Які сёння дзень: 26 сакавіка 2021 года
(абноўлена 18:19 24.03.2021)
Гэты дзень з'яўляецца восемдзесят пятым па грыгарыянскім календары, да канца года засталося 280 дзён.Якія падзеі адбыліся 26 сакавіка і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 26 сакавіка
- У 1944 годзе ў Мінску ў гарадскім тэатры адбылася прэм’ера оперы "Усяслаў Чарадзей" М. Шчаглова-Куліковіча на вершы Н. Арсенневай.
- У 1988 годзе адбылося ўтварэнне заснавальніцкага камітэту Беларускага Аб'яднання Студэнтаў (БАС) у Польшчы.
Хто нарадзіўся 26 сакавіка
- 1940 год: Міхаіл Касцюк, беларускі гісторык, акадэмік НАНБ.
- 1942 год: Іван Арабейка, беларускі паэт.
- 1960 год: Віктар Шніп, беларускі паэт.
Таксама сёння нарадзіліся амерыканскі літаратар Тэнесі Уільямс, нямецкі пісьменнік і кінасцэнарыст Патрык Зюскінд і актрыса Кіра Найтлі.
26 сакавіка ў народным календары
Сёння праваслаўныя вернікі шануюць памяць свяціцеля Нікіфара, патрыярха Канстанцінопальскага.
У гэтыя дні рыбакі адпраўляюцца на раку, дзе пад апошнім ільдом добра клююць акунь і плотка. У лесе сцерагуцца: надыйшоў час прачынацца мядзведзям.
Калі гусі прыляцелі да 26 сакавіка, год будзе ўраджайны. Вецер з поўначы прадвяшчае халодную вясну.
Які сёння дзень: 15 красавіка 2021 года
(абноўлена 18:05 14.04.2021)
Гэты дзень з'яўляецца сто пятым па грыгарыянскім календары, да канца года засталося 260 дзён. Сёння адзначаюцца Сусветны дзень мастацтва, Міжнародны дзень культуры і Дзень экалагічных ведаў. Якія яшчэ падзеі адбыліся 15 красавіка і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 15 красавіка
- У 1432 годзе Вялікі князь літоўскі Жыгімонт Кейстутавіч аднавіў дзяржаўную унію з Польшчай, скасаваную вялікім князем Свідрыгайлам.
- У 1783 годзе была ўтворана каталіцкая Магілёўская архідыяцэзія.
- У 1992 годзе Беларусь устанавіла дыпламатычныя адносіны з Канадай.
Хто нарадзіўся 15 красавіка
- 1900 год: Уладзімір Тамашчык, беларускі грамадскі і рэлігійны дзеяч.
Таксама сёння нарадзіліся мастак, архітэктар і навуковец Леанарда да Вінчы, рускі паэт, навуковец Мікалай Гумілёў і расійская эстрадная спявачка Ала Пугачова
15 красавіка ў народным календары
У гэты дзень вернікі шануюць памяць святых Ціта і Палікарпа.
Палікарпаў дзень лічыўся рубяжом, пасля якога можна было чакаць бясхлебіцы. Гэта звязана было з тым, што раней да гэтага дня сеялі апошняе зерне, якое заставалася.
Калі на Палікарпа крычаць крумкачы – будзе непагадзь. Крумкачы ўвогуле асацыяваліся з дрэннымі навінамі, таму знянацку пачуць крумканне лічылася нядобрым знакмам: будзе бяда.
Які сёння дзень: 14 красавіка 2021 года
(абноўлена 19:18 13.04.2021)
Гэты дзень з'яўляецца сто чацвёртым па грыгарыянскім календары, да канца года застаўся 261 дзень. Якія падзеі адбыліся 14 красавіка і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 14 красавіка
- У 1432 годзе пачаталося валадарства Жыгімонта Кейстутавіча, вялікага князя літоўскага, які доўгі час не ўсімі часткамі ВКЛ прызнаваўся за законнага валадара.
- У 1923 годзе ў Вільні скончыўся з’езд педагогаў беларускіх гімназій.
- У 1988 годзе ў Варшаве адбыўся заснавальніцкі сход Беларускага аб'яднання студэнтаў.
Хто нарадзіўся 14 красавіка
- 1853 год: Уладзімір Завітневіч, беларускі археолаг і гісторык.
- 1880 год: Язэп Дыла, беларускі пісьменнік і культурны дзеяч.
- 1885 год: Сымон Рак-Міхайлоўскі, беларускі публіцыст, грамадскі і палітычны дзеяч.
- 1910 год: Алесь Пруднікаў, беларускі паэт.
- 1920 год: Аляксей Карпюк, беларускі пісьменнік, грамадскі дзеяч.
Таксама сёння нарадзіліся рускі пісьменнік Дзянiс Фанвізін і літоўскі кінарэжысёр Вітаўтас Жалакявічус.
14 красавіка ў народным календары
У гэты дзень праваслаўная Царква шануе памяць святога цудатвораца Еўфімія Суздальскага, святога Аўрамія Балгарскага, Уладзімірскага цудатворца, а таксама святую Марыю Егіпецкую ("Марья – зажги снега"). Сонца ў гэты дзень на ўсю моц пачынае свяціць і гуляць блікамі на снезе і ў ручаях.
Па гэтым дні можна даведацца, якое надвор'е будзе летам. Так, калі 14 красавіка сонечна, лета таксама будзе цёплым, а калі пахмурна і хмары нізка плывуць – вясна працягнецца доўга і будзе халоднай, а лета – кароткім.
Пачаўся продаж квіткоў на цягнік "Ласточка" паміж Масквой і Мінскам
(абноўлена 12:50 15.04.2021)
Паміж сталіцамі Расіі і Беларусі на штодзённай аснове будуць курсіраваць яшчэ два чыгуначныя рэйсы па люстраным раскладзе.МІНСК, 15 кра – Sputnik. Пачаўся продаж квіткоў на хуткасныя цягнікі "Ласточка" паміж Масквой і Мінскам, паведамілі ў прэс-службе Расійскай чыгункі.
"Адкрыты продаж квіткоў на "Ластаўку" Масква - Мінск! Набыць квіткі можна на сайце РЧ або ў праграме "РЧ Пасажырам", - гаворыцца ў паведамленні РЧ у Telegram-канале.
Паводле інфармацыі кампаніі ў праграме па продажы квіткоў, цэны пачынаюцца ад 1 428 расійскіх рублёў (крыху больш за 49 беларускіх рублёў - Sputnik) - у залежнасці ад месца і адлегласці паездкі, а таксама часу продажу. Набыць квіткі можна за 90 дзён да даты адпраўлення.
Ад месца адпраўлення да канчатковай станцыі месца базавага класа абыдзецца ў 49,38 беларускага рубля, эканом - 50,21 рубля, бізнес-класа - 136,14 рубля.
Першы цягнік адправіцца ў шлях ужо 30 красавіка. Штодня паміж сталіцамі Расіі і Беларусі будуць курсіраваць па два рэйсы "Ласточек" па люстраным раскладзе:
- № 717/722, адпраўленне ў 06:20 і прыбыццё ў 13:10 (з прыпынкам у Смаленску);
- № 721/718, адпраўленне ў 16:00 і прыбыццё у 22:55 (з прыпынкам у Вязьме і Смаленску).
У цягніках прадугледжаны ўсе неабходныя функцыі для пасажыраў з абмежаванымі магчымасцямі. У цяперашні час пасажырам рэкамендуецца выкарыстоўваць сродкі індывідуальнай аховы на працягу ўсёй паездкі.
Рух цягнікоў Мінск - Масква аднаўляецца
БЧ і РЧ аднавілі штодзённае курсіраванне міжнародных цягнікоў Мінск - Масква з 13 красавіка. У прыватнасці, штодзённым стаў фірмовы хуткі цягнік "Беларусь" №2/1. Таксама з панядзелка зноў пачалі хадзіць цягнікі №52/51 Брэст - Мінск - Санкт-Пецярбург (штодня), № 4/3 Масква - Брэст (праз дзень) і Гомель - Адлер (адзін раз у чатыры дні).
Без ПЦР не пусцяць
Усе грамадзяне Беларусі пры праездзе чыгуначным транспартам у Расію абавязаны мець пры сабе адмоўны вынік ПЦР-тэста на каронавірус. Тэст сапраўдны для праезду 72 гадзіны з моманту выдачы вынікаў.
Чытайце таксама:
- "Ласточки" паміж Масквой і Мінскам запусцяць 30 красавіка
- Цягнікі з Мінска ў Маскву пачынаюць хадзіць штодзень
- Улады Крыма прапанавалі Беларусі адкрыць прамыя транспартныя зносіны
Тэги: