Які сёння дзень: 11 чэрвеня 2021 года

Які сёння дзень: 11 чэрвеня 2021 года

296
(абноўлена 19:21 08.06.2021)
Гэты дзень з'яўляецца сто шасцьдзясят другім па грыгарыянскім календары, да канца года засталося 203 дні.

Якія падзеі адбыліся 11 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 11 чэрвеня

  • У 978 годзе Уладзімір Святаславіч абвешчаны вялікім князем кіеўскім.
  • У 1993 годзе Беларусь устанавіла дыпламатычныя адносіны з Арменіяй і Азербайджанам.

Хто нарадзіўся 11 чэрвеня

  • 1911 год: Пётр Савачкін, беларускі гісторык.
  • 1942 год: Яраслаў Пятроў, беларускі спявак.
  • 1985 год: Дзмітрый Калдун, беларускі спявак.

Таксама сёння нарадзіліся французскі акіянограф Жак-Іў Кусто і англійскі акцёр Х'ю Лоры.

11 чэрвеня ў народным календары

Сёння праваслаўныя вернікі шануюць памяць пакутніцы Феадосіі.

У гэты час пачынала квітнець жыта. Па тым, як гэта адбывалася, спрабавалі прадказаць кошты на зерне. Так, калі квітнець колас пачынаў знізу, кошт, адпаведна, будзе нізкі. Калі жыта закаласілася, будзе добры ўраджай грыбоў. Калі ж яшчэ не, грыбоў будзе мала, а баравікоў і зусім не знойдзеш.

Калі 11 чэрвеня вецер весь дзень дзьме ў адным напрамку, будзе дождж. Ранішні туман на вадзе прадвяшчаў добрае надвор'е.

296
Тэги:
народны каляндар, які сёння дзень
Тэмы:
Які сёння дзень: каляндар знакавых падзей (324)
Які сёння дзень: 23 чэрвеня 2021 года

Які сёння дзень: 23 чэрвеня 2021 года

84
(абноўлена 19:25 21.06.2021)
Гэты дзень з'яўляецца сто семдзесят чацвёртым па грыгарыянскім календары, да канца года застаўся 191 дзень.

Сёння святкуецца Міжнародны Алімпійскі Дзень. Якія яшчэ падзеі адбыліся 23 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 23 чэрвеня

  • У 1941 годзе войскі нацысцкай Германіі занялі гарады Беласток і Гродна.
  • У 1944 годзе савецкія войскі пачалі аперацыю «Баграціён».
  • У 1946 годзе было заснавана Крывіцкае (Беларускае) навуковае таварыства.

Хто нарадзіўся 23 чэрвеня

  • 1938 год: Юрый Хадыка, беларускі грамадскі і культурны дзеяч, навуковец.

Таксама сёння нарадзіліся руская паэтэса Ганна Ахматава і амерыканскі пісьменнік Рычард Бах.

23 чэрвеня ў народным календары

Сёння праваслаўныя вернікі шануюць памяць двух святапакутнікаў Цімафеяў – Прускага і Ульянава.

Дзень лічыўся не вельмі добрым, а знаменні, якія з'яўляліся 23 чэрвеня, трактаваліся як неспрыяльныя. Па павер'і, у гэты дзень духі маглі хадзіць па зямлі і турбаваць людзей.

Асабліва дрэнна было разбіць 23 чэрвеня люстэрка або ўбачыць вясёлку – яна прадвяшчала галодны год. Сцерагліся таксама пажараў.

Калі ў гэты дзень не бачна казурак – чакаецца перамена надвор'я.

84
Тэги:
народны каляндар, які сёння дзень
Тэмы:
Які сёння дзень: каляндар знакавых падзей (324)
(13:11 / 103.61Mb / просмотров видео: 8872)

Пуцін усклаў кветкі да Магілы Невядомага салдата - відэа

19
(абноўлена 17:45 22.06.2021)
Прэзідэнт Расіі Уладзімір Пуцін у Дзень памяці і смутку ўсклаў кветкі да Магілы Невядомага салдата ў Маскве. Падрабязнасці глядзіце на відэа.

Цырымонія прайшла ў аўторак у Аляксандраўскім садзе расійскай сталіцы. У ёй прынялі ўдзел ветэраны Вялікай Айчыннай вайны, міністр абароны Расіі Сяргей Шайгу, мэр Масквы Сяргей Сабянін.

Пасля ўскладання кветак Пуцін выступіў з кароткай прамовай, адзначыўшы, што гісторыя не ведала такога жорсткага генацыду да з'яўлення нацызму.

"Ворагу было мала завалодаць чужой зямлёй. Ён прыйшоў, каб знішчыць наш народ. А тых, хто застанецца - ператварыць у рабоў, пазбавіўшы роднай мовы, традыцый продкаў, нашай культуры", - сказаў прэзідэнт Расіі.

Ён адзначыў, што адказам злу стаў масавы гераізм савецкага народа, адзінства і згуртаванасць людзей, якія прайшлі праз гора, пакуты і смерць.

Дзень памяці і смутку - дзень пачатку Вялікай Айчыннай вайны. У гэтым годзе 22 чэрвеня - васьмідзесятая гадавіна нападзення фашысцкай Германіі на СССР.

Чытайце таксама:

19
Тэги:
Расія, прэзідэнт, відэа, Масква, магіла Невядомага салдата, магіла, кветкі, Уладзімір Пуцін
Адпачынак на рацэ Прыпяць

За ўсю гісторыю метэаназіранняў: тэмпературны рэкорд чэрвеня пабіты ў Беларусі

9
(абноўлена 17:10 23.06.2021)
Тэмпературныя рэкорды сіноптыкі звычайна фіксуюць у ліпені і жніўні, але ў 2021-м годзе першы летні месяц здзівіў усіх.

МІНСК, 23 чэр - Sputnik. У аўторак у Беларусі быў зафіксаваны тэмпературны рэкорд 35,9 градусы, паведаміў начальнік службы метэаралагічных прагнозаў Белгідрамета Аляксандр Бяганскі.

Тэмпературныя рэкорды месяца былі ўсталяваны ў аўторак на шэрагу станцый па ўсходзе Беларусі: на большай частцы Гомельскай, Магілёўскай і па ўсходзе Віцебскай і Мінскай абласцей.

"Учора максімум быў зафіксаваны 35,9 градусы на метэастанцыі "Кастрычнік" (Гомельская вобласць). Гэта была самая высокая тэмпература па краіне за ўсю гісторыю назіранняў у чэрвені - парадку 120-130 гадоў", - сказаў Sputnik Бяганскі.

Ён удакладніў, што гаворка ідзе пра самы гарачы чэрвень, абсалютныя гадавыя рэкорды не перавышаны, так як яны значна вышэй. "Мы пакуль на іх не прэтэндуем. Максімумы характэрны звычайна для ліпеня і жніўня, усе рэкорды звычайна прыпадаюць на гэтыя перыяды", - дадаў начальнік службы.

З 23 па 25 чэрвеня з-за спякоты беларускія сіноптыкі ўсталявалі чырвоны ўзровень небяспекі. У большасці рэгіёнаў слупок тэрмометра падбіраецца да адзнакі +34 градусы.

Белгідрамет прагназуе, што спёка ў Беларусі захаваецца да канца тыдня, але дададуцца дажджы з навальніцамі. У апошнія выхадныя чэрвеня тэмпература пачне зніжацца.

Чытайце таксама:

9
Тэги:
Лета, сіноптыкі, Беларусь, тэмпературны рэкорд, Гідраметэацэнтр Рэспублікі Беларусь