 снежня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 30 снежня

  • У 1667 годзе Спыніў дзейнасць Віленскі манетны двор.
  • У 1922 годзе адбылося ўтварэнне Саюза Савецкіх Сацыялістычных Рэспублік.
  • У 1956 годзе вёска Шацілкі ператворана ў гарадскі пасёлак (зараз — горад Светлагорск).
  • У 1992 годзе Беларусь устанавіла дыпламатычныя адносіны з Літоўскай Рэспублікай.

Хто нарадзіўся 30 снежня

  • 1880 год: Антон Баначыч, беларускі спявак і педагог.
  • 1904 год: Зэлік Аксельрод, беларускі яўрэйскі паэт, перакладчык беларускай паэзіі на ідыш.

Таксама сёння нарадзіліся англійскі пісьменнік Джозеф Рэдзьярд Кіплінг і французская актрыса Вера Клузо.

30 снежня ў народным календары

Сёння Праваслаўная царква шануе памяць прарока Данііла. У народзе гэты дзень называлі Данііл Зімапаказальнік. Таксама па надвор'ю ў гэты дзень прадказвалі, якім будзе май.

Калі 30 снежня была завіруха, гэта значыла, што наступным летам пчолы будуць добра раіцца і прынясуць багаты ўраджай мёду.

Шэрань на галінках дрэў сведчыла пра адлігу, якая будзе праз тыдзень.

Чытайце таксама: 

71
Тэги:
народны каляндар, які сёння дзень
Тэмы:
Які сёння дзень: каляндар знакавых падзей (327)
Які сёння дзень: 23 студзеня

Які сёння дзень: 23 студзеня 2021 года

186
(абноўлена 20:33 22.01.2021)
Гэты дзень з'яўляецца дваццаць трэцім па грыгарыянскім календары, таму да канца года засталося 342 дні.

Якія падзеі адбыліся 23 студзеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 23 студзеня

  • У 1793 годзе ў Санкт-Пецярбургу падпісана пагадненне паміж Расіяй і Прусіяй аб другім падзеле Рэчы Паспалітай.
  • У 1997 годзе была ўтворана Адміністрацыя прэзідэнта Рэспублікі Беларусь і зацверджана палажэнне аб ёй.
  • У 2003 годзе адбылася прэм’ера спектакля "Дзіўная місіс Сэвідж" у Нацыянальным акадэмічным тэатры імя Янкі Купалы.

Хто нарадзіўся 23 студзеня

  • 1911 год: Арсеній Сямёнаў, савецкі мастак родам з Беларусі.
  • 1975 год: Дзяніс Барсукоў, беларускі мастак.

Таксама сёння нарадзіліся французскі пісьменнік Стэндаль і французскі мастак-імпрэсіяніст Эдуард Манэ.

23 студзеня ў народным календары

Сёння праваслаўныя вернікі шануюць памяць святога Грыгорыя. У народзе яго называлі Летапаказальнік: па 23 студзеня даведваліся, якім будзе лета.

Так, калі вецер дзьмуў з поўдня, будзе шмат навальніц, яснае надвор'е – да гарачага лета, шэрань на дрэвах – да яснага неба, але калі яна застаецца на ўвесь дзень, варта чакаць непагадзі, якая можа пашкодзіць жыта. Сухі снег – да сухога лета.

186
Тэги:
народны каляндар, які сёння дзень
Тэмы:
Які сёння дзень: каляндар знакавых падзей (327)
Які сёння дзень: 22 студзеня

Які сёння дзень: 22 студзеня 2021 года

242
(абноўлена 21:07 21.01.2021)
Гэты дзень з'яўляецца дваццаць другім па грыгарыянскім календары, таму да канца года засталося 343 дні.

Якія яшчэ падзеі адбыліся 22 студзеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 22 студзеня

  • У 1558 годзе пачалася Лівонская вайна.
  • У 1624 годзе Віцебск пазбаўлены Магдэбургскага права.
  • У 1796 годзе Бабруйск, Давыд-Гарадок, Докшыцы і Паставы атрымалі гербы.
  • У 1908 годзе ў Мінску пачаў працу І з’езд лекараў Мінскай губерні.
  • У 1935 годзе ў Мінску прайшоў ХІ Усебеларускі з’езд Саветаў.

