МІНСК, 15 сту — Sputnik. Галалёдзіца чакаецца на дарогах Беларусі ў нядзелю 15 студзеня, паведамілі Sputnik у Рэспубліканскім цэнтры па гідраметэаралогіі, кантролі радыёактыўнага забруджвання і маніторынгу навакольнага асяроддзя.
Моцныя снегапады прайшлі ў рэспубліцы напярэдадні, месцамі снежны полаг павялічыўся на 10 сантыметраў.
"У нядзелю 15 студзеня на дарогах рэспублікі чакаецца галалёдзіца", — сказалі ў Гідрамеце.
Там таксама паведамілі, што ў сувязі з гэтым у краіне абвешчаны аранжавы ўзровень небяспекі.
Паводле інфармацыі сіноптыкаў, днём пройдзе кароткачасовы снег, а максімальная тэмпература паветра складзе ад 0 да —4°C. У Мінску кароткачасовы снег, днём тэрмометры пакажуць ад —1 да 3°C.
