Які сёння дзень: 5 студзеня 2021 года
(абноўлена 10:42 28.12.2020)
Гэты дзень з'яўляецца пятым па грыгарыянскім календары і да канца года засталося 360 дзён. Сёння ў Беларусі адзначаюць Дзень работнікаў сацыяльнай абароны. Якія яшчэ падзеі адбыліся 5 студзеня і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 5 студзеня
- У 1984 годзе ў Мінску быў заснаваны музей "Дом Ваньковічаў".
- У 1993 годзе Беларусь устанавіла дыпламатычныя адносіны з Чэхіяй.
Хто нарадзіўся 5 студзеня
- 1104 год: Еўфрасіння Полацкая, княжна полацкая, асветніца, прылічаная да святых.
- 1907 год: Кастусь Губарэвіч, беларускі драматург.
- 1958 год: Ігар Бархаткоў, беларускі мастак-жывапісец, калекцыянер.
Таксама сёння нарадзіліся італьянскі пісьменнік Умберта Эка і японскі рэжысёр Хаяо Міядзакі.
5 студзеня ў народным календары
Сёння праваслаўныя вернікі шануюць памяць вялебнага Ніфанта і пакутніка Феадула. У народзе казалі: "Прыйшоў Фядул, вецер падзьмуў".
Па гэтаму дню глядзелі, які будзе лістапад. Калі дзень марозны і ясны, будзе сонечна, а калі адліга – лістапад будзе дажджлівы.
На Фядула ў хатах пяклі печыва ў выглядзе розных дамашніх жывёл: лічылася, што гэта дапаможа іх абараніць ад злых духаў.
Які сёння дзень: 20 студзеня 2021 года
(абноўлена 20:27 19.01.2021)
Гэты дзень з'яўляецца дваццатым па грыгарыянскім календары, да канца года засталося 345 дзён. Якія падзеі адбыліся 20 студзеня і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 20 студзеня
- У 1919 годзе быў адкрыты Беларускі абласны музей (з 31.8.1923 - Беларускі дзяржаўны музей).
- У 1960 годзе ў БССР была ліквідавана Маладзечанская вобласць.
- У 1992 годзе Беларусь устанавіла дыпламатычныя адносіны з Кітайскай Народнай Рэспублікай.
Хто нарадзіўся 20 студзеня
- 1801 год: Канут Русецкі, беларускі жывапісец.
- 1892 год: Браніслаў Тарашкевіч, беларускі мовазнавец, палітычны дзеяч.
- 1892 год: Рыгор Шырма, збіральнік і пашыральнік беларускай народнай песні, народны артыст БССР.
- 1907 год: Іван Лушчыцкі, беларускі філосаф.
- 1913 год: Ларыса Алексютовіч, беларуская танцоўшчыца, балетмайстар.
- 1936 год: Васіль Сёмуха, беларускі перакладчык.
Таксама сёння нарадзіліся італьянскі сцэнарыст і кінарэжысёр Федэрыка Феліні і амерыканская актрыса Патрыцыя Ніл.
20 студзеня ў народным календары
Сёння Праваслаўная царква адзначае Сабор Прадцечы і Хрысціцеля Гасподняга Іаана. У народзе яго лічылі заступнікам сельскай гаспадаркі. Таксама Іаану маліліся аб збавенні ад галаўнога болю.
20 студзеня перад тым, як снедаць, раніцай пілі Вадохрышчанскую ваду. Ёй таксама ўмываліся, асабліва калі захварэлі. Дамашнім жывёлам давалі хлеб і соль, якія засталіся ад Куцці.
Калі 20 студзеня было яснае надвор'е, гэта прадвяшчала сухое і гарачае лета. Калі ішоў снег, ісці яму на працягу ўсёй Масленіцы.
Які сёння дзень: 19 студзеня 2021 года
(абноўлена 21:16 18.01.2021)
Гэты дзень з'яўляецца дзевятнаццатым па грыгарыянскім календары, а да канца года засталося 346 дзён.Сёння ў Беларусі святкуееца Дзень ратавальніка. Якія яшчэ падзеі адбыліся 19 студзеня і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 19 студзеня
- У 1970 годзе адбыўся пуск першага тралейбуса ў Магілёве.
Хто нарадзіўся 19 студзеня
- 1910 год: Іван Ушакоў, беларускі тэатральны мастак.
- 1931 год: Наталля Паплаўская, беларуская мастачка.
Таксама сёння нарадзіліся шатландскі інжынер, вынаходнік-механік Джэймс Ват, амерыканскі пісьменнік Эдгар Алан По і французскі мастак Поль Сезан.
19 студзеня ў народным календары
Сёння Праваслаўная Царква адзначае вялікае двунадзесятае свята Вадохрышча. Сваю другую назву – Богаяўленне – свята атрымала таму, што падчас хрышчэння Ісуса ў рацэ Іардан да яго сышоў Святы Дух.
З 19 студзеня і на працягу ўсяго тыдня забаранялася мыць бялізну ў рацэ: у лёдзе на Вадохрышча выразалі палонкі, звычайна ў форме крыжа, у якія акуналіся вернікі. Святую ваду, набраную на Вадохрышча, захоўвалі ўвесь год: ёй акраплялі хату і пілі падчас хвароб або жыццёвых выпрабаванняў.
Калі на Вадохрышча цёпла і сонечна, такое надвор'е будзе трымацца яшчэ некалькі тыдняў.
Тэги:
Рака, іардань, –25°С: Вадохрышча ў Тураве - відэа
(абноўлена 19:05 19.01.2021)
Вадохрышчанскія маразы ўхуталі ўсю Беларусь, але на самым яе поўдні, у сэрцы Палесся, беларусы па звычаю акунуліся ў палонцы. Глядзіце на відэа, як гэта было.У самым галоўным горадзе летапіснага Тураўскага княства, дзе на працягу больш за тысячу гадоў знаходзіцца цэнтр праваслаўя, вернікі сабраліся ў саборы на службе ў гонар Вадохрышча.
©
Sputnik / Виктор Толочко
У Тураве, як і па ўсёй краіне, прынята ў гэты дзень ныраць у іардань на рацэ. Няхай гэты звычай і не ўхваляюць у царкве, але важна, што і не асуджаюць.
Сёння на Палессі стаялі сапраўдныя вадохрышчанскія маразы, і тэмпература паветра апусцілася да адзнакі ў мінус 25 градусаў.
Над палонкай у рацэ Струмень стаялі клубы прывабнай пары.
Глядзіце ў відэасюжэце Sputnik Беларусь, як у старажытным беларускім горадзе акунаюцца ў палонцы смелыя палешукі.
Тэги: