МЗС даў рэкамендацыі беларусам, якія збіраюцца ў Турцыю

© REUTERS / Murad SezerТурэцкая паліцыя ў міжнародным аэрапорце Атацюрка ў Стамбуле
Турэцкая паліцыя ў міжнародным аэрапорце Атацюрка ў Стамбуле - Sputnik Беларусь
Падпісацца
Турэцкая паліцыя робіць усё неабходнае, каб стварыць бяспечныя ўмовы для турыстаў, аднак рэкамендацыі ўстрымацца ад наведвання гэтай краіны па-ранейшаму ў сіле.

МІНСК, 29 чэр — Sputnik. Грамадзянам Беларусі, якія знаходзяцца або якія збіраюцца ў Турцыю, варта пазбягаць месцаў з вялікай колькасцю людзей, паведамілі ў МЗС рэспублікі.

Палітолаг Сяргей Палагін у студыі  Sputnik Беларусь - Sputnik Беларусь
Радыё
Палітолаг: у Беларусі няма праблем з Турцыяй

Напярэдадні тры выбухі прагрымелі ў міжнародным тэрмінале стамбульскага аэрапорта Атацюрка. Трое тэрарыстаў-смяротнікаў адкрылі агонь па пасажырам з аўтаматаў, пасля чаго прывялі ў дзеянне выбуховыя прылады. Паводле апошніх дадзеных, у выніку тэракту загінуў 41 чалавек, у тым ліку 13 замежнікаў, 239 параненыя.

"У сувязі з учорашнім тэрактам у міжнародным аэрапорце Стамбула рэкамендуем устрымлівацца ад наведвання месцаў з вялікай колькасцю людзей, якія могуць стаць мішэнню тэрарыстаў", — паведаміла намеснік начальніка ўпраўлення інфармацыі — начальнік аддзела прэс-службы МЗС Беларусі Марыя Ваньшына.

Яна звярнула ўвагу на тое, што ў асноўных курортных зонах Турцыі абстаноўка з'яўляецца стабільнай і кантраляванай. "Праваахоўныя органы краіны прымаюць усе неабходныя меры для забеспячэння бяспекі турыстаў", — удакладніла Ваньшына.

Стужка навiн
0