Хто нарадзіўся 22 студзеня

  • 1890 год: Ільдэфонс Бобіч, каталіцкі святар, прыхільнік беларусізацыі касцёлу.
  • 1906 год: Андрэй Александровіч, беларускі паэт.
  • 1935 год: Віктар Ракаў, беларускі паэт.

Таксама сёння нарадзіліся англійскі філосаф Фрэнсіс Бэкан, французскі фізік Андрэ Ампер, англійскі паэт Джордж Байран, савецкі рэжысёр Сяргей Эйзенштэйн і расійскі фізік Леў Ландау.

22 студзеня ў народным календары

Сёння праваслаўныя вернікі шануюць памяць свяціцеля Філіпа.

Святы падыходзілі да свайго завяршэння, вяскоўцам трэба было прымацца за працу: прыбіраць у доме, праць бялізну. Часта ў гэты дзень хадзілі ў баню. У народзе верылі, што ў бане жыве дух – баннік, якога трэба задобрыць перад тым, як парыцца, каб баннік, няхай ён і не злы, не ўтварыў якой-небудзь шкоды.

Калі птушкі ў гэты дзень не злятаюць на снег, пахаладае. Котка ляжыць пузам дагары – наадварот, будзе адліга.

242
Тэги:
які сёння дзень, народны каляндар
Тэмы:
Які сёння дзень: каляндар знакавых падзей (327)

Рэдкі від: у заапарку Вроцлава нарадзіўся індыйскі насарог - відэа

0
(абноўлена 16:06 23.01.2021)
Упершыню за сваю 155-гадовую гісторыю заапарк абвясціў пра з'яўленне на свет дзіцяняці індыйскага насарога. Пасля 16-месячнай цяжарнасці насарог па мянушцы Маруся нарадзіла чароўнае дзіцяня. Глядзіце на відэа, як мама засцерагае малую.

Дзіцяня індыйскага насарога з'явілася на свет у заапарку Вроцлава 6 студзеня, аднак паказалі малую толькі цяпер. Шасцігадовая самка насарога па мянушцы Маруся выношвала дзіцяня 16 месяцаў, пасля родаў мама адчувае сябе добра і не падпускае да дачкі старонніх.

"Гэта першы індыйскі насарог ў гісторыі заапарка і ў цэлым першы насарог, які тут нарадзіўся. Для нас гэта вялікая радасць, але таксама і вялікая адказнасць", - сказала наглядчык заапарка Вроцлава Жусціна Навіцка.

Індыйскія насарогі - вельмі рэдкі від нават у дзікай прыродзе. Гэтыя млекакормячыя прадстаўлены толькі ў 66 заапарках па ўсім свеце. Некалькі дзесяцігоддзяў таму індыйскія насарогі былі на мяжы вымірання, таму што браканьеры палявалі на іх з-за іх каштоўнага рога, які мог дасягаць у даўжыню да 57 сантыметраў. Аднак дзякуючы строгім правілам, якія ўступілі ў сілу ў 1970-х гадах, папуляцыя гэтага віду павялічылася прыкладна да 3600 асобін.

"Мы вельмі задаволеныя гэтай падзеяй, таму што гэты від знаходзіцца пад пагрозай знікнення, як і ўсе насарогі. Ён жыве ўсяго ў некалькіх нацыянальных парках Індыі. І гэтыя паркі ўсё часцей забудоўваюцца, на жаль, жыллём для людзей, што выклікае праблемы, асабліва ў выпадку паводак", - сказаў дырэктар заапарка Вроцлава Радаслаў Ратайшчак.

Рэдкасць дадзенага віду надае нараджэнню маляняці асаблівае значэнне, аднак наглядчыкі заапарка мяркуюць, што гэтае дзіцяня будзе не адзінае. Бацькі-насарогі маладыя і ў будучыні ў іх яшчэ могуць з’явіцца нашчадкі.

0
Тэги:
заапарк