Які сёння дзень: 2 студзеня 2021 года

Які сёння дзень: 2 студзеня 2021 года

151
(абноўлена 10:35 28.12.2020)
Гэты дзень з'яўляецца другім па грыгарыянскім календары, а да канца года засталося 363 дні.

Якія падзеі адбыліся 2 студзеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 2 студзеня

  • У 1793 годзе адбыўся другі падзел Рэчы Паспалітай.
  • У 1981 годзе ў Мінску заснаванае выдавецтва "Юнацтва".

Хто нарадзіўся 2 студзеня

  • 1925 год: Яўген Дзямідчык, беларускі вучоны ў галіне анкалогіі і хірургіі.
  • 1937 год: Генадзь Марцуль, беларускі гісторык.

Таксама сёння нарадзіліся амерыканскі пісьменнік-фантаст Айзек Азімаў і рускі жывапісец Васіль Пяроў.

2 студзеня ў народным календары

Сёння Праваслаўная царква ўспамінае Ігнація Баганосца і цудатворца Іаана Кранштацкага.

У народзе казалі: "Які Ігнат, такі і жнівень будзе" – па надвор'ю ў гэты дзень вызначалі, якім яно будзе ў апошні летні месяц.

2 студзеня прынята было з абразом абыходзіць куты хаты, каб выгнаць з яе злых духаў. Моладзь рыхтавалася да каляд – рабілі касцюмы, вучылі калядкі.

Каб вызначыць, які ў гэтым годзе будзе ўраджай, страсалі снег з дрэва. Чым больш удалося страсці, тым больш, лічылася, будзе жыта і гародніны.

151
Тэги:
народны каляндар, які сёння дзень
Тэмы:
Які сёння дзень: каляндар знакавых падзей (327)
Які сёння дзень: 16 студзеня

Які сёння дзень: 16 студзеня 2021 года

219
(абноўлена 10:52 28.12.2020)
Гэты дзень з'яўляецца шаснаццатым па грыгарыянскім календары, а да канца года засталося 349 дзён.

Якія падзеі адбыліся 16 студзеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 16 студзеня

  • У 1921 годзе быў падпісаны саюзны дагавор паміж БССР і РСФСР.
  • У 1963 годзе Мікіта Хрушчоў абвясціў аб тым, што СССР мае вадародную бомбу.

Хто нарадзіўся 16 студзеня

  • 1919 год: Уладзімір Алоўнікаў, беларускі кампазітар.
  • 1940 год: Іван Піліпавіч Лагвіновіч, беларускі паэт.

Таксама сёння нарадзіліся савецкі акцёр Васіль Ланавы і амерыканская актрыса Этэль Мерман.

16 студзеня ў народным календары

Сёння праваслаўныя вернікі шануюць памяць прарока Малахіі і святога пакутніка Гордзія.

У гэты дзень у вёсках пільнавалі хлеў ад ведзьм, якія, па павер'і, маглі скрасці ў кароў малако і нават замарыць жывёлу да смерці. У гэтым гаспадарам дапамагаў дамавы, або хлеўнік. Для яго пакідалі ў хлеве нешта смачнае.

Калі на Малахію воблачна, хутка будзе завіруха. Шэрань на дрэвах прадракае яснае і сухое надвор'е.

219
Тэги:
народны каляндар, які сёння дзень
Певень, архіўнае фота

Які сёння дзень: 15 студзеня 2021 года

298
(абноўлена 10:51 28.12.2020)
Гэты дзень з'яўляецца пятнаццатым па грыгарыянскім календары, а да канца года засталося 350 дзён.

Якія падзеі адбыліся 15 студзеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 15 студзеня

  • У 1919 годзе Марк Шагал заснаваў Віцебскае народнае мастацкае вучылішча.
  • У 1926 годзе ў Вільні выйшаў першы нумар беларускага ілюстраванага сатырычнага часопіса "Маланка".
  • У 1926 годзе польскімі ўладамі была забаронена Беларуская сялянска-работніцкая грамада.
  • У 1976 годзе была ўведзена ў эксплуатацыю Вілейска-Мінская водная сістэма.
  • У 1991 годзе ў Мінску быў заснаваны Нацыянальны дзяржаўны гуманітарны ліцэй.
  • У 1994 годзе Біл Клінтан наведаў Беларусь з афіцыйным візітам.
  • У 2001 годзе Джымі Вэйлз і Лары Сэнгер стварылі Вікіпедыю.

Хто нарадзіўся 15 студзеня

  • 1742 год: Францішак Нарвайш, прафесар вышэйшай матэматыкі ў Віленскім універсітэце.
  • 1908 год: Заір Азгур, беларускі скульптар.
  • 1936 год: Янка Сіпакоў, беларускі пісьменнік, перакладчык.

Таксама сёння нарадзіліся расійскі матэматык, першая ў свеце жанчына-прафесар Соф'я Кавалеўская і лідар барацьбы за грамадзянскія правы чарнаскурых амерыканцаў Марцін Лютэр Кінг.

15 студзеня ў народным календары

Сёння праваслаўная царква шануе памяць свяціцеля Сільвестра, які, па паданні, змог звярнуць ў хрысціянства імператара Канстанціна.

На Сільвестра вяскоўцы асабліва даглядалі куратнікі. Каб куры добра несліся, у куратніке вешалі каменьчык з дзюркай пасярэдзіне. Па дамашняй птушке таксама вызначалі надвор'е. Калі пеўні рана запелі – будзе адліга. Куры рана заснулі – наадварот, будзе мароз.

Жанчыны ў гэты дзень варажылі на цыбулі. 12 цыбулін пасыпалі соллю і пакідалі на ноч на стале. Колькі намокла да раніцы, столькі будзе і дажджлівых месяцаў.

298
Тэги:
народны каляндар, які сёння дзень
Тэмы:
Які сёння дзень: каляндар знакавых падзей (327)
Нацбанк Беларусі

Нацбанк падвёў вынікі сваёй працы ў 2020 годзе

1
(абноўлена 20:28 15.01.2021)
Фінансавы рэгулятар у мінулым годзе займаўся падтрыманнем стабільнай працы эканомікі, але паказчык інфляцыі апынуўся вышэй за прагназаваны, а банкаўская сістэма спрацавала з меншым прыбыткам.

МІНСК, 16 сту – Sputnik. Беларуская эканоміка ў мінулым годзе працавала стабільна і не назапасіла дысбалансаў, заявіў журналістам кіраўнік Нацбанка Павел Калаўр у Палацы Незалежнасці пасля сустрэчы з кіраўніком дзяржавы.

Раней паводле афіцыйных дадзеных Белстата стала вядома, што па выніках мінулага года інфляцыя ў рэспубліцы склала 7,4%. Пры гэтым беларускія ўлады адводзілі заданне айчыннай эканоміцы захаваць рост цэн пры гадавых паказчыках у 5%.

Дадзенае пытанне асобна ўзнімалася на сустрэчы з Аляксандрам Лукашэнкам, але, тым не менш, ён выказаў падзяку кіраўніку Нацбанка за праведзеную ў 2020 годзе працу.

Рэнтабельнасць і ўстойлівасць

Па словах Калаўра, банкаўская сістэма змагла захаваць уласную ўстойлівасць, але пры гэтым яна спрацавала са зніжэннем прыбытку на 13,5%.

"Адпаведна, звалілася рэнтабельнасць нарматыўнага капіталу - на два працэнтныя пункты. Але ў прынцыпе, рэнтабельнасць банкаўскага сектара 8,9% - гэта цалкам добрая рэнтабельнасць для забеспячэння ўстойлівасці", - запэўніў ён.

Прычым кіраўнік Нацбанка звярнуў увагу, што неабслугоўваныя актывы засталіся на ранейшым узроўні, як і ў пачатку мінулага года. Ва ўсім крэдытным партфелі банкаў яны знаходзяцца на метцы ў 4,8%.

"Дастатковасць нарматыўнага капіталу ўсёй банкаўскай сістэмы складае 17% пры патрабаваннях у 12,5%. Мы бачым, што ёсць значны запас трываласці, каб банкі маглі не толькі ўстойліва працаваць, але і ў далейшым аказваць падтрымку нашай эканоміцы", - падкрэсліў Калаўр.

Раўнаважны рыначны курс

Пасля чаго патлумачыў, што рэгулятар і ўся банкаўская сістэма ў 2020 годзе выконвалі дзве задачы - гэта крэдытная падтрымка эканомікі і суправаджэнне экспарту, а таксама падтрыманне макраэканамічнай збалансаванасці падчас крызісу.

На яго думку, абедзве мэты дасягнуты, і фінансавую стабільнасць удалося захаваць у рэспубліцы, але пры гэтым абясцэнілася нацыянальная валюта.

"Я б хацеў заўважыць, што гэты працэс быў аб'ектыўна абумоўлены тымі фактарамі, з якімі сутыкнулася наша эканоміка. Пры гэтым мы маем раўнаважны рыначны курс, не назапасілі дысбалансаў, якія б аказвалі негатыўны ўплыў на плацежны баланс і, адпаведна, валютны рынак", - упэўнены Павел Калаўр.

Адток дэпазітаў і курс рубля

Пры гэтым ён лічыць, што "рэальны эфектыўны курс беларускага рубля за мінулы год знізіўся на 5%, па сутнасці, была аказана падтрымка цэнавых умоў прадпрыемствам-экспарцёрам".

У гэтым годзе Нацбанк нацэлены на тое, каб падтрымліваць параметры шырокай грашовай масы. Таму што ў 2020 годзе банкаўская сістэма сутыкнулася з адтокам дэпазітаў і ў валюце, і ў рублях.

"Гэта аказала негатыўнае ўздзеянне на шырокую грашовую масу, і паказчык па ёй некалькі ніжэй, чым мы прагназавалі. Але тыя рэсурсы, якія сышлі з эканомікі з прычыны зніжэння дэпазітаў у нацыянальнай валюце, былі замешчаны грошамі Нацыянальнага банка", - асабліва адзначыў ён.

1
Тэги:
Беларусь, Інфляцыя, Нацыянальны банк Рэспублікі Беларусь