Які сёння дзень: 8 студзеня 2021 года
(абноўлена 10:45 28.12.2020)
Гэты дзень з'яўляецца восьмым па грыгарыянскім календары, а да канца года засталося 357 дзён. Якія падзеі адбыліся 8 студзеня і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 8 студзеня
- У 1919 годзе Мінск быў абвешчаны сталіцай БССР.
- У 1954 годзе ў Беларусі былі ліквідаваны вобласці: Бабруйская, Баранавіцкая, Палеская з цэнтрам у Мазыры, Пінская і Полацкая.
Хто нарадзіўся 8 студзеня
- 1911 год: Уладзімір Дудзіцкі, беларускі паэт, дзеяч беларускай эміграцыі.
- 1924 год: Алесь Савіцкі, беларускі пісьменнік.
- 1936 год: Генадзь Каханоўскі, беларускі гісторык.
Таксама сёння нарадзіліся амерыканскі спявак Элвіс Прэслі і англійскі фізік-тэарэтык Стывен Уільям Хокінг.
8 студзеня ў народным календары
Сёння праваслаўныя вернікі адзначаюць Сабор Найсвяцейшай Багародзіцы. Саборам гэты дзень называецца таму, што 8 студзеня адбываецца агульнае свята і іншых людзей, якія блізкія да Ісуса Хрыста і Панны Марыі. Так ушаноўваюць цара Давіда, які быў продкам Ісуса, а таксама святога Іосіфа і яго сына ад першага шлюбу Іакава.
У народзе гэты дзень быў прысвечаны павітухам і парадзіхам. Жанчыны ў гэты дзень прыходзілі да павітух, якія прымалі ў іх роды, паказвалі ім дзіця і дарылі падарункі.
Сёння прыбіралі ў хатах і выносілі з іх стары посуд і іншыя нягодныя рэчы.
Калі 8 студзеня снег ліпне да рук – будзе адліга. Паўночны вецер, наадварот, прадказвае сцюжу.
Які сёння дзень: 20 чэрвеня 2021 года
(абноўлена 19:48 18.06.2021)
Гэты дзень з'яўляецца сто семдзясят першым па грыгарыянскім календары, да канца года засталося 194 дні.Якія падзеі адбыліся 20 чэрвеня і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 20 чэрвеня
- У 1606 годзе ў Магілёве пачалося паўстанне мяшчан, якоедоўжылая 4 гады.
- У 1948 годзе ў Вязынцы адкрыты філіял Дзяржаўнага літаратурнага музея Янкі Купалы.
Хто нарадзіўся 20 чэрвеня
- 1566 год: Жыгімонт Ваза, кароль польскі і вялікі князь літоўскі, кароль шведскі.
- 1740 год: Юзаф Сангушка, дзяржаўны і вайсковы дзеяч Вялікага Княства Літоўскага.
- 1928 год: Гаўрыла Вашчанка, беларускі мастак.
- 1939 год: Валерый Раеўскі, беларускі тэатральны рэжысёр.
- 1963 год: Сяргей Кавалёў, беларускі драматург і літаратуразнавец.
Таксама сёння нарадзіліся французскі кампазітар Жак Афенбах і аўстралійская і амерыканская кінаактрыса Ніколь Кідман.
20 чэрвеня ў народным календары
Сёння праваслаўныя вернікі святкуюць Сёмуху (Троіцу) - галоўнае двунадзесятае пераходзячае свята, якое адзначаецца на 50-ы дзень пасля Вялікадня (уваскрэсення Ісуса Хрыста).
Таксама вернікі шануюць памяць святапакутніка Феадота Анкірскага, якога ў народзе празвалі Фядот Ураджайнік.
У гэты дзень сяляне асабліва спадзяваліся на тое, што хутка пойдуць дажджы, таму што калі будзе суха, калоссе загіне і не будзе ураджаю. Але калі непагадзь прыйдзе да таго, як калоссе нальецца, яно будзе бедным і нават пустым.
Непагадзь маглі прадказаць дым ад кастра, які сцеліцца нізка па зямлі, а таксама шум у лесе. Калі чуваць грымоты, дрэннае надвор'е будзе яшчэ доўга.
Тэги:
Які сёння дзень: 19 чэрвеня 2021 года
(абноўлена 13:26 16.06.2021)
Гэты дзень з'яўляецца сто сямідзясятым па грыгарыянскім календары, да канца года засталося 195 дзён.Якія падзеі адбыліся 19 чэрвеня і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 19 чэрвеня
- У 1574 годзе Кароль польскі і вялікі князь літоўскі Генрых III Валуа тайна пакінуў Кракаў.
- У 1669 годзе Міхал Вішнявецкі абраны каралём польскім.
- У 2008 годзе афіцыйна скончана дэмаркацыя дзяржаўнай мяжы паміж Рэспублікай Беларусь і Літоўскай Рэспублікай.
Хто нарадзіўся 19 чэрвеня
- 1912 год: Пятро Бітэль, беларускі паэт, перакладчык, краязнавец, настаўнік.
- 1924 год: Васіль Быкаў, беларускі пісьменнік.
- 1941 год: Іван Ласкоў, беларускі пісьменнік, перакладчык, крытык, гісторык.
- 1976 год: Ірына Хадарэнка, беларуская паэтэса, празаік, перакладчыца, журналіст, навуковец.
Таксама сёння нарадзіліся французскі матэматык, фізік і філосаф Блез Паскаль і рускі паэт Фёдар Глінка.
19 чэрвеня ў народным календары
Сёння праваслаўныя вернікі шануюць памяць вялебнага Іларыёна новага, якога таксама часам называлі Ларыёнам.
На Ларыёна гаспадыні змагаліся з пустазеллем - прапалвалі гароды. Калі часова не пазбавіцца ад шкоднай травы, яна можа задушыць пасевы. У народзе верылі, што займацца праполкай трэба на ўбываючы месяц – тады пустазелле зноў з'явіцца не так хутка.
Калі ў полі чуваць конікаў, будзе добрае надвор'е. Халодная раніца таксама прадвяшчае ясны дзень.
Зноў аранжавы ўзровень: спёка ў Беларусі захоўваецца
(абноўлена 16:19 20.06.2021)
Дажджоў сіноптыкі па-ранейшаму не прагназуюць, у некаторых раёнах з-за спякоты забаронена наведванне лясоў.
МІНСК, 20 чэр - Sputnik. У дзённы час у пачатку тыдня на большай частцы Беларусі максімальная тэмпература паветра дасягне +33 градусаў.
Захаваецца спякота 22-23 чэрвеня, чакаецца малавоблачнае надвор'е, пераважна без ападкаў, вецер будзе дзьмуць умераны і паўднёва-ўсходні, паведамілі ў Белгідрамеце.
Сіноптыкі раяць не забываць асноўныя правілы паводзін у спякоту, асабліва для пажылых людзей: не выходзіць з дому без патрэбы падчас максімальнай сонечнай актыўнасці, абавязкова апранаць галаўны ўбор і браць з сабой ваду. Знаходзячыся на вуліцы, можна часам заходзіць у крамы або гандлёвыя цэнтры з кандыцыянерамі.
Надвор'е ў Беларусі ў пачатку тыдня
У Мінску ў панядзелак ападкаў не чакаецца, тэмпература паветра ноччу да +18, днём паветра прагрэецца да +32C.
У Брэсце невялікая воблачнасць, могуць прайсці кароткачасовыя дажджы (іх верагоднасць сіноптыкі ацэньваюць у 5-10%, тэмпература паветра да +32C, такое ж надвор'е чакаецца і ў Гродне.
У Віцебску без ападкаў і да +33C, а вось у Гомелі сіноптыкі не выключаюць дождж, тэмпература паветра да + 32C. У Магілёве невялікая воблачнасць, таксама магчымы кароткачасовы дождж.
Чытайце таксама:
- Відэафакт: сурыкаты лашчацца на сонцы ў вулічным вальеры заапарка
- Надыходзіць спякота: у ДАІ далі парады, што рабіць кіроўцам у такое надвор'е
- Забарона на наведванне лясоў уведзена ўжо ў 17 раёнах Беларусі
Тэги: