Які сёння дзень: 19 сакавіка 2021 года
(абноўлена 18:51 15.03.2021)
Гэты дзень з'яўляецца семдзясят восьмым па грыгарыянскім календары, да канца года засталося 287 дзён.Сёння ў свеце адзначаецца Міжнародны дзень кліента. Якія яшчэ падзеі адбыліся 19 сакавіка і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 19 сакавіка
- У 1918 годзе Рада БНР прыняла палажэнне аб вярхоўнай уладзе БНР.
- У 1919 годзе адбылося першае пасяджэнне Цэнтральнай беларускай рады Гродзеншчыны.
Хто нарадзіўся 19 сакавіка
- 1931 год: Генадзь Кісялёў, беларускі літаратуразнавец, архівіст.
Таксама сёння нарадзіліся княгіня Соф'я Слуцкая и французскі фізік Фрэдэрык Жаліо-Кюры.
19 сакавіка ў народным календары
Сёння праваслаўныя вернікі шануюць памяць вялебнага Аркадзя Кіпрскага.
У гэты час звычайна вяртаюцца на радзіму буслы і ластаўкі. Нашы продкі верылі, што калі ластаўка робіць гняздо пад страхой хаты, у ёй ніколі не будзе пажару. Гнёзды нельга было разбураць: гэта магло наклікаць няшчасце.
Калі аблокі ў гэты дзень ляцяць хутка і высока, у бліжэйшыя дні будзе добрае надвор'е.
Які сёння дзень: 13 красавіка 2021 года
(абноўлена 17:32 12.04.2021)
Гэты дзень з'яўляецца сто трэцім па грыгарыянскім календары, да канца года засталося 262 дні. Якія яшчэ падзеі адбыліся 13 красавіка і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 13 красавіка
- У 1991 годзе былі ўтвораны Мінска-Магілёўская каталіцкая архідыяцэзія і Гродзенская дыяцэзія.
- У 1992 годзе Беларусь устанавіла дыпламатычныя адносіны з Італіяй.
Хто нарадзіўся 13 красавіка
- 1966 год: Юрась Барысевіч, беларускі эсэіст, перакладчык і мастак.
Таксама сёння нарадзіліся самы вядомы ўдзельнік Парахавой змовы Гай Фокс і рускі паэт Дзям'ян Бедны.
13 красавіка ў народным календары
Сёння праваслаўныя вернікі шануюць памяць вялебнага Іпація Цудатворца, які быў вядомы цудамі ацалення сляпых і хворых. Акрамя таго, Іпацію моляцца цяжарныя жанчыны і тыя, хто марыць пра дзіця.
У даўніну ў гэты дзень расчышчалі месца пад ворыва, высякалі лес, палілі галінкі і лісце і на гэтым месцы сеялі зерне.
Калі 13 красавіка цёпла і сонечна, лета будзе цёплым. Нізкія аблокі прадвяшчаюць хуткае пахаладанне.
Які сёння дзень: 12 красавіка 2021 года
(абноўлена 20:15 07.04.2021)
Гэты дзень з'яўляецца сто другім па грыгарыянскім календары, да канца года засталося 263 дні. Сёння адзначаецца Міжнародны дзень палёту чалавека ў космас. Якія яшчэ падзеі адбыліся 12 красавіка і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 12 красавіка
- У 1961 годзе Юрый Гагарын на караблі "Усход-1" здзейсніў першы палёт чалавека ў космас.
Хто нарадзіўся 12 красавіка
- 1541 год: Іпацій Пацей, царкоўны і дзяржаўны дзеяч Рэчы Паспалітай.
- 1890 год: Янка Нёманскі, беларускі пісьменнік, грамадскі дзеяч.
- 1984 год: Алег Касцючэнка, беларускі мастак-жывапісец, манументаліст.
Таксама сёння нарадзіліся амерыканская пісьменніца Харпер Лі і іспанская оперная спявачка Мансерат Кабалье.
12 красавіка ў народным календары
Сёння праваслаўныя вернікі шануюць памяць вялебнага Іаана Лесвічніка, аўтара багаслоўскай кнігі "Лесвіца райская", якая распавядае пра шлях манахаз да духоўнай дасканаласці.
У гэты дзень у вёсках частавалі дамавіка, каб ён не злаваўся, не ламаў рэчы і не шкодзіў дамашняй жывёле і гаспадарам дома.
Калі раніца 12 красавіка туманная, летам будзе добры ўраджай збожжа